អង្គការ EBC និងអង្គការ KAPE បានសហការគ្នារៀបចំកិច្ចប្រជុំបូកសរុបលទ្ធផលនៃការអនុវត្តគម្រោងដាក់ឱ្យប្រើប្រាស់ថ្នាល EBC នៅសាលាគោលដៅទាំង១៣ របស់អង្គការខេប ក្រោមអធិបតីដ៏ខ្ពង់ខ្ពស់របស់ឯកឧត្ដម សុខ ពុទ្ធិវុធ

នារសៀលថ្ងៃទី២៦ ខែសីហា ឆ្នាំ២០២៦ អង្គការ EBC និងអង្គការ KAPE បានសហការគ្នារៀបចំកិច្ចប្រជុំបូកសរុបលទ្ធផលនៃការអនុវត្តគម្រោងដាក់ឱ្យប្រើប្រាស់ថ្នាល EBC នៅសាលាគោលដៅទាំង១៣ របស់អង្គការខេប ក្រោមអធិបតីដ៏ខ្ពង់ខ្ពស់របស់ឯកឧត្ដម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងប្រធានគណៈកម្មការគ្រប់គ្រងគម្រោងស្ដីពីការបង្កើត និងប្រតិបត្តិការថ្នាលអប់រំដោយប្រើប្រាស់បច្ចេកវិទ្យាគមនាគមន៍ព័ត៌មាន និងប្រព័ន្ធផ្សព្វផ្សាយ និងលោកជំទាវបណ្ឌិត គឹម សេដ្ឋានី រដ្ឋលេខាធិការប្រចាំការនៃ ក្រសួងអប់រំ យុវជន និងកីឡា និងជាអនុប្រធានគណៈកម្មការគ្រប់គ្រងគម្រោងស្ដីពីការបង្កើត និងប្រតិបត្តិការថ្នាលអប់រំដោយប្រើប្រាស់បច្ចេកវិទ្យាគមនាគមន៍ព័ត៌មាន និងប្រព័ន្ធផ្សព្វផ្សាយ។ ក្នុងនោះដែរក៏មានការចូលរួមពីសំណាក់ ឯកឧត្ដម លោកជំទាវ ថ្នាក់ដឹកនាំក្រសួងប្រៃសណីយ៍និងទូរគមនាគមន៍ ក្រសួងអប់រំ យុវជន និងកីឡា លោក សែ មុទ្ធិជាតិ ប្រធានអង្គការ EBC និងក្រុមការងារ លោក សៅ វណ្ណា ប្រធានអង្គការ KAPE និងក្រុមការងារ ដៃគូសហការនានា គណៈគ្រប់គ្រងសាលាទាំង១៣ និងលោកគ្រូ-អ្នកគ្រូ សរុប១០០រូប នៅសាលប្រជុំវិទ្យាល័យព្រែកលៀប សាលារៀនជំនាន់ថ្មី។