លោក សែ មុទ្ធិជាតិ ប្រធានអង្គការអុី ប៊ី ស៊ី បានទទួលស្វាគមន៍លោក ប្លែស គឺលីយ៉ង់ សហនាយកនៃសារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន (ស.ស.រ) និងក្រុមការងារ នៅការិយាល័យ EBC

ដំណើរទស្សនកិច្ចនេះធ្វើឡើងក្នុងគោលបំណង ពង្រឹងកិច្ចសហប្រតិបត្តិការដោយផ្សារភ្ជាប់ និងចែករំលែកមាតិការវាងសារមន្ទីរ ស.ស.រ និងអង្គការ EBC រួមមាន៖ វីដេអូប្រវត្តិសាស្រ្តបេតិកភណ្ឌ ការតាំងពិព័រណ៍មិនអចិន្ត្រៃយ៍ បណ្ណសារភាសាបារាំង(ឯកសារប្រវត្តិសាស្រ្ត) មាតិកាអប់រំស្ដីអំពីអក្ខរកម្មហិរញ្ញវត្តុ និងeLibrary។ ក្នុងនោះអង្គការ EBC និងសារមន្ទីរ ស.ស.រ គ្រោងចុះអនុស្សរណៈនៃការយោគយល់គ្នា នាពេលដ៏ខ្លីនេះ។