ក្នុងនាមជាគណៈគ្រប់គ្រងនៃវិទ្យាល័យ ប៊ុន រ៉ានី ហ៊ុន សែន បាទី ខ្ញុំបាទតែងតែផ្តល់អាទិភាពខ្ពស់លើការធ្វើបរិវដ្តកម្មឌីជីថល (Digital Transformation) ក្នុងវិស័យអប់រំ ដើម្បីលើកកម្ពស់គុណភាពបង្រៀន និងរៀននៅក្នុងសាលាឱ្យស្របតាមសម័យកាលទំនើប។បន្ទាប់ពីសាលារបស់យើងបានដាក់ឱ្យប្រើប្រាស់ ថ្នាលគ្រប់គ្រងការសិក្សា (LMS) របស់ EBC រួចមក ខ្ញុំសង្កេតឃើញថា ប្រព័ន្ធនេះបាននាំមកនូវការផ្លាស់ប្តូរជាវិជ្ជមានយ៉ាងខ្លាំង។ វាជាឧបករណ៍ដ៏មានឥទ្ធិពលដែលជួយសម្រួលដល់ការគ្រប់គ្រងការបង្រៀនរបស់លោកគ្រូ-អ្នកគ្រូ ធ្វើឱ្យការតាមដានការសិក្សារបស់សិស្សមានតម្លាភាព និងជួយជម្រុញស្វ័យសិក្សារបស់សិស្សានុសិស្សឱ្យកាន់តែមានប្រសិទ្ធភាព។ខ្ញុំពិតជាមានសេចក្តីសោមនស្សរីករាយ និងវាយតម្លៃខ្ពស់ចំពោះប្រព័ន្ធ LMS របស់ EBC ដែលជាប្រព័ន្ធមានភាពងាយស្រួល ទាន់សម័យ និងជាដៃគូដ៏ប្រសើរក្នុងការអភិវឌ្ឍប្រព័ន្ធអប់រំឌីជីថលនៅកម្រិតមធ្យមសិក្សា។

ក្នុងនាមខ្ញុំជាសិស្ស ខ្ញុំយល់ថាកម្មវិធី EBC ពិតជាមានប្រយោជន៍ណាស់សម្រាប់សិស្សានុសិស្សដើម្បីស្វ័យសិក្សា។ ក្នុងកម្មវិធីនេះមានមាតិកាសម្បូរបែប មានវីដេអូ មេរៀនសង្ខេប ការវាយតម្លៃចំណុចដែលគួរទាក់ទាញបំផុតនោះគឺ មានកិច្ចការផ្ទះសម្រាប់អនុវត្តបន្ថែមទៀតផង។

ថ្នាល LMS របស់ EBC ជាថ្នាលសិក្សាថ្មីមួយតាមប្រព័ន្ធឌីជីថល ដែលជួយឱ្យខ្ញុំ ក៏ដូចជាលោកគ្រូ អ្នកគ្រូ ប្រើប្រាស់បានគ្រប់ទីកន្លែងសម្រាប់ការរៀន និងបង្រៀន។ តាមរយៈវីដេអូបង្រៀន ក្នុងថ្នាលEBC អាចអោយសិស្សស្វ័យសិក្សាមុន ឬមេរៀនដែលរៀនរួចហើយ។ សិស្សអាចធ្វើតេស្តតាមមេរៀនដែលរៀនរួច ជាពិសេសសិស្សទី១២ ក៏អាចធ្វើវិញ្ញាសាត្រៀមប្រឡង ឬវិញ្ញាសាចាស់ៗដែលធ្លាប់ចេញប្រឡងបានគ្រប់ទីកន្លែង ចំណេញពេលវេលា និងការចំណាយ។ គ្រូក៏អាចស្រង់ទិន្នន័យក្នុងប្រព័ន្ធដែលសិស្សបានចូលរៀន និងធ្វើតេស្តទៀតផង។ តាំងពីមានថ្នាលនេះមក ការបង្រៀនរបស់ខ្ញុំមានភាពងាយស្រួលជាងមុន និងជួយសិស្សបានច្រើនជាងមុន។

ការប្រើប្រាស់ថ្នាលឌីជីថល EBC បានជួយលើកកម្ពស់គុណភាពនៃការបង្រៀន និងការរៀននៅសាលារបស់យើង។ លោកគ្រូ អ្នកគ្រូអាចចែករំលែកមេរៀន និងឯកសារសិក្សាបានកាន់តែងាយស្រួល ខណៈសិស្សអាចសិក្សាបន្ថែមដោយខ្លួនឯងបានគ្រប់ពេលវេលា។ ថ្នាលនេះក៏បានរួមចំណែកពង្រឹងជំនាញឌីជីថលរបស់គ្រូ និងសិស្សផងដែរ។ បន្ថែមពីនេះទៀត អ្នកសិក្សាអាចពង្រីកនិងពង្រឹងចំណេះដឹងបន្ថែមតាមរយៈមាតិកាដ៏សម្បូរបែបផងដែរ។ ខ្ញុំសូមគាំទ្រការប្រើប្រាស់ EBC ជាបន្តទៀត ដើម្បីលើកកម្ពស់គុណភាពអប់រំឱ្យកាន់តែប្រសើរ។ខ្ញុំជឿជាក់ថា ថ្នាលឌីជីថល EBC គឺជាឧបករណ៍ដ៏មានសារៈសំខាន់មួយក្នុងការគាំទ្រដល់ការបង្រៀន និងការរៀនបែបទំនើប ហើយនឹងបន្តរួមចំណែកក្នុងការលើកកម្ពស់គុណភាពអប់រំនៅកម្ពុជា ឱ្យកាន់តែមានប្រសិទ្ធភាព និងបរិយាបន្ន។

ការប្រើ​ប្រាស់ថ្នាលEBC បានសម្រួលដល់ការងារបង្រៀនខ្ញុំច្រើន ពួកគាត់មានមូលដ្ឋានស្រាប់ក្នុងមេរៀន ដោយការមើលមេរៀនសង្ខេប និងវីដេអូ

ការប្រើប្រាស់ថ្នាលសិក្សា(LMS) របស់ប្រព័ន្ធផ្សព្វផ្សាយអប់រំកម្ពុជា (EBC)សម្រាប់កម្មវិធីចំណេះដឹងទូទៅ បានជួយលើកកម្ពស់គុណភាព និងប្រសិទ្ធិភាព ការសិក្សារបស់សិស្សានុសិស្ស ដែលប្រកបទៅដោយភាពជឿនលឿន និងភាពទំនើបដែលត្រូវនឹងបែបបទសង្គមក្នុងសម័យឌីជីថលយើងសព្វថ្ងៃនេះ។ លើសពីនេះតាមរយៈការសិក្សារបស់ប្រព័ន្ធផ្សព្វផ្សាយអប់រំកម្ពុជា (EBC) អ្នកសិក្សាអាចពង្រឹង និងពង្រីកចំណេះដឹងទូទៅតាមរយៈមាតិកាដ៏សម្បូរបែបដែលមាននៅក្នុងថ្នាលសិក្សា(CMS)ដើម្បីអភិវឌ្ឍន៍សមត្ថភាពឱ្យក្លាយជាមនុស្សដែលប្រកបទៅដោយចំណេះដឹងនិងការអភិវឌ្ឍន៍ផងដែរ។ ហើយថ្នាលសិក្សារបស់ប្រព័ន្ធផ្សព្វផ្សាយអប់រំកម្ពុជា (EBC) អាចជួយឱ្យយើងយល់ដឹងកាន់តែច្បាស់អំពីមេរៀនដែលយើងនៅមានចម្ងល់បានដោយខ្លួនឯងនៅផ្ទះ ហើយអាចឱ្យយើងសិក្សាមេរៀនផ្សេងៗនៅមុនពេលលោកគ្រូអ្នកគ្រូបង្រៀនយើងទៀតផង។

ការប្រើប្រាស់ថ្នាលសិក្សា(LMS)របស់អង្គការ EBC សម្រាប់កម្មវិធីចំណេះទូទៅ បានជួយលើកកម្ពស់គុណភាព និងប្រសិទ្ធភាព ទាំងការបង្រៀន និងការរៀនរបស់សិស្សានុសិស្ស។ ថ្នាលសិក្សា (LMS) បានជួយសម្រួលដល់លោកគ្រូ អ្នកគ្រូ នូវប្រសិទ្ធភាពបង្រៀន សិស្សានុសិស្ស នូវការសិក្សាប្រកបដោយភាពបត់បែនតាមល្បឿនសិក្សាផ្ទាល់ខ្លួន និងថ្នាក់ដឹកនាំសាលា នូវប្រសិទ្ធភាពក្នុងការគ្រប់គ្រងតាមដានការសិក្សារបស់សិស្សានុសិស្សផងដែរ។

ខ្ញុំចូលចិត្តប្រើប្រាស់ថ្នាល EBC ព្រោះអាចមើលមេរៀន និងធ្វើលំហាត់បានគ្រប់ពេល។ នៅពេលខ្ញុំមិនយល់ក្នុងថ្នាក់ ខ្ញុំអាចរៀនឡើងវិញតាមវីដេអូ និងឯកសារដែលគ្រូបានដាក់នៅក្នុងថ្នាល។EBC ជួយឱ្យខ្ញុំមានទម្លាប់សិក្សាដោយខ្លួនឯង និងប្រើប្រាស់បច្ចេកវិទ្យាបានកាន់តែល្អ។

ក្នុងនាមជានាយកវិទ្យាល័យ សុខ អាន ទន្លាប់ ខ្ញុំបាទសូមវាយតម្លៃខ្ពស់ចំពោះថ្នាលឌីជីថល EBC ដែលជាឧបករណ៍យុទ្ធសាស្ត្រដ៏មានសារៈសំខាន់ក្នុងការធ្វើបរិវត្តកម្មអប់រំ តាមរយៈគុណសម្បត្តិគន្លឹះចំនួនបី។ ទីមួយ ថ្នាលនេះបានដើរតួនាទីយ៉ាងសកម្មក្នុងការគ្រប់គ្រងវៃឆ្លាត ដោយបំប្លែងការតាមដានការបង្រៀន និងការសិក្សាទៅជាទិន្នន័យឌីជីថលទាន់ហេតុការណ៍ ប្រកបដោយតម្លាភាពខ្ពស់។ ទីពីរ ថ្នាលនេះបានផ្តល់នូវមាតិកាស្តង់ដារ តាមរយៈវីដេអូមេរៀន និងធនធានសិក្សាដែលមានគុណភាពខ្ពស់ ដែលជាកាតាលីករយ៉ាងសំខាន់ក្នុងការលុបបំបាត់គម្លាតចំណេះដឹងរបស់សិស្សានុសិស្ស។ ទីបី ថ្នាលនេះបានបង្កើតឱកាសសមធម៌យ៉ាងពិតប្រាកដ ដោយការឧបត្ថម្ភទិន្នន័យអ៊ីនធឺណិតបានជួយកាត់បន្ថយបន្ទុកជីវភាពគ្រួសារសិស្ស និងធានាបាននូវបរិយាបន្នឌីជីថលក្នុងវិស័យអប់រំ។ ទោះបីជាការចាប់ផ្តើមដំបូងនេះ នៅទាមទារការបណ្តុះបណ្តាលបន្ថែម និងការបន្តពង្រឹងប្រព័ន្ធអ៊ីនធឺណិតយ៉ាងណាក្តី គណៈគ្រប់គ្រងវិទ្យាល័យយើងខ្ញុំប្តេជ្ញាចិត្តយ៉ាងមុតមាំក្នុងការជម្នះរាល់ឧបសគ្គ

ក្នុងនាមគណៈគ្រប់គ្រង លោកគ្រូ អ្នកគ្រូ ប្អូនៗសិស្សានុសិស្ស និងក្នុងនាមរូបខ្ញុំផ្ទាល់ យើងពិតជាមានសេចក្ដី សោមនស្សរីករាយយ៉ាងក្រៃលែង ដែលថ្នាក់ដឹកនាំអង្គការ EBC និងថ្នាក់ដឹកនាំក្រសួងអប់រំ យុវជន និងកីឡា បានដាក់ឱ្យ ដំណើរការប្រើប្រាស់ថ្នាលLMS ដល់វិទ្យាល័យយើងខ្ញុំ។ ថ្នាលLMS គឺជាប្រព័ន្ធឌីជីថលមួយដែលបានរួមចំណែកយ៉ាងច្រើនដល់ការងារគ្រប់គ្រងការសិក្សារៀនសូត្ររបស់សិស្ស ការងារបង្រៀនរបស់លោកគ្រូ អ្នកគ្រូដោយប្រើប្រាស់បច្ចេកវិទ្យា។ ជាការសង្កេត ថ្នាលLMS របស់អង្គការEBC បានផលិតនូវមាតិកាសម្រាប់បម្រើការអប់រំជាច្រើនដូចជា៖ មេរៀនសង្ខេបគ្រប់មេរៀន និងគ្រប់មុខវិជ្ជា សំណួរ និងលំហាត់តេស្តសម្រាប់ពង្រឹងសមត្ថភាពសិស្សគ្រប់កម្រិតថ្នាក់ វីដេអូមេរៀន-វិញ្ញាសា ត្រៀមប្រឡងដែលបង្ហាញដោយសាស្ត្រាចារ្យដែលមានចំណេះដឹង និងបទពិសោធន៍ល្អៗ ហើយជាពិសេសជាងនេះទៅទៀត គឺវិញ្ញាសាត្រៀមប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៦ ខាងមុខនេះ។ជាទីបញ្ចប់យើងខ្ញុំទាំងអស់គ្នា សូមគោរពថ្លែងអំណរគុណ និងគោរពជូនពរដល់ថ្នាក់ដឹកនាំនៃស្ថាប័នទាំងពីរ ព្រមទាំងក្រុមការងារទាំងអស់ សូមជួបប្រទះនូវពុទ្ធពរព្រះទាំងបួនប្រការគឺ អាយុ វណ្ណៈ សុខៈ ពលៈ និងទទួលបានជោគ ជ័យគ្រប់ភារកិច្ចការងារទាំងអស់។

កម្មវិធីសិក្សានៅក្នុង EBC គឺស្របទៅនឹងសៀវភៅសិក្សាគោលរបស់ក្រសួងអប់រំ យុវជន និងកីឡា ដែលមានន័យថា ថ្នាក់ទី១២មានគ្រប់មេរៀនហើយ EBC ក៏មានមេរៀនដូចគ្នាទៅនឹងកម្មវិធីទាំងមូលដែរ ប៉ុន្តែយើងបែងចែកមួយផ្នែកទៅជាការរៀនតាមរយៈការសិក្សាពីចម្ងាយ និងមួយផ្នែកទៀតតាមបែបថ្នាក់រៀនត្រលប់។

ថ្នាល EBC ជាកម្មវិធីមួយដែលថ្មី ទំនើប សម្បូរបែប និងអាចជួយសម្រួលការងារបានជាច្រើនដល់លោកគ្រូ អ្នកគ្រូក្នុងការរៀបចំផែនការសម្រាប់បង្រៀនដល់សិស្ស។ ហើយវាក៏ជាកម្មវិធីមួយដែលធ្វើឱ្យសិស្សអាចសិក្សាបានដោយសេរី  គ្រប់ទីកន្លែង គ្រប់ពេលវេលា។ ជារួមមក ថ្នាល EBC បានជួយសម្រួលការងារដល់លោក គ្រូ អ្នកគ្រូក្នុងការបង្ហាត់បង្រៀនផង និងជួយដល់សិស្សអាចរៀនសូត្រដោយខ្លួនឯងផង។

ថ្នាលសិក្សា EBC ផ្តល់ភាពងាយស្រួលខ្លាំងណាស់សម្រាប់ការសិក្សារបស់ខ្ញុំ។ ខ្ញុំអាចរៀនមេរៀនមុនម៉ោងសិក្សា និងអាចរំលឹកមេរៀនឡើងវិញបានគ្រប់ពេលវេលា។ វីដេអូពន្យល់ និងការធ្វើលំហាត់ដែលមានកំណែភ្លាមៗ ធ្វើឱ្យខ្ញុំឆាប់យល់មេរៀន និងចូលចិត្តការស្រាវជ្រាវដោយខ្លួនឯង។

ថ្នាល LMS របស់ EBC ជាថ្នាលសិក្សាថ្មីដ៏ល្អមួយ ដែលធ្វើឱ្យខ្ញុំ ក៏ដូចជាលោកគ្រូ​ អ្នកគ្រូ យកមកប្រើប្រាស់តាមបែបវិធីសាស្រ្តថ្មីៗតាមថ្នាក់រៀនត្រឡប់។ តាមរយ:វីដេអូបង្រៀន ខ្ញុំឱ្យសិស្សរៀនដោយមើលវីដេអូទុកជាមុន មុនពេលចូលរៀនក្នុងថ្នាក់។ ហើយក្នុងនោះដែរក៏មានតេស្តរង្វាយតម្លៃនៅពេលរៀនរួចមានដូចជា៖ ដោះស្រាយលំហាត់ និងឆ្លើយសំណួរផងដែរ ហើយខ្ញុំក៏អាចពិនិត្យមើលលទ្ធផលរបស់សិស្សម្នាក់ៗ និងអាចដឹងថាសិស្សមើលមេរៀនមុន ក្នុងការចូលរៀនក្នុងថ្នាក់។ ដូចនេះការសិក្សាថ្នាល LMS របស់ EBC ជាវិធីសាស្រ្តមួយដែលធ្វើឱ្យសិស្សមានភាពសកម្មក្នុងការសិក្សា។

ការប្រើ​ប្រាស់ថ្នាលEBC បានផ្ដល់ឱកាសដល់លោកគ្រូអ្នកគ្រូ និងសិស្សានុសិស្ស បានសិក្សារៀនសូត្របន្ថែម និងផ្ដល់ភាពងាយស្រួលក្នុងការរៀន និងបង្រៀន។

ថ្នាល EBC ជួយសម្រួលដល់កិច្ចការបង្រៀនរបស់ខ្ញុំយ៉ាងច្រើន តាមរយៈមេរៀនជាវីដេអូ នៅក្នុងថ្នាល និងការផ្តល់កំណែសំណួរដល់សិស្សានុសិស្សបានភ្លាមៗ បន្ទាប់ពីសិស្សធ្វើលំហាត់ចប់។ ជាពិសេសសិស្សានុសិស្សអាចស្វ័យសិក្សាមុនពេលម៉ោងបង្រៀន និងអាចរៀនឡើងវិញនៅចំណុចដែលគ្រូបង្រៀនហើយមិនទាន់យល់ច្បាស់។ ជាលទ្ធផលការសិក្សារបស់សិស្សខ្ញុំមានភាពល្អប្រសើរជាងមុន។

ការប្រើប្រាស់ថ្នាលសិក្សា (LMS) របស់អង្គការ EBC បានជួយលើកកម្ពស់គុណភាព និងប្រសិទ្ធភាពទាំងការបង្រៀន និងការរៀននៅក្នុងវិទ្យាល័យ សុខអាន ទន្លេបាទី យ៉ាងពិតប្រាកដ។ ថ្នាលនេះបានជួយសម្រួលដល់លោកគ្រូ អ្នកគ្រូ ក្នុងការប្រើប្រាស់វិធីសាស្ត្របង្រៀនបែបឌីជីថល និងជួយដល់គណៈគ្រប់គ្រងសាលា ក្នុងការតាមដានវឌ្ឍនភាពនៃការសិក្សារបស់សិស្សានុសិស្ស។ ឆ្លៀតក្នុងឱកាសនេះ ខ្ញុំសូមសំណូមពរ ដល់គម្រោង EBC មេត្តាបន្តអភិវឌ្ឍកម្មវិធីបន្ថែមទៀត និងពង្រីកការបណ្តុះបណ្តាលបន្តបន្ទាប់ដល់លោកគ្រូ អ្នកគ្រូ ដើម្បីធានាបាននូវភាពជោគជ័យ និងនិរន្តរភាពនៃការប្រើប្រាស់ប្រព័ន្ធនេះ។

ជាមួយថ្នាល LMS របស់ EBC ការបង្រៀនមុខវិជ្ជាភាសាអង់គ្លេសរបស់ខ្ញុំកាន់តែមានភាពទាក់ទាញ។ ជាពិសេស វាបានគាំទ្រយ៉ាងពេញទំហឹងដល់វិធីសាស្ត្របង្រៀនបែប Flipped Classroom ដែលអនុញ្ញាតឱ្យសិស្សរៀនមេរៀនវេយ្យាករណ៍ និងពាក្យគន្លឹះមុននៅផ្ទះ ហើយចំណាយពេលក្នុងថ្នាក់ដើម្បីអនុវត្តការនិយាយ និងស្តាប់វិញ។ វាពិតជាបានកាត់បន្ថយពេលវេលាស្រាវជ្រាវរបស់គ្រូ និងបង្កើនម៉ោងអនុវត្តភាសារបស់សិស្សបានយ៉ាងពិតប្រាកដ។

ថ្នាល LMS របស់ EBC បានជួយសម្រួលដល់កិច្ចការបង្រៀនមុខវិជ្ជា ICT របស់ខ្ញុំយ៉ាងច្រើន តាមរយៈមេរៀនជាវីដេអូ និងការផ្តល់កំណែសំណួរដល់សិស្សបានភ្លាមៗ បន្ទាប់ពីពួកគេធ្វើលំហាត់ចប់។ សិស្សានុសិស្សអាចរៀនមេរៀនសារឡើងវិញក្រោយម៉ោងបង្រៀនដោយខ្លួនឯង ប្រសិនបើមិនទាន់យល់ត្រង់ចំណុចណាមួយ ដោយមិនចាំបាច់រង់ចាំរហូតដល់ម៉ោងក្រោយនោះទេ។ ជាលទ្ធផល សិស្សមានលទ្ធផលសិក្សាល្អប្រសើរជាងមុនច្រើន។

សម្រាប់ខ្ញុំគិតថាថ្នាលសិក្សា EBC គឺជាប្រព័ន្ធអប់រំឌីជីថលដ៏មានសក្តានុពល ដែលបានចូលរួមចំណែកយ៉ាងសកម្មក្នុងការផ្លាស់ប្តូរទម្លាប់ និងលើកកម្ពស់លទ្ធផលសិក្សារបស់សិស្សានុសិស្ស តាមរយៈចំណុចគន្លឹះសំខាន់ៗដូចខាងក្រោម៖១. ភាពសម្បូរបែប និងភាពស៊ីជម្រៅនៃមាតិកា៖ គ្របដណ្តប់គ្រប់មុខវិជ្ជា៖ ផ្តល់នូវមាតិកាមេរៀនយ៉ាងសម្បូរបែប និងងាយស្រួលស្វែងរកសម្រាប់គ្រប់កម្រិត និងគ្រប់មុខវិជ្ជា។ ខ្លឹមសារលម្អិត និងស៊ីជម្រៅ៖ រចនាសម្ព័ន្ធមេរៀនត្រូវបានរៀបចំឡើងតាមលំដាប់លំដោយពីងាយទៅជ្រៅ ងាយស្រួលក្នុងការស្រាវជ្រាវឯកសារ ឬស្វែងរកចម្លើយសម្រាប់កិច្ចការផ្ទះ។ ដឹងលទ្ធផលភ្លាមៗ៖ ប្រព័ន្ធតេស្តវាស់ស្ទង់ចំណេះដឹង បង្ហាញលទ្ធផល និងចម្លើយភ្លាមៗ ដែលជួយឱ្យសិស្សអាចវាយតម្លៃសមត្ថភាពខ្លួនឯងបានទាន់ចិត្ត។២. ការគ្រប់គ្រងពេលវេលា និងប្រសិទ្ធភាពសិក្សា៖ បង្វែរពេលវេលាទំនេរ៖ ជួយកាត់បន្ថយការចំណាយពេលវេលាលើការកម្សាន្តឥតប្រយោជន៍ ហើយងាកមកស្វ័យសិក្សាលើថ្នាលឌីជីថលប្រកបដោយប្រសិទ្ធភាព។ ឆ្លើយតបសម័យកាលឌីជីថល៖ ជួយអភិវឌ្ឍលទ្ធផលសិក្សាឱ្យកាន់តែល្អប្រសើរឡើង និងដើរទាន់ការវិវត្តនៃបច្ចេកវិទ្យាទំនើប។៣. ទស្សនវិស័យទៅថ្ងៃអនាគត៖ និរន្តរភាពនៃការអប់រំ៖ ទៅថ្ងៃខាងមុខ ថ្នាល EBC នៅតែដើរតួជាជំនួយការមិនអាចខ្វះបាន ក្នុងការសម្រួលដល់ការសិក្សារបស់សិស្សគ្រប់រូប ប្រកបដោយគុណភាពខ្ពស់ ភាពទាក់ទាញ និងភាពងាយស្រួល។

ខ្ញុំមានចំណាប់អារម្មណ៍លើថ្នាលEBCគឺល្អសម្រាប់សិស្សានុសិស្សព្រោះវាធ្វើយើងយល់ដឹងតាមបែបឌីជីថល ចំណេះដឹងថ្មីៗក្រៅពីយើងរៀននៅសាលា យើងអាចស្រាវជ្រាវមេរៀន ឬឯកសារផ្សេងៗ តាមរយៈថ្នាល EBC នេះនៅផ្ទះផងដែរ។បន្ថែមពីលើនេះទៅទៀតថ្នាល EBC បានជួយគាំទ្រ លើការររៀនរបស់ខ្ញុំដោយភាពរស់រវើក មានលំហាត់  និង សំណួរថ្មីៗ មេរៀនសង្ខេប និង រូបភាពនិង សំឡេងលឺច្បាស់ សម្បូរបែប និង​ ការច្នៃប្រឌិតនៃមាតិកាមានភាពងាយស្រួលក្នុងការប្រើប្រាស់កម្មវិធីនេះ EBCនៅតែអាចជួយសិស្សប្រកបដោយភាពឆ្លាតវៃ និ​ង​ ងាយស្រួល។

ក្រៅពីការកាត់បន្ថយនូវបន្ទុកការងារក្នុងការបង្រៀន ថ្នាល LMS របស់ EBC ក៏បានជួយបង្កើនប្រសិទ្ធិភាពដល់កិច្ចការបង្រៀនមុខវិជ្ជារូបវិទ្យារបស់ខ្ញុំយ៉ាងច្រើន តាមរយៈមេរៀនជាវីដេអូនៅក្នុងថ្នាល និងការធ្វើអត្រាកំណែកិច្ចការសិស្សបានភ្លាមៗ បន្ទាប់ពីពួកគេបានធ្វើលំហាត់ចប់។ ជាមួយថ្នាល LMS របស់ EBC ការបង្រៀនមេរៀនរូបវិទ្យារបស់ខ្ញុំ កាន់តែមានភាពទាក់ទាញ និងមានប្រសិទ្ធិភាពខ្ពស់ ជាមួយនឹងកម្រងរូបភាព វីដេអូ និងរូបភាពទាក់ទងនឹងមេរៀននានាដែលបានជម្រុញឱ្យសិស្សានុសិស្សកាន់តែងាយយល់ និងឆាប់ចាំរូបមន្ត និងខ្លឹមសារមេរៀន ប្រកបដោបរិយាកាសសិក្សារីករាយ។

ការប្រើប្រាស់ថ្នាលសិក្សា(LMS) ប្រព័ន្ធផ្សព្វផ្សាយអប់រំ(EBC) បានលើកកម្ពស់គុណភាពអប់រំ ជួយក្នុងការរៀនរបស់សិស្សានុសិស្ស និងជួយដល់លោកគ្រូ អ្នកគ្រូក្នុងការបង្រៀន និងរៀន។ ថ្នាល EBC គាំទ្រការសិក្សាចម្រុះរួមបញ្ចូលគ្នារវាងការរៀននៅក្នុងថ្នាក់ផ្ទាល់ និងរៀនតាមអនឡាញ។ កម្មវិធី EBC នេះសិស្សអាចរំលឹកមេរៀន និងស្វ័យសិក្សាខ្លួនឯងបាន។ លោកគ្រូ អ្នកគ្រូអាចទាញយកវិធីសាស្ត្របង្រៀនថ្មីៗ និងប្រើប្រាស់វីដេអូសម្រាប់ជំនួយស្មារតីក្នុងការបង្រៀនក្នុងថ្នាក់។

ការប្រើប្រាស់ថ្នាលសិក្សា LMS របស់ប្រព័ន្ធផ្សព្វផ្សាយអប់រំកម្ពុជា EBC គឺបានជួយសម្រួលដល់កិច្ចការងាររបស់ខ្ញុំ ក៏ដូចជាជំនួយដល់ការសិក្សារបស់សិស្សានុសិស្សជាច្រើន​។​ សិស្សគាត់អាចមើលមេរៀនជាមុនដូចជា មើលវីឌីអូមេរៀន មេរៀនសង្ខេប ហើយសិស្សអាចធ្វើលំហាត់រួចទទួលបានចម្លើយភ្លាមៗ។ សកម្មភាពទាំងអស់នេះហើយធ្វើឱ្យការសិក្សា និងការបង្រៀនបានលឿនទាន់កម្មវិធីសិក្សា ក៏ដូចជាជួយលើកកម្ពស់គុណភាព និងប្រសិទ្ធភាពទាំងការបង្រៀន​​ និងរៀនរបស់សិស្សានុសិស្សផងដែរ។​

ខ្ញុំគិតថាថ្នាលរបស់EBCងាយក្នុងការប្រើប្រាស់និងការមើលមេរៀនត្រៀមប្រឡងឬក៏ការធ្វើកិច្ចការផ្សេងៗដើម្បីបំប៉នខ្លួនឯងឲ្យកាន់តែមានសមត្ថភាពខ្លាំងជាងមុន។

សូមអរគុណចំពោះក្រុមការងារដែលបានផ្ដល់ខ្លឹមសារមេរៀនមានសារៈសំខាន់ក្នុងការបង្រៀននិងរៀនដល់សិស្ស លោកគ្រូ អ្នកគ្រូ ។

ថ្នាលសិក្សាតាមប្រព័ន្ធ Online កម្មវិធី EBC បានផ្តល់ឱ្យសិស្សានុសិស្សជាច្រើនក្នុងការសិក្សារៀនសូត្រ ដែលនៅក្នុងនោះមានវីដេអូច្បាស់ៗដែលមានលោកគ្រូអ្នកគ្រូជំនាញឯកទ្ទេសបង្រៀនគ្រប់កម្រិតទៅតាមសាលានីមួយៗ និងមាន មេរៀន កិច្ចការផ្ទះជាដើម។ មិនតែប៉ុណ្នោះថ្នាល EBC ក៏បានជួយសម្រួលលោកគ្រូអ្នកគ្រូក្នុងការប្រើប្រាស់វិធីសាស្រ្តត្រឡប់ ផងដែរ។

គុណសម្បត្តិនៃការសិក្សាតាមរយៈថ្នាលEBC៖-អាចសិក្សាបានគ្រប់ទីកន្លែង -យល់មេរៀនកាន់តែច្បាស់-អាចសិក្សាបានដោយខ្លួនឯង-អាចតេស្តសមត្ថភាពខ្លួនឯង ដែលបានរៀនរួច-អាចរំលឹកមេរៀនចាស់ៗបាន-អាចជជែកជាមួយមិត្តភ័ក្តតាមរយៈប្រអប់សារនៅក្នុងនោះ-មានមេរៀនសង្ខេបខ្លីៗដែលអាចឱ្យយើងអាននិងមើលឆាប់ចាំ-មានសំណួរ ឬលំហាត់កិច្ចការផ្ទះនៅចុងវីដេអូ ដើម្បីអាចឱ្យយើងយកទៅអនុវត្តធ្វើបន្ទាប់ពីរៀនមេរៀនរួច។

ថ្នាល EBC គឺជាថ្នាលមួយដែលមានសារៈប្រយោជន៍យ៉ាងច្រើនសម្រាប់លោកគ្រូ អ្នកគ្រូ និងសិស្ស ព្រោះវាបានជួយដល់ខ្ញុំជាគ្រូដូចជា អាចផ្ដល់មេរៀនដល់សិស្សបានលឿនជាងមុន បានផ្ដល់នូវចំណេះដឹងនិងគំនិតថ្មីៗនិងប្លែកៗសម្រាប់បំពេញបន្ថែមទៅលើមេរៀនដែលត្រូវបង្រៀន មានឱកាសស្រាវជ្រាវនិងស្វែងយល់មេរៀនបានច្រើនជាងមុន ងាយស្រួលក្នុងការចងក្រងជាកម្រងសំណួរសម្រាប់ដាក់កិច្ចការឲ្យសិស្សធ្វើមិនលំបាក ។ ចំណែកឯសិស្សវិញក៏ទទួលបានផលប្រយោជន៍ដូចជា បានមើលមេរៀននិងខ្លឹមសារបន្ថែមពីម៉ោងដែលគ្រូបានបង្រៀនផ្ទាល់ មានភាពងាយស្រួលក្នុងការអនុវត្តមេរៀននិងកិច្ចការដែលគ្រូបានដាក់ឲ្យ ទទួលបាននូវខ្លឹមសារមេរៀនយ៉ាងច្រើននិងថ្មីៗ សិស្សរៀនឆាប់ចេះនិងឆាប់យល់ ធ្វើឲ្យសិស្សចូលចិត្តរៀនបានច្រើនជាងមុនព្រោះមានជាវីឌីអូនិងរូបភាពទាក់ទាញ ។

ការប្រើប្រាស់ថ្នាលសិក្សា របស់អង្គការ EBC សម្រាប់ការប្រើប្រាស់នៅកម្រិតមធ្យមសិក្សាដែលត្រូវបានអនុវត្តន៍នៅវិទ្យាល័យខ្សាច់ស បានជួយជម្រុញការដល់ដំណើរការបង្រៀន និង រៀន សម្រាប់លោកគ្រូ អ្នកគ្រូសិស្សានុសិស្ស ក្នុងការពង្រឹងគុណភាពអប់រំនៅកម្រិតវិទ្យាល័យក្នុងនោះដែរក៏បានជួយសម្រួលដល់ការបង្រៀន និង រៀនស្របតាមសម័យកាលឌីជីថលដែល លោកគ្រូ អ្នកគ្រូ សិស្សានុស្សអាចស្រាវជ្រាវមេរៀនបន្ថែមពីថ្នាលEBCនេះផងដែរ។លើសពីនេះទៅទៀតថ្នាលEBCអាចជួយសម្រួលដល់សិស្សានុសិស្សលើការចំណាយសម្រាប់ការរៀនលើថ្នាលនេះប្រកបសមធម៌ គឺសិស្សានុសិស្សអាចចូលរៀនបានគ្រប់ៗគ្នាដោយមិនគិតកម្រិតសេវា ដោយសម្រួលដល់ការកាត់បន្ថយការចំណាយក្នុងការសិក្សាផងដែរ។ជារួមថ្នាលEBCនៅតែដើរតួនាទីយ៉ាងសំខាន់ក្នុងការពង្រឹងពុទ្ធិដល់សិស្សានុសិស្សនិងពង្រីកចំណេះដឹងបន្ថែមពីការសិក្សាក្នុងសាលា ដើម្បីពង្រឹងចំណេះដឹងសិស្សានុសិស្ស ឱ្យបានទូលំទូលាយ។

ការប្រើប្រាស់ថ្នាលសិក្សា(LMS)របស់អង្គការ EBC សម្រាប់កម្មវិធីចំណេះទូទៅខ្មែរ បានជួយលើកកម្ពស់គុណភាព និងប្រសិទ្ធភាព ទាំងការបង្រៀន និងការរៀនរបស់សិស្សានុសិស្ស។ ថ្នាលសិក្សា(LMS)បានជួយសម្រួលដល់លោកគ្រូ អ្នកគ្រូ នូវប្រសិទ្ធភាពបង្រៀន សិស្សានុសិស្ស នូវការសិក្សាប្រកបដោយភាពបត់បែនតាមល្បឿនសិក្សាផ្ទាល់ខ្លួន និងថ្នាក់ដឹកនាំសាលា នូវប្រសិទ្ធភាពក្នុងការគ្រប់គ្រងតាមដានការសិក្សារបស់សិស្សានុសិស្សផងដែរ។ លើសពីនេះ តាមរយៈថ្នាលសិក្សារបស់អង្គការ EBC អ្នកសិក្សា អាចពង្រឹង និងពង្រីកចំណេះដឹងបន្ថែម តាមរយៈមាតិការដ៏សម្បូរបែបនៅក្នុងថ្នាលសិក្សា(CMS) ដើម្បីអភិវឌ្ឍសមត្ថភាពឱ្យក្លាយជាមូលធនមនុស្ស  សម្រាប់កសាងប្រទេសជាតិ ឱ្យមានការអភិវឌ្ឍ ស្របតាមគោលនយោបាយរបស់រដ្ឋាភិបាល ក្នុងយុទ្ធសាស្រ្ត បញ្ចកោណ។

ក្រៅពីការកាត់បន្ថយនូវបន្ទុកការងារក្នុងការបង្រៀន ថ្នាល LMS របស់ EBC ក៏បានជួយបង្កើនប្រសិទ្ធិភាពដល់កិច្ចការបង្រៀនមុខវិជ្ជាសីលធម៌ -​ ពលរដ្ឋ របស់ខ្ញុំយ៉ាងច្រើនតាមរយៈមេរៀនជាវីដេអូនៅក្នុងថ្នាល និងការធ្វើអត្រាកំណែកិច្ចការសិស្សបានភ្លាមៗ បន្ទាប់ពីពួកគេបានធ្វើជាមួយថ្នាលLMSរបស់EBC ការបង្រៀនមេរៀនសីលធម៌ - ពលរដ្ឋ របស់ខ្ញុំ កាន់តែមានភាពទាក់ទាញ និងមានប្រសិទ្ធិភាពខ្ពស់ ជាមួយនឹងកម្រងរូបភាព វីដេអូទាក់ទងនិងមេរៀននានាដែលបានជម្រុញឲ្យសិស្សានុសិស្សកាន់តែងាយយល់និងឆាប់ចាំខ្លឹមសារមេរៀន និងមានភាពសប្បាយរីករាយក្នុងការរៀនសូត្រ។

ចំពោះថ្នាលEBC វាមានសារៈសំខាន់សម្រាប់ខ្ញុំ  ថ្នាលEBCធ្វើឱ្យខ្ញុំបានយល់ដឹងពីការអប់រំតាមបែបឌីជីថល ភាពសម្បូរបែបនិងការច្នៃប្រឌិតនៃមាតិកា ហើយមានភាពងាយស្រួលក្នុងការប្រើប្រាស់កម្មវិធីនេះ សិស្សានុសិស្សអាចចូលរៀនតាមមាតិកាមេរៀន ដោយឥតចំណាយថ្លៃសេវា។មិនតែប៉ុណ្ណោះថ្នាលEBC ជួយសម្រួលដល់ការសិក្សារបស់ខ្ញុំ ធ្វើឱ្យខ្ញុំអាចរៀនបានគ្រប់ពេល គ្រប់ទីកន្លែង នៅចំណុចដែលមិនសូវយល់នៅសលារៀន មានចំណុចនៃមេរៀនថ្មីៗប្លែក ហើយឆាប់យល់ មិនត្រឹមតែជាឧបករណ៍សម្រាប់ការសិក្សាប៉ុណ្ណោះទេ ប៉ុន្តែវាជាកាតាលីករក្នុងការកាត់បន្ថយគម្លាត ឌីជីថលនៅក្នុងសង្គម  ចៀសវាងពីការប្រើប្រាស់ទូរសព្ទ ឬ​ ការកំសាន្តដែលចាកឆ្ងាយពីការសិក្សាលើសដែនកំណត់ និងជួយកសាង សេដ្ឋកិច្ច ចំណេះដឹងបន្ថែម នៅកម្ពុជាឱ្យកាន់តែរឹងមាំ។

សម្រាប់ខ្ញុំគិតថាថ្នាលEBCគឺល្អសម្រាប់សិស្សានុសិស្ស EBC ជាថ្នាលអប់រំតាមបែបបច្ចេកវិទ្យាយ៉ាងសម្បូរបែបនៃមាតិកាមេរៀន​  យ៉ាងងាយស្រួលគ្រប់មេរៀន និង គ្រប់មុខវិជ្ជា យើងអាចស្រាវជ្រាវ ចម្លើយ ឫ ឯកសារបន្ថែមនៅ ផ្ទះដែលលោកគ្រូ អ្នកគ្រូដាក់ឱ្យធ្វើ ខ្លឹមសារមេរៀនមានលក្ខណៈលម្អិត និង ស៊ីជម្រៅតាមលំដាប់លំដោយនៃចំណុចនីមួយៗនៃមេរៀន តេស្តនៃសំណួរយើងអាចដឹងចម្លើយភ្លាមៗ។លើសពីនេះទៅទៀតថ្នាលEBC នៅមានតួនាទីយ៉ាងសំខាន់ដល់ការសិក្សារបស់ខ្ញុំ ជួយកាត់បន្ថយការប្រើប្រាស់ពេលវេលាពីពេលទំនេរ ងាកមកសិក្សាក្នុងថ្នាលប្រកបដោយប្រសិទ្ធភាព និង ការសិក្សារបស់ខ្ញុំឱ្យមានភាពល្អប្រសើរជាងមុនឆ្លើយតមនឹងសម័យបច្ចេកវិទ្យាឌីជីថល។នៅថ្ងៃខាងមុខEBCនៅតែអាចសម្រួលដល់ការសិក្សារបស់សិស្សគ្រប់ៗរូបប្រកបដោយគុណភាពខ្ពស់ និង ភាពទាក់ទាញ។

EBC ជាជំនួយដ៏ល្អក្នុងសិក្សារៀនសូត្ររបស់សិស្ស ងាយស្រួលទំនើប អាចឱ្យសិស្សរៀនបានគ្រប់ទីកន្លែង គ្រប់ពេលវេលា កាត់បន្ថយការលេងហ្គេម ងាយស្រួលសិស្សធ្វើកិច្ចផ្ទះ ។ EBC ក៏ជួយសម្រួលដល់ អ្នកគ្រូក្នុងការការស្រាវជ្រាវពង្រឹងចំណេះដឹងបន្ថែម ក្នុងការបង្រៀនតាមវិធីថ្នាក់រៀនត្រឡប់។ ជារួមEBC ជួយសម្រួលដល់លោកគ្រូ អ្នកគ្រូក្នុងការបង្ហាត់បង្រៀនផង និងជួយដល់សិស្សអាចរៀនសូត្រដោយខ្លួនឯងផង។

ខ្ញុំពិតជាមានសេចក្តីសោមនស្សរីករាយយ៉ាងខ្លាំងចំពោះការផ្តួចផ្តើមរបស់ក្រសួងប្រៃសណីយ៍ និងទូរគមនាគមន៍ ដែលបានបង្កើតកម្មវិធីថ្នាលសិក្សាឌីជីថល (EBC)។ ថ្នាលនេះពិតជាមានសារៈសំខាន់ខ្លាំងណាស់ក្នុងការផ្តល់ឱកាសឱ្យសិស្សានុសិស្សអាចធ្វើការស្វ័យសិក្សាបានគ្រប់ពេលវេលា និងគ្រប់ទីកន្លែង។ ទោះបីជាបច្ចុប្បន្នថ្នាលនេះអាចនឹងនៅមានបញ្ហាបច្ចេកទេសខ្លះដែលត្រូវការការកែសម្រួលក៏ដោយ ប៉ុន្តែខ្ញុំមានជំនឿយ៉ាងមុតមាំថា នាពេលខាងមុខ ថ្នាលសិក្សាមួយនេះនឹងត្រូវបានអភិវឌ្ឍន៍ឱ្យកាន់តែប្រសើរ និងមានប្រសិទ្ធភាពខ្ពស់សម្រាប់សិស្សានុសិស្សនៅទូទាំងប្រទេស។

ក្នុងនាមជានាយករងនៃវិទ្យាល័យព្រះអង្គឌួង ខ្ញុំមានសេចក្តីសោមនស្សរីករាយ និងវាយតម្លៃខ្ពស់ចំពោះកម្មវិធី EBC ដែលបានរួមចំណែកយ៉ាងសំខាន់ក្នុងការលើកកម្ពស់ការអប់រំឌីជីថលនៅកម្ពុជាជាពិសេសនៅ វិទ្យាល័យព្រះអង្គឌួង។ កម្មវិធីនេះបានផ្តល់នូវធនធានសិក្សាអនឡាញដែលមានគុណភាព ស្របតាមកម្មវិធីសិក្សាជាតិ និងអាចឱ្យសិស្សានុសិស្ស គ្រូបង្រៀន និងអ្នកសិក្សាទូទៅ ចូលប្រើប្រាស់បានគ្រប់ពេលវេលា និងគ្រប់ទីកន្លែង។

EBC កំពុងផ្លាស់ប្ដូររបៀបរៀននៅកម្ពុជា តាមរយៈ Digital Learning ដែលងាយស្រួល ទំនើប និងអាចចូលប្រើបានគ្រប់ទីកន្លែង។

ការប្រើប្រាស់ថ្នាលសិក្សា​(LMS)របស់ប្រព័ន្ធផ្សព្វផ្សាយអប់រំកម្ពុជា (EBC) សម្រាប់កម្មវិធីចំណេះទូទៅខ្មែរ ចំណេះទូទៅអន្តរជាតិ និងភាសាអង់គ្លេសទូទៅពេញម៉ោង បានជួយលើកកម្ពស់គុណភាព និងប្រសិទ្ធភា​ព ទាំងការបង្រៀន និងការរៀនរបស់សិស្សានុសិស្ស។ ថ្នាលសិក្សា​(LMS)បានជួយសម្រួលដល់លោកគ្រូ អ្នកគ្រូ នូវប្រសិទ្ធភាពបង្រៀន សិស្សានុសិស្ស នូវការសិក្សាប្រកបដោយភាពបទបែនតាមល្បឿនសិក្សាផ្ទាល់ខ្លួន និងថ្នាក់ដឹកនាំសាលា នូវប្រសិទ្ធភាពក្នុងការគ្រប់គ្រងតាមដានការសិក្សារបស់សិស្សានុសិស្សផងដែរ។ លើសពីនេះ តាមរយៈថ្នាលសិក្សារបស់ប្រព័ន្ធផ្សព្វផ្សាយអប់រំកម្ពុជា (EBC) អ្នកសិក្សា អាចពង្រឹង និងពង្រីកចំណេះដឹងបន្ថែម តាមរយៈមាតិការដ៏សម្បូរបែបនៅក្នុងថ្នាលសិក្សា(CMS) ដើម្បីអភិវឌ្ឍសមត្ថភាពឱ្យក្លាយជាធនធានមនុស្សប្រកបដោយគុណវុឌ្ឍន៍ ស្របតាមយុគសម័យឧស្សាហកម្ម ៤.០។

ថ្នាលLMS របស់EBC បានជួយសម្រួលដល់កិច្ចការបង្រៀនរបស់ខ្ញុំយ៉ាងច្រើន តាមរយៈមេរៀនជាវិដេអូនៅក្នុងថ្នាល និងការផ្តល់កំណែរសំណួរដល់សិស្សានុសិស្សបានភ្លាមៗ បន្ទាប់ពីសិស្សធ្វើលំហាត់ចប់។ ជាពិសេស សិស្សានុសិស្សអាចរៀនមេរៀនមុនពេលម៉ោងបង្រៀន និងអាចរៀនមេរៀនសារឡើងវិញ ក្រោយម៉ោងបង្រៀននៅក្នុងថ្នាក់ដោយខ្លួនឯង ប្រសិនជាមិនទាន់យល់ត្រង់ចំណុចណាមួយនៃមេរៀន ដោយមិនចាំរងចាំរហូតម៉ោងបង្រៀននៅពេលក្រោយនោះទេ។ ជាលទ្ធផល ការសិក្សារបស់សិស្សខ្ញុំមានគុណភាពល្អប្រសើរជាងមុនច្រើន។

ក្រៅពីការកាត់បន្ថយនូវបន្ទុកការងារក្នុងការបង្រៀន ថ្នាល LMS របស់ EBC ក៏បានជួយបង្កើនប្រសិទ្ធិភាពដល់កិច្ចការបង្រៀនមុខវិជ្ជាប្រវត្តិវិទ្យារបស់ខ្ញុំយ៉ាងច្រើន តាមរយៈមេរៀនជាវីដេអូនៅក្នុងថ្នាល និងការធ្វើអត្រាកំណែកិច្ចការសិស្សបានភ្លាមៗ បន្ទាប់ពីពួកគេបានធ្វើលំហាត់ចប់។  ជាមួយថ្នាលLMSរបស់EBC ការបង្រៀនមេរៀនប្រវត្តិវិទ្យារបស់ខ្ញុំ កាន់តែមានភាពទាក់ទាញ និងមានប្រសិទ្ធិភាពខ្ពស់ ជាមួយនឹងកម្រងរូបភាពផែនទី វីដេអូ និងរូបភាពទាក់ទងនិងមេរៀននានាដែលបានជម្រុញឲ្យសិស្សានុសិស្សកាន់តែងាយយល់ និងឆាប់ចាំពីព្រឹត្តការណ៍ និងខ្លឹមសារមេរៀន ប្រកបដោបរិយាកាសសិក្សារីករាយ។

ប្រព័ន្ធគ្រប់គ្រងការសិក្សា (LMS) របស់ EBC បានជួយកាត់បន្ថយបន្ទុកការងារបង្រៀនរបស់ខ្ញុំយ៉ាងច្រើន តាមរយៈវីដេអូមេរៀនដ៏ទូលំទូលាយ និងមុខងារពិសេសកែលំហាត់ភ្លាមៗ។ មុខងារទាំងនេះអនុញ្ញាតឱ្យខ្ញុំមានពេលកាន់តែច្រើនក្នុងការជួយសម្រួលដល់ការសិក្សារបស់សិស្ស ជាជាងការចំណាយពេលលើការងាររដ្ឋបាលដដែលៗ។អត្ថប្រយោជន៍ដ៏ធំបំផុតមួយនៃថ្នាលមួយនេះ គឺភាពបត់បែនរបស់វា។ សិស្សានុសិស្សអាចរំលឹកមេរៀនមុនពេលចូលរៀន មើលខ្លឹមសារឡើងវិញក្រោយពេលរៀនចប់ និងអាចសិក្សាតាមល្បឿនយល់ដឹងផ្ទាល់ខ្លួនរបស់ពួកគេនៅរាល់ពេលដែលពួកគេត្រូវការការជំនួយបន្ថែម។ ប្រសិនបើពួកគេមិនទាន់យល់ច្បាស់ត្រង់ចំណុចណាមួយក្នុងកំឡុងពេលរៀន ពួកគេអាចចូលទៅមើលឯកសារសិក្សាបានភ្លាមៗ ដោយមិនចាំបាច់រង់ចាំដល់ម៉ោងរៀនបន្ទាប់នោះឡើយ។​ ថ្នាល LMS របស់ EBC បានជួយសម្រួលដល់ការបង្រៀនរបស់ខ្ញុំ ដែលធ្វើឱ្យដំណើរការសិក្សាកាន់តែមានប្រសិទ្ធភាព និងទទួលបានភាពរីករាយទាំងសម្រាប់គ្រូ និងសិស្ស។

ក្នុងនាមជាសមាជិកគ្រប់គ្រង ខ្ញុំពិតជាសប្បាយរីករាយណាស់ដែលមានការគាំទ្រដល់ការរៀនតាមបែបឌីជីថល​មកដល់សាលារបស់យើង។ EBC បានដាក់ចេញនូវកម្មវិធីមួយដែលនឹងត្រូវប្រើប្រាស់ក្នុងការបង្រៀននិងរៀនសូត្រសម្រាប់សិស្សានុសិស្ស!

ក្នុងទស្សនវិស័យរបស់អង្គការ KAPE ភាពជាដៃគូជាមួយស្ថាប័នអប់រំទូរទស្សន៍កម្ពុជា (EBC) ក្នុងការអនុវត្តប្រព័ន្ធគ្រប់គ្រងការសិក្សា (LMS) គឺពិតជាមានភាពជាក់ស្តែង និងមានអត្ថន័យយ៉ាងជ្រាលជ្រៅ។ អ្វីដែលធ្វើឱ្យខ្ញុំចាប់អារម្មណ៍បំផុតនោះគឺថា គម្រោងនេះមិនត្រឹមតែជាការណែនាំអំពីប្រព័ន្ធឌីជីថលប៉ុណ្ណោះទេ ប៉ុន្តែគឺជាការកសាងសមត្ថភាពពិតប្រាកដដល់សាលារៀន។នៅតាមបណ្តាសាលារៀនជំនាន់ថ្មី និងសាលារៀន IDEAL យើងបានឃើញលោកគ្រូអ្នកគ្រូចាប់ផ្តើមមានទំនុកចិត្តបន្តិចម្តងៗ ក្នុងការប្រើប្រាស់ប្រព័ន្ធ LMS ដើម្បីគាំទ្រដល់ការរៀនតាមបែបចម្រុះ (Blended Learning) និងការរៀនតាមបែបត្រឡប់ (Flipped Learning)។ ជាមួយគ្នានេះ ថ្នាក់ដឹកនាំសាលាក៏បានម្ចាស់ការលើការគ្រប់គ្រងប្រព័ន្ធ LMS នៅក្នុងសាលារបស់ខ្លួន ខណៈដែលសិស្សានុសិស្សបានចូលរួមយ៉ាងសកម្មជាមួយមាតិកាឌីជីថលដែលមានគុណភាពខ្ពស់។ ជាពិសេស ការដែលសិស្សអាចប្រើប្រាស់ប្រព័ន្ធ LMS ដោយមិនអស់ថ្លៃសេវាអ៊ីនធឺណិត (Free Data) គឺជាចំណុចរបត់ដ៏សំខាន់មួយក្នុងការជំរុញសមធម៌ និងបរិយាបន្នអប់រំ។ក្រុមការងាររបស់ EBC បានសហការយ៉ាងជិតស្និទ្ធជាមួយអង្គការ KAPE និងសាលារៀន ដោយមិនត្រឹមតែផ្តល់ការបណ្តុះបណ្តាលផ្នែកបច្ចេកទេសប៉ុណ្ណោះទេ ប៉ុន្តែថែមទាំងបានស្វែងយល់ពីដំណើរការការងារប្រចាំថ្ងៃរបស់សាលារៀនទៀតផង។ កត្តានេះហើយដែលធ្វើឱ្យការដាក់ឱ្យដំណើរការមានសភាពជាក់ស្តែង និងមាននិរន្តរភាព។ គំរូបណ្តុះបណ្តាល ការគាំទ្រតាមដានជាប្រចាំ និងការឆ្លើយតបយ៉ាងរហ័សចំពោះមតិយោបល់របស់សាលារៀន បានបង្ហាញពីការប្តេជ្ញាចិត្តយ៉ាងមុតមាំចំពោះផលប៉ះពាល់ក្នុងរយៈពេលវែង ជាជាងលទ្ធផលក្នុងរយៈពេលខ្លី។កិច្ចសហការនេះបង្ហាញឱ្យឃើញពីរបៀបដែលស្ថាប័នសាធារណៈ អ្នកផ្តល់សេវាបច្ចេកវិទ្យា និងដៃគូអប់រំ អាចធ្វើការរួមគ្នាដើម្បីពង្រឹងប្រព័ន្ធអេកូឡូស៊ីអប់រំឌីជីថលនៅកម្ពុជា។ យើងចាត់ទុកប្រព័ន្ធ LMS របស់ EBC ថាជាគ្រឹះដ៏រឹងមាំមួយដែលអាចពង្រីកវិសាលភាពបន្ថែមទៀត ដើម្បីគាំទ្រដល់ការកែទម្រង់វិស័យអប់រំថ្នាក់ជាតិ។

មុនពេលខ្ញុំរៀនជាមួយថ្នាល EBC ខ្ញុំមិនសូវពូកែមុខវិជ្ជាប្រវត្តិវិទ្យាប៉ុន្មានទេ ប៉ុន្តែបន្ទាប់ពីរៀនជាមួយកម្មវិធីនេះមក ខ្ញុំបានយល់ដឹងច្រើនពីប្រវត្តិសាស្ត្ររបស់ប្រទេសយើង ក៏ដូចជាប្រវត្តិសាស្ត្រអឺរ៉ុប និងប្រវត្តិសាស្ត្រតំបន់ផ្សេងៗទៀតផងដែរ។

“EBC គឺជាវេទិកាសិក្សាឌីជីថល ដែលអនុញ្ញាតឱ្យអ្នកសិក្សាបានគ្រប់ទីកន្លែង និងគ្រប់ពេលវេលា។ ក្នុងនាមជាសិស្សម្នាក់ ខ្ញុំយល់ថាវេទិកានេះពិតជាមានប្រយោជន៍ណាស់ ព្រោះវាអនុញ្ញាតឱ្យខ្ញុំរៀនតាមល្បឿនរបស់ខ្លួនឯង ក៏ដូចជាផ្តល់ឱ្យយើងនូវវីដេអូ ដើម្បីជួយឱ្យយើងយល់ខ្លឹមសារបានកាន់តែច្បាស់។”

ប្រព័ន្ធគ្រប់គ្រងការសិក្សា (LMS) របស់ PTEC ដែលគាំទ្រដោយ EBC គឺជាវេទិកាស្នូលមួយដែលពង្រឹងគុណភាព និងប្រសិទ្ធភាពនៃការអនុវត្តកម្មវិធីអប់រំគ្រូបង្រៀន និងគាំទ្រដល់ការអភិវឌ្ឍវិជ្ជាជីវៈជាបន្តបន្ទាប់សម្រាប់គ្រូបង្រៀន។ វាជួយបង្កើនលទ្ធភាពទទួលបានធនធានឌីជីថលប្រកបដោយគុណភាពខ្ពស់ ធ្វើឱ្យប្រសើរឡើងនូវទំនាក់ទំនងរវាងគ្រូឧទ្ទទេស និងនិស្សិតគ្រូបង្រៀន ហើយអនុញ្ញាតឱ្យមានការគ្រប់គ្រងសកម្មភាពសិក្សា និងសមិទ្ធផលកាន់តែមានប្រសិទ្ធភាព និងតម្លាភាព។ ប្រព័ន្ធ LMS នេះក៏អាចបម្រើជាគំរូដ៏មានតម្លៃសម្រាប់គ្រឹះស្ថានអប់រំគ្រូបង្រៀនដទៃទៀតផងដែរ។ វាបង្ហាញពីជំហានដ៏សំខាន់មួយឆ្ពោះទៅរកការធ្វើទំនើបកម្មការអប់រំគ្រូបង្រៀន និងបំពាក់ជំនាញឌីជីថលដល់គ្រូបង្រៀននាពេលអនាគត ដែលជាតម្រូវការសម្រាប់ថ្នាក់រៀនសតវត្សរ៍ទី២១។

ក្នុងនាមជាឪពុកម្តាយ វាពិតជាអាចជួយសម្រួលបានច្រើនប្រសិនបើយើងអាចរកបាននូវថ្នាលអប់រំតាមបែបឌីជីថលមួយដែលរចនាសម្ព័ន្ធច្បាស់លាល់និងមានការបង្ហាញជារូបភាពការបង្រៀនតាមរយៈវីដេអូ ដែលអាចជួយឱ្យកូនៗងាយស្រួលនិងមានភាពរីករាយក្នុងការរៀន។ ថ្នាលបង្រៀន EBC មានអ្វីគ្រប់យ៉ាងដូចដែលយើងរំពឹងទុក ខ្ញុំឃើញកូនរបស់ខ្ញុំមានភាពសប្បាយរីករាយក្នុងការរៀននិងមានការរីកចម្រើនយ៉ាងឆាប់រហ័ស។

កម្មវិធីមាតិកានៅ EBC គឺស្របតាមសៀវភៅសិក្សារបស់ក្រសួង ដោយមានន័យថា ថ្នាក់ទី១០ មានមេរៀនចំនួន១០ ហើយ EBC ក៏មានមេរៀនទាំង១០ ដូចកម្មវិធីទាំងមូលដែរ ប៉ុន្តែយើងបំបែកវា ដោយមួយសម្រាប់​ការសិក្សាពីចម្ងាយ ឯមួយទៀតសម្រាប់​ការសិក្សាផ្ទាល់!