របាយការណ៍សកម្មភាពអង្គការ អុីប៊ីស៊ី

ការចូលរួមក្នុងព្រឹត្តិការណ៍អន្តរជាតិ

អង្គការ អ៉ីប៊ីស៊ី បានចូលរួមក្នុងកម្មវិធីពិព័រណ៍មហោស្រពវិទ្យាសាស្រ្តកម្ពុជាប្រចាំឆ្នាំ២០២៦ ដែលរៀបចំដោយ STEM Education Organization for Cambodia ដើម្បីលើកកម្ពស់ការសិក្សាផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា។ ក្នុងឱកាសនោះ អ៊ីប៊ីស៊ី ក៏បានដាក់តាំងបង្ហាញមាតិកាអប់រំល្អៗ រួមមានថ្នាលសិក្សាឌីជីថល និងបច្ចេកវិទ្យា AR-VR ដែលទទួលបានការចាប់អារម្មណ៍យ៉ាងខ្លាំង។ តាមរយៈកម្មវិធីនេះ សិស្សានុសិស្សជាង ៥០០ នាក់ មានឱកាសស្វែងយល់បន្ថែមពីថ្នាលអប់រំអ៊ីប៊ីស៊ី ជាថ្នាលផ្ដល់ការសិក្សាឥតគិតថ្លៃ និងគាំទ្រការសិក្សារយៈពេលយូរ។

ការពង្រីកកិច្ចសហប្រតិបត្តិការជាមួយដៃគូអភិវឌ្ឍន៍ និងវិស័យឯកជន

រាជបណ្ឌិត្យសភាកម្ពុជា (RAC)៖ កាលពីថ្ងៃទី ១៧ ខែកុម្ភៈ ឆ្នាំ ២០២៦ លោក ជីម សុក្រានុភាព អ្នកគ្រប់គ្រងប្រតិបត្តិការជាន់ខ្ពស់ បានទទួលស្វាគមន៍ និងពិភាក្សាការងារជាមួយ លោកស្រី កែវ ខេមរា ប្រធាននាយកដ្ឋានបោះពុម្ពផ្សាយ និងបណ្ណាល័យ នៃអគ្គលេខាធិការដ្ឋានរាជបណ្ឌិត្យសភាកម្ពុជា (RAC) ក្នុងគោលបំណងពិភាក្សាលើការរៀបចំកម្មវិធីទស្សនកិច្ចសិក្សានៅអង្គការ អ៊ីប៊ីស៊ី និងកិច្ចសហការអភិវឌ្ឍប្រព័ន្ធបណ្ណាល័យអេឡិចត្រូនិច (eLibrary) រួមគ្នា។

អង្គការដើម្បីស្នាមញញឹមនៃកុមារ (PSE)៖ កាលពីថ្ងៃទី ០២ ខែកុម្ភៈ ឆ្នាំ ២០២៦ លោក សែ មុទ្ធិជាតិ ប្រធានអង្គការ EBC បានទទួលស្វាគមន៍គ្រូ និងសិស្សពី PSE មកទស្សនកិច្ចស្ទូឌីយោ E-learning បន្ទប់កាត់តចម្រៀង បន្ទប់ផលិត បន្ទប់តាំងបង្ហាញ XR និងមជ្ឈមណ្ឌលបណ្តុះបណ្តាល។ ក្រៅពីនេះ សិស្សទាំងនោះក៏បានបញ្ជាក់ចំណាប់អារម្មណ៍ចង់ចូលហាត់ការជាមួយក្រុមការងារ EBC ផងដែរ។

ទីភ្នាក់ងារ JICA (ជប៉ុន)៖ នាព្រឹកថ្ងៃទី ១៦ ខែកុម្ភៈ ឆ្នាំ ២០២៦ លោក សែ មុទ្ធិជាតិ ប្រធានអង្គការ EBC បានទទួលស្វាគមន៍ និងដឹកនាំកិច្ចប្រជុំពិភាក្សាការងារជាមួយ លោក Koji Takahashi អនុប្រធានគម្រោង JICA/S-TEC និងក្រុមការងារ JICA ប្រចាំកម្ពុជា ក្នុងគោលបំណងពិភាក្សាលើផែនការផលិតវីដេអូបណ្ដុះបណ្ដាលគ្រូ (១២+៤) ការគ្រប់គ្រង LMS និងការពង្រឹងកិច្ចសហប្រតិបត្តិការបច្ចេកវិទ្យាឌីជីថល ដើម្បីលើកកម្ពស់វិស័យអប់រំទូទាំងប្រទេស។

ក្រុមហ៊ុន Huawei៖ នារសៀលថ្ងៃទី ២៨ ខែមករា ឆ្នាំ ២០២៦ លោក សែ មុទ្ធិជាតិ ប្រធានអង្គការ EBC បានទទួលស្វាគមន៍ និងដឹកនាំកិច្ចពិភាក្សាការងារជាមួយប្រតិភូក្រុមហ៊ុន Huawei ដែលរួមមាន លោក Derek Yang នាយកផ្នែក Government Business លោក Ding Bin នាយកផ្នែក Network Solution និងកញ្ញា Lao Kuyhouy វិស្វករផ្នែក Network Solution ក្នុងគោលបំណងស្វែងយល់ពីហេដ្ឋារចនាសម្ព័ន្ធ និងពិនិត្យលទ្ធភាពពង្រឹងកិច្ចសហប្រតិបត្តិការគាំទ្រសាលាដៃគូ។

ក្រុមហ៊ុន អប្សរា មេឌាសឺវីស (AMS)៖ នារសៀលថ្ងៃទី ១៣ ខែកុម្ភៈ ឆ្នាំ ២០២៦ លោក ជីម សុក្រានុភាព អ្នកគ្រប់គ្រងប្រតិបត្តិការជាន់ខ្ពស់ បានដឹកនាំក្រុមការងារ EBC ទៅបំពេញទស្សនកិច្ចនៅ AMS ដើម្បីស្វែងយល់ពីបច្ចេកទេសស្ទូឌីយោ និងដំណើរការផលិតមាតិកា។ ដំណើរទស្សនកិច្ចនេះជាជំហានសំខាន់ក្នុងការពង្រឹងកិច្ចសហការ ដើម្បីឈានទៅរកការផលិតរួមគ្នា និងពង្រីកធនធានសិក្សាឌីជីថលប្រកបដោយគុណភាពសម្រាប់អ្នករៀនទូទាំងប្រទេស។

ការប្រើប្រាស់ប្រព័ន្ធគ្រប់គ្រងការសិក្សា (LMS) និងមជ្ឈមណ្ឌលជំនួយ

ការបណ្តុះបណ្តាលគ្រូ

ដើម្បីធានានិរន្តរភាពនៃវិស័យអប់រំបែបឌីជីថល អង្គការ អ៊ីប៊ីស៊ី (EBC) បានបន្តរៀបចំវគ្គបណ្តុះបណ្តាលស្តីពីការប្រើប្រាស់ប្រព័ន្ធគ្រប់គ្រងការសិក្សា (LMS) ជូនដល់លោកគ្រូ អ្នកគ្រូ នៅតាមសាលាដៃគូ ដោយក្នុងនោះរួមមានសាលារៀនជំនាន់ថ្មី (NGS) ទាំង ១៣ សាលា និងសហគមន៍មជ្ឈមណ្ឌលបច្ចេកវិទ្យាទាំង ១៨ ទីតាំង ក្នុងខេត្តតាកែវ ដើម្បីពង្រឹងសមត្ថភាពបង្រៀន និងរៀនឱ្យកាន់តែមានប្រសិទ្ធភាព។

យន្តការគាំទ្រ និងមជ្ឈមណ្ឌលជំនួយបច្ចេកទេស

ក្រុមការងារបច្ចេកទេសរបស់អង្គការ អ៊ីប៊ីស៊ី តែងតែបន្តខិតខំក្នុងការសម្របសម្រួល និងជំរុញការប្រើប្រាស់ប្រព័ន្ធ LMS នៅតាមគ្រឹះស្ថានសិក្សាដៃគូ រួមមាន៖

• ការធានាឱ្យប្រព័ន្ធដំណើរការបានរលូន ២៤ ម៉ោងលើ ២៤ ម៉ោង។
• ការតាមដាន និងដោះស្រាយបញ្ហាបច្ចេកទេសដែលកើតឡើងជាយថាហេតុ។
• ការផ្ដល់ការណែនាំអំពីរបៀបប្រើប្រាស់មុខងារថ្មីៗដល់អ្នកគ្រប់គ្រងប្រព័ន្ធនៅតាមសាលារៀន។

ឆ្លើយតបទៅនឹងតម្រូវការជាក់ស្ដែង ក្រុមការងារបានបង្កើតឆាណែលតេឡេក្រាមផ្លូវការ សម្រាប់ផ្ដល់ជំនួយបច្ចេកទេសផ្ទាល់ដល់ លោកគ្រូ អ្នកគ្រូ សិស្សានុសិស្ស និងអ្នកគ្រប់គ្រងប្រព័ន្ធ (School Manager)។ នៅពេលជួបបញ្ហា អ្នកប្រើប្រាស់អាចរាយការណ៍ភ្លាមៗ ហើយក្រុមការងារជំនាញនឹងឆ្លើយតបដំណោះស្រាយបានទាន់ពេល។ អ្នកទាំងអស់អាចចូលទទួលជំនួយបច្ចេកទេសតាមរយៈវិធីពីរ៖

• តាមរយៈតំណភ្ជាប់ផ្ទាល់៖ https://t.me/ebc_support
• ការស្កែនកូដ៖ ស្កែន QR Code ដែលមានផ្ដល់ជូននៅក្នុងឯកសារណែនាំ ឬនៅលើគេហទំព័រផ្លូវការ។

ផែនការបន្ទាប់

ប្រព័ន្ធបណ្ណាល័យអេឡិចត្រូនិច (eLibrary): គឺជាដំណោះស្រាយឌីជីថលដ៏ឆ្លាតវៃ ដែលត្រូវបានបង្កើតឡើងដើម្បីធ្វើទំនើបកម្មការគ្រប់គ្រងបណ្ណាល័យតាមស្ដង់ដារអន្តរជាតិ។ ប្រព័ន្ធនេះផ្តល់នូវមុខងារដូចជា ការគ្រប់គ្រងបញ្ជីឌីជីថល (Cataloging) និង OPAC ដើម្បីស្វែងរកធនធានចំណេះដឹងបានយ៉ាងរហ័ស។ លើសពីនេះ ប្រព័ន្ធថ្មីនេះក៏ជួយសម្រួលការគ្រប់គ្រងបណ្ណាល័យ តាមរយៈប្រព័ន្ធខ្ចី-សងស្វ័យប្រវត្តិ ការគ្រប់គ្រងទិន្នន័យសមាជិក និងការតាមដានស្ថិតិក្នុងពេលជាក់ស្តែង ដើម្បីជំរុញការស្រាវជ្រាវបែបឌីជីថលប្រកបដោយនិរន្តរភាព។

សេវាទូរទស្សន៍ EBC IPTV: ការដាក់ឱ្យដំណើរការ EBC IPTV គឺជាបដិវត្តន៍នៃវិស័យអប់រំឌីជីថល ដែលបើកឱកាសឱ្យសិស្សានុសិស្សស្វ័យសិក្សាបាន ២៤ ម៉ោងលើ ២៤ ម៉ោង។ តាមរយៈមុខងារ VOD (Video on Demand) អ្នករៀនអាចមើលមេរៀនឡើងវិញបានគ្រប់ពេល ជាដំណោះស្រាយមានប្រសិទ្ធភាពក្នុងការលុបបំបាត់គម្លាតចំណេះដឹង និងផ្ដល់ឱកាសសិក្សាប្រកបដោយសមធម៌សម្រាប់សិស្សនៅតំបន់ដាច់ស្រយាល។

ការពង្រីកវិសាលភាពនៃការផ្សព្វផ្សាយលើបណ្តាញសង្គម

ស្របតាមការវិវឌ្ឍនៃបច្ចេកវិទ្យា និងតម្រូវការទទួលបានព័ត៌មានយ៉ាងរហ័ស អង្គការ អ៊ីប៊ីស៊ី បានយកចិត្តទុកដាក់លើការប្រើប្រាស់បណ្តាញសង្គម ដើម្បីជាស្ពានចម្លងចំណេះដឹងទៅកាន់សាធារណជន។ ជាលទ្ធផល ទំព័រ Facebook ផ្លូវការរបស់ EBC ទទួលបានការចាប់អារម្មណ៍ និងគាំទ្រយ៉ាងខ្លាំង។

“ការសិក្សាគឺសម្រាប់អ្នករាល់គ្នា គ្រប់ពេលវេលា និងគ្រប់ទីកន្លែង”

ការចូលរួមក្នុងព្រឹត្តិការណ៍អន្តរជាតិ

នៅក្នុងឆ្នាំ​២០២៦ ក្រសួងប្រៃសណីយ៍ និងទូរគមនាគមន៍ បានដាក់បញ្ជូលគម្រោងស្តីពីការបង្កើតនិងប្រតិបត្តិការថ្នាលអប់រំដោយប្រើប្រាស់បច្ចេកវិទ្យាគមនាគមន៍ព័ត៌មាននិងប្រព័ន្ធផ្សព្វផ្សាយ EBC ជាបេក្ខភាពសម្រាប់កម្មវិធីពានរង្វាន់កិច្ចប្រជុំកំពូលពិភពលោកស្តីពីសង្គមព័តមាន ឆ្នាំ២០២៦ លើកទី១៥ រៀបចំដោយសហភាពទូរគមនាគមន៍អន្តរជាតិ (ITU) ហើយពេលនេះ គម្រោង EBC បានជាប់ជាបេក្ខភាពចូលរួមពានរង្វាន់ពិភពលោក WSIS Prizes 2026។

ការពង្រីកកិច្ចសហប្រតិបត្តិការជាមួយដៃគូអភិវឌ្ឍន៍ និងវិស័យឯកជន

វិទ្យាស្ថានគរុកោសល្យរាជធានីភ្នំពេញ៖ កាលពីថ្ងៃទី២៩ ខែមេសា ឆ្នាំ២០២៦ អង្គការ EBC បានសម្របសម្រួលរៀបចំទស្សនកិច្ចសិក្សាជូនគណៈប្រតិភូនៃវិទ្យាស្ថានគរុកោសល្យរាជធានីភ្នំពេញ (PTEC) ដឹកនាំដោយ លោកស្រីសាស្ត្រាចារ្យជំនួយ ប៉េង ទិត្យសុទ្ធី នៅវិទ្យាល័យហ៊ុនសែនសេរីភាព។ ដំណើរទស្សនកិច្ចនេះ ផ្តោតសំខាន់លើការសិក្សាស្វែងយល់ពីការអនុវត្តប្រព័ន្ធ LMS និងវិធីសាស្ត្រថ្នាក់រៀនត្រឡប់ (Flipped Classroom) ដើម្បីលើកកម្ពស់គុណភាពអប់រំឌីជីថលនៅកម្ពុជា។

ACLEDA University៖ នាព្រឹកថ្ងៃទី២០ ខែមេសា ឆ្នាំ២០២៦ លោកសែ មុទ្ធិជាតិ ប្រធានអង្គការអុី ប៊ី ស៊ី បានទទួលជួបពិភាក្សាជាមួយលោកប្រធានមជ្ឈមណ្ឌលការងារ និងក្រុមការងារពីររូបទៀតមកពី សាកលវិទ្យាល័យ ពាណិជ្ជសាស្រ្ត អេសុីលីដា (ACLEDA University) មកចូលរួមកិច្ចប្រជុំ។ កិច្ចជំនួបនេះ រៀបចំឡើងក្នុងគោលបំណងពង្រឹងកិច្ចសហប្រតិបត្តិការរវាង EBC និង AUB ក៏ដូចជាពិភាក្សាលើលទ្ធភាពការងារ និងឱកាសថ្មីៗសម្រាប់និស្សិតនាពេលអនាគត។

ក្រុមហ៊ុន Smart Axiata៖ នារសៀលថ្ងៃទី ០២ ខែមេសា ឆ្នាំ២០២៦ លោក សែ មុទ្ធិជាតិ ប្រធានអង្គការ EBC បានអញ្ជើញទទួលជួបក្រុមការងារក្រុមហ៊ុន Smart Axiata មកចូលរួមកិច្ចប្រជុំនៅ EBC។ កិច្ចប្រជុំនេះរៀបចំឡើងក្នុងគោលបំណងពិនិត្យមើលវឌ្ឍនភាពការងារ ក៏ដូចជាពិភាក្សាលើវិសាលភាពក្នុងការពង្រីកកិច្ចសហប្រតិបត្តិការរវាងស្ថាប័នទាំងពីរឱ្យកាន់តែរឹងមាំបន្ថែមទៀត នាពេលអនាគត។

សាលាអន្តរជាតិ Westland៖ នារសៀលថ្ងៃទី ២៥ ខែមិនា ឆ្នាំ២០២៦ លោក សែ មុទ្ធិជាតិ ប្រធានអង្គការអុី ប៊ី ស៊ី បានដឹកនាំក្រុមការងារធ្វើទស្សនកិច្ចនៅទីតាំងទាំងបីនៃសាលាអន្តរជាតិ Westland ដោយមានការស្វាគមន៍យ៉ាងកក់ក្តៅពីសំណាក់ឯកឧត្តមឧកញ្ញ៉ា ជា ដាណា ប្រធានក្រុមប្រឹក្សាភិបាល ថ្នាក់ដឹកនាំ និងក្រុមការងារសាលាអន្តរជាតិ Westland។ គោលបំណងនៃជំនួបនេះ គឺដើម្បីពិភាក្សា និងស្វែងរកចំណុចរួមក្នុងកិច្ចសហការដើម្បីរុញថ្នាលអប់រំឌីជីថលរបស់ EBC, ការបណ្ដុះបណ្ដាលធនធានមនុស្ស និងការពង្រឹងទំនាក់ទំនងឱ្យកាន់តែស្អិតរមួត ដើម្បីសម្រេចបាននូវគោលដៅរួមនាពេលអនាគត។

សាកលវិទ្យាល័យ Jungwon University (JWU)៖ នារសៀលថ្ងៃទី ២៤ ខែមិនា ឆ្នាំ២០២៦ អង្គការអ៊ី ប៊ី ស៊ី (EBC) បានរៀបចំពិធីចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយសាកលវិទ្យាល័យ Jungwon University (JWU) ក្រោមអធិបតីភាពដ៏ខ្ពង់ខ្ពស់របស់ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍។ ពិធីចុះហត្ថលេខាលើអនុស្សរណៈនៃការយោគយល់គ្នានេះ ប្រព្រឹត្តិឡើងក្នុងគោលបំណង៖ ១. ជំរុញការផ្លាស់ប្តូរវប្បធម៌ និងការបណ្តុះបណ្តាលភាសាកូរ៉េ ២. បណ្តុះបណ្តាលយុវជនកម្ពុជាឱ្យមានសមត្ថភាពខ្ពស់ និងចំណេះដឹងទូលំទូលាយ ៣. ពង្រឹងកិច្ចសហប្រតិបត្តិការនៃប្រទេសទាំងពីរនាពេលអនាគត។

អង្គការ Helpcode Cambodia៖ នាព្រឹកថ្ងៃទី១២ ខែមីនា ឆ្នាំ២០២៦ លោក សែ មុទ្ធិជាតិ ប្រធានអង្គការ អ៊ី ប៊ី ស៊ី (EBC) បានទទួលស្វាគមន៍ និងជួបពិភាក្សាការងារជាមួយតំណាងអង្គការ Helpcode Cambodia និងតំណាងស្ថាប័ន Royal National Lifeboat Institution (RNLI)។ កិច្ចពិភាក្សានេះរៀបចំឡើងក្នុងគោលបំណង ដើម្បីផ្លាស់ប្តូរយោបល់ និងស្វែងយល់អំពីហេដ្ឋារចនាសម្ព័ន្ធ វឌ្ឍភាពការងាររបស់អង្គការ EBC ព្រមទាំងពិភាក្សាអំពីកិច្ចសហប្រតិបត្តិការដែលអាចអភិវឌ្ឍបន្ថែម និងពិនិត្យលទ្ធភាពនៃការសហការគ្នានាពេលអនាគត។

ការប្រើប្រាស់ប្រព័ន្ធគ្រប់គ្រងការសិក្សា (LMS) និងមជ្ឈមណ្ឌលជំនួយ

ការបណ្តុះបណ្តាលគ្រូ

ដើម្បីធានានិរន្តរភាពនៃវិស័យអប់រំបែបឌីជីថល ក្រុមការងារ អ៊ីប៊ីស៊ី បានចុះទៅបណ្ដុះបណ្ដាលលោកគ្រូ-អ្នកគ្រូនៅមជ្ឈមណ្ឌលបច្ចេកវិទ្យាសហគមន៍ (CTC) ពីរបៀបប្រើប្រាស់ប្រព័ន្ធគ្រប់គ្រងការសិក្សា (LMS) ចំនួន ៨​ ដង។ ក្នុងនោះដែរចំនួនអ្នកចូលរួមវគ្គបណ្តុះបណ្តាលទាំង ៨ វគ្គនៅគ្រប់ទីតាំងនៃ មជ្ឈមណ្ឌលបច្ចេកវិទ្យាសហគមន៍ (CTC) សរុប ១,៨០៦ នាក់ ទាំងគ្រូបង្គោល លោកគ្រូ-អ្នកគ្រូ និងជំនួយការគ្រូ (TA)។

យន្តការគាំទ្រ និងមជ្ឈមណ្ឌលជំនួយបច្ចេកទេស

ដើម្បីពង្រឹងប្រសិទ្ធភាពនៃប្រព័ន្ធ LMS នៅតាមសាលារៀនដៃគូ ក្រុមការងារបច្ចេកទេសអង្គការ EBC បាននឹងកំពុងផ្តល់ការគាំទ្របច្ចេកទេសផ្ទាល់តាមរយៈឆានែលតេឡេក្រាមផ្លូវការ។ បច្ចុប្បន្ន មានលោកគ្រូ អ្នកគ្រូ និងសិស្សានុសិស្សជាង ៣,៤០០ នាក់ កំពុងប្រើប្រាស់សេវាកម្មនេះ ដើម្បីដោះស្រាយបញ្ហាបច្ចេកទេសផ្សេងៗបានទាន់ពេលវេលា និងមានប្រសិទ្ធភាព។​

អ្នកប្រើប្រាស់ទាំងអស់អាចទទួលបានជំនួយបច្ចេកទេស និងការណែនាំផ្សេងៗយ៉ាងងាយស្រួល តាមរយៈវិធីសាស្ត្រពីរយ៉ាង៖

• តាមរយៈតំណភ្ជាប់ផ្ទាល់៖ https://t.me/ebc_support
• ការស្កែនកូដ៖ ស្កែន QR Code ដែលមានផ្ដល់ជូននៅក្នុងឯកសារណែនាំ ឬនៅលើគេហទំព័រផ្លូវការ។

សកម្មភាពសង្គម

នាថ្ងៃទី២៧ ខែមេសា ឆ្នាំ២០២៦ ក្រុមការងារអុី ប៊ី សុី បានចូលរួមបរិច្ចាគឈាមក្នុងកម្មវិធីសប្បុរសធម៌របស់ Soma Group។

ការពង្រីកវិសាលភាពនៃការផ្សព្វផ្សាយលើបណ្តាញសង្គម

“ការសិក្សាគឺសម្រាប់អ្នករាល់គ្នា គ្រប់ពេលវេលា និងគ្រប់ទីកន្លែង”

ការចូលរួមក្នុងព្រឹត្តិការណ៍ថ្នាក់ជាតិ និងអន្តរជាតិ

Discovery Festival 2026៖ អង្គការអ៊ី ប៊ី ស៊ី មានកិត្តិយសបានចូលរួមកម្មវិធីពិព័រណ៍ជំនាញសិក្សាលើកទី៨ Discovery Festival 2026 ដែលរៀបចំដោយ សាកលវិទ្យាល័យ ពុទ្ធិសាស្ត្រ (UP) ដើម្បីលើកកម្ពស់ការអប់រំវិទ្យាសាស្ត្រ បច្ចេកវិទ្យា សម្រាប់យុវជនជំនាន់ថ្មី។ ក្នុងឱកាសនោះ អ៊ីប៊ីស៊ី ក៏បានដាក់តាំងមាតិកាអប់រំគុណភាពខ្ពស់ ដូចជាថ្នាលសិក្សាឌីជីថលរបស់ EBC និងបច្ចេកវិទ្យា VR/AR គួរឱ្យចាប់អារម្មណ៍។

WSIS Prizes៖ ថ្នាល eLearning EBC បានជាប់ជា Champion Project ក្នុងកម្មវិធី WSIS Prizes តាមរយៈការបោះឆ្នោត២.២ លានសម្លេងទូទាំងពិភពលោកលើគម្រោងទាំង១,៥៩៥។ អង្គការអុី ប៊ី ស៊ី មានមោទនភាពយ៉ាងក្រៃលែងដែលគម្រោង EBC ត្រូវបានជ្រើសរើសក្នុងចំណោមក្រុមគម្រោងថ្នាល eLearning ឆ្នើមទាំង ៥ លើពិភពលោក សម្រាប់ការប្រកួតប្រជែងពានរង្វាន់បច្ចេកវិទ្យាលំដាប់សកល “WSIS Prizes 2026”។

ការពង្រីកកិច្ចសហប្រតិបត្តិការជាមួយដៃគូអភិវឌ្ឍន៍ និងវិស័យឯកជន

ក្រុមហ៊ុន វៀតធែល កម្ពុជា (Metfone)៖ ពិធីចុះហត្ថលេខាលើអនុស្សរណៈនៃការយោគយល់គ្នា រវាងអង្គការអុី ប៊ី ស៊ី (EBC Organization) និងក្រុមហ៊ុន វៀតធែល កម្ពុជា (Viettel Cambodia / Metfone) ពិធីចុះហត្ថលេខាលើអនុស្សរណៈនៃការយោគយល់គ្នានេះ ក្នុងគោលបំណង៖

• ការចាក់ផ្សាយមាតិកា EBC តាមរយៈ OTT-TV TV360 របស់ក្រុមហ៊ុន Metfone។
• ការផ្តល់វីដេអូគំនូរជីវចល «ក្រដាសស» (KradasSar) និង «ផ្លូវធម៌» (Path of Dharma) ដើម្បីចាក់ផ្សាយនៅលើគេហទំព័ររបស់ EBC។
• ការចូលរួមសហការពង្រឹងវិស័យអប់រំ និងការផ្សព្វផ្សាយមាតិកាអប់រំឌីជីថល។

យើងសង្ឃឹមថាក្រោមអនុស្សរណៈនេះ កិច្ចសហការរវាងស្ថាប័នទាំងពីរនឹងក្លាយជាជំហានដ៏មានអត្ថន័យក្នុងការបើកទំព័រថ្មីសម្រាប់ការអប់រំបែបឌីជីថល។

SOMA Initiative៖ នាថ្ងៃទី ២៤ ខែមិថុនា ឆ្នាំ២០២៦ អង្គការ អុី ប៊ី ស៊ី បានទទួលរៀបចំទស្សនកិច្ចសិក្សា និងបើកវគ្គបណ្ដុះបណ្ដាលគ្រូបង្គោលក្រោមកិច្ចសហការជាមួយ SOMA Initiative និងរដ្ឋបាលស្រុករមាសហែក ខេត្តស្វាយរៀង ដោយមានការចូលរួមពីសំណាក់លោកជំទាវ ចម ក្រស្នា អគ្គនាយិកាក្រុមហ៊ុន សោម៉ា គ្រុប និងជា ប្រធាន Soma Initiative លោក ម៉ម សម្បត្តិ អភិបាលរងស្រុករមាសហែក លោក សែ មុទ្ធិជាតិ ប្រធានអង្គការ អ៉ី ប៊ី ស៊ី នាយក នាយិកា នាយករង លោកគ្រូ-អ្នកគ្រូ និងសិស្សានុសិស្សមកពីវិទ្យាល័យចំនួន៥ សរុបជាង ៥០រូប រួមមាន៖ វិទ្យាល័យ ហ៊ុន សែន ជ្រៃធំ វិទ្យាល័យ សម្ដេចជា ស៊ីម អំពិល វិទ្យាល័យរមាសហែក វិទ្យាល័យ អំពិលពោធិ៍ និងវិទ្យាល័យ ជីកដី ក្នុងនោះមានគ្រូបង្គោលចំនួន ២៥​ រូប ត្រូវបានទទួលការបណ្ដុះបណ្ដាលពីក្រុមការងារឌីជីថលរបស់អង្គការអ៊ី ប៊ី ស៊ី ។ បន្ថែមពីនេះ ក្រោយបញ្ចប់វគ្គបណ្ដុះបណ្ដាល លោកគ្រូ-អ្នកគ្រូបង្គោលទាំងអស់ នឹងយកចំណេះជំនាញ ទៅបណ្ដុះបណ្ដាលបន្តទៅកាន់លោកគ្រូ-អ្នកគ្រូ និងសិស្សានុសិស្សនៅតាមវិទ្យាល័យទាំង៥។

ក្រសួងកិច្ចការនារី៖ នាថ្ងៃទី ២៣ ខែមិថុនា ឆ្នាំ២០២៦ លោក សែ មុទ្ធិជាតិ ប្រធានអង្គការ អ៉ី ប៊ី ស៊ី (EBC) បានអញ្ជើញអមដំណើរ ឯកឧត្តម ស៊ុន រ៉ាពីដ អនុរដ្ឋលេខាធិការ ក្រសួងប្រៃសណីយ៍ និងទូរគមនាគមន៍ តំណាងដ៏ខ្ពង់ខ្ពស់របស់ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មាធិការតម្រង់ទិសអង្គការ អ៉ី ប៊ី ស៊ី ទទួលស្វាគមន៍ និងជួបពិភាក្សាការងារជាមួយ លោកជំទាវ គ្រី ណាល់លីស រដ្ឋលេខាធិការ នៃក្រសួងកិច្ចការនារី និងក្រុមការងារ។ ជំនួបពិភាក្សានេះ ធ្វើឡើងក្នុងគោលបំណងស្វែងយល់ពីការប្រើប្រាស់ថ្នាលសិក្សាតាមបែបឌីជីថល LMS និងការផលិតមាតិកាអប់រំ ព្រមទាំងពិភាក្សាអំពីកិច្ចសហប្រតិបត្តិការរួមគ្នាលើគម្រោងផ្សេងៗ។

ក្រុមហ៊ុន Soma Group៖ នាថ្ងៃទី ១៥ ខែមិថុនា ឆ្នាំ ២០២៦ លោក សែ មុទ្ធិជាតិ ប្រធានអង្គការ អ៊ី ប៊ី ស៊ី បានទទួលជួបពិភាក្សាការងារជាមួយតំណាងក្រុមហ៊ុន Soma Group និងតំណាងសាកលវិទ្យាល័យពុទ្ធិសាស្ត្រ (UP)។ ជំនួបនេះធ្វើឡើងក្នុងគោលបំណងពង្រឹងកិច្ចសហប្រតិបត្តិការរួមគ្នា និងការផលិតមាតិកាប្រកបដោយគុណភាពខ្ពស់។

សាលាអន្តរជាតិ Westland៖ ពិធីចុះហត្ថលេខាលើអនុស្សរណៈនៃការយោគយល់គ្នា រវាងអង្គការអ៊ី ប៊ី ស៊ី (EBC Organization) និងសាលាអន្តរជាតិ វេស្ទលែនដ៍ (Westland International School) ពិធីចុះហត្ថលេខាលើអនុស្សរណៈនៃការយោគយល់គ្នានេះ ក្នុងគោលបំណងជំរុញបរិវត្តកម្មឌីជីថល លើកកម្ពស់គុណភាពនៃការអប់រំរបស់លោកគ្រូ-អ្នកគ្រូ និងសិស្សានុសិស្ស និងកាត់បន្ថយគម្លាតនៃការអប់រំ ដោយពង្រឹងសមត្ថភាពបង្រៀន និងរៀនតាមបែបបច្ចេកវិទ្យា ដើម្បីកសាងធនធានមនុស្ស។

ក្រុមហ៊ុន Good Morning Cambodia (GMC)៖ ពិធីចុះអនុស្សរណៈនៃការយោគយល់គ្នា (MoU) រវាង EBC x GMC ដោយតាមរយៈអនុស្សរណៈនេះ EBC និង GMC នឹងចូលរួមគ្នាដើម្បីផ្សព្វផ្សាយ ចែករំលែកពិភាក្សា និងផ្លាស់ប្តូរយោបល់ ទៅដល់ទស្សនិកជនជាតិ និងអន្តរជាតិ។

គណៈកម្មាធិការជាតិសម្រាប់ការសិក្សាពេញមួយជីវិត៖ នារសៀលថ្ងៃទី០៨ ខែមិថុនា ឆ្នាំ២០២៦ លោក សែ មុទ្ធិជាតិ ប្រធានអង្គការអ៊ី ប៊ី ស៊ី បានអញ្ជើញអមដំណើរឯកឧត្ដម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មការគ្រប់គ្រងគម្រោងស្តីពីការបង្កើត និងប្រតិបត្តិការថ្នាលអប់រំដោយប្រើប្រាស់បច្ចេកវិទ្យាគមនាគមន៍ព័ត៌មាន និងប្រព័ន្ធផ្សព្វផ្សាយ បានទទួលស្វាគមន៍ និងជួបពិភាក្សាជាមួយគណៈប្រតិភូមកពីគណៈកម្មាធិការជាតិសម្រាប់ការសិក្សាពេញមួយជីវិត (គ.ជ.ស.ជ.)។ កិច្ចពិភាក្សានេះក្នុងគោលបំណងស្វែងយល់ពីការប្រើប្រាស់ថ្នាលសិក្សាតាមបែបឌីជីថល និងការផលិតមាតិកាអប់រំ ព្រមទាំងជួបពិភាក្សាអំពីកិច្ចសហប្រតិបត្តិការជាមួយថ្នាក់ដឹកនាំក្រសួងប្រៃសណីយ៍និងទូរគមនាគមន៍ និងអង្គការ EBC។

ក្រុមហ៊ុន iDEN Creative៖ នាថ្ងៃទី០៥ ខែមិថុនា ឆ្នាំ២០២៦ លោក សែ មុទ្ធិជាតិ ប្រធានអង្គការអ៊ី ប៊ី ស៊ី (EBC) បានទទួលជួបលោក Tomith អ្នកតំណាង iDEN Creative និងក្រុមការងារ មកចូលរួមកិច្ចប្រជុំនៅអង្គការអ៊ី ប៊ី ស៊ី។ គោលបំណងនៃកិច្ចប្រជុំនេះ គឺដើម្បីពិភាក្សា និងស្វែងយល់ពីលទ្ធភាពនៃកិច្ចសហប្រតិបត្តិការរួមគ្នានាពេលអនាគត។

ក្រុមហ៊ុន iBlooming៖ នាថ្ងៃទី២៨ ខែឧសភា ឆ្នាំ២០២៦ លោក សែ មុទ្ធិជាតិ ប្រធានអង្គការ អ៊ី ប៊ី ស៊ី (EBC) បានទទួលស្វាគមន៍ និងជួបពិភាក្សាការងារជាមួយតំណាងក្រុមហ៊ុន iBlooming។ ជំនួបនេះក្នុងគោលបំណង ពិភាក្សាស្វែងរកលទ្ធភាពសហការក្នុងការផ្សព្វផ្សាយអំពីការប្រើប្រាស់បច្ចេកវិទ្យា AI ក្នុងវិស័យអប់រំ ក៏ដូចជាលទ្ធភាពឈានទៅដល់ការចុះអនុស្សរណៈនៃការយោគយល់គ្នា (MoU) រវាងអង្គការ EBC និង iBlooming។

ក្រុមហ៊ុន AIWORKX៖ នាថ្ងៃទី១៣ ខែឧសភា ឆ្នាំ២០២៦ លោក សែ មុទ្ធិជាតិ ប្រធានអង្គការ អ៊ី ប៊ី ស៊ី (EBC) បានជួបពិភាក្សាការងារជាមួយតំណាងក្រុមហ៊ុន AIWORKX។ កិច្ចប្រជុំនេះធ្វើឡើង ក្នុងគោលបំណងបន្តអនុវត្តសកម្មភាពលើអនុស្សរណៈយោគយល់គ្នា (MoU) ដោយផ្តោតលើការបន្តពង្រីកកិច្ចសហប្រតិបត្តិការក្នុងការផលិតមាតិកា ការអភិវឌ្ឍបច្ចេកវិទ្យា AI និងការងារទាក់ទងនឹង AI Data Labeling។

អង្គការ UNICEF៖ នារសៀលថ្ងៃទី ១២ ខែឧសភា ឆ្នាំ២០២៦ លោក សែ មុទ្ធិជាតិ ប្រធានអង្គការ អ៊ី ប៊ី ស៊ី (EBC) បានអមដំណើរឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មការគ្រប់គ្រងគម្រោងស្តីពីការបង្កើតនិងប្រតិបត្តិការថ្នាលអប់រំដោយប្រើប្រាស់បច្ចេកវិទ្យាគមនាគមន៍ព័ត៌មាននិងប្រព័ន្ធផ្សព្វផ្សាយ ប្រជុំជាមួយលោក Hiroyuki Hattori នាយកគម្រោងផ្នែកអប់រំ នៃអង្គការ UNICEF ។ ជំនួបនេះធ្វើឡើងក្នុងគោលបំណងចែករំលែកការប្រើប្រាស់ និងគ្រប់គ្រងការប្រើប្រាស់ថ្នាលអ៊ីកូស៊ីស្ទែមរបស់អង្គការ EBC និងស្វែងរកកិច្ចសហប្រតិបត្តិការនាពេលអនាគតក្នុងការជម្រុញការអប់រំបែបឌីជីថល។

ACLEDA University៖ នារសៀលថ្ងៃទី ១១ ខែឧសភា ឆ្នាំ២០២៦ លោក សែ មុទ្ធិជាតិ ប្រធានអង្គការ អ៊ី ប៊ី ស៊ី (EBC) បានដឹកនាំក្រុមការងារ ចុះទស្សនកិច្ចសិក្សា និងជួបប្រជុំពិភាក្សាការងារ ជាមួយលោកបណ្ឌិត ផុន ណារិន សាកលវិទ្យាធិការនៃសាកលវិទ្យាល័យ ពាណិជ្ជសាស្ត្រ អេស៊ីលីដា។ ជំនួបនេះធ្វើឡើងក្នុងគោលបំណងពង្រឹងកិច្ចសហប្រតិបត្តិការ និងស្វែងរកលទ្ធភាពការងាររួមគ្នា ដើម្បីសម្រេចបាននូវសមិទ្ធផលថ្មីៗនាពេលអនាគត។

ការប្រើប្រាស់ប្រព័ន្ធគ្រប់គ្រងការសិក្សា (LMS) និងមជ្ឈមណ្ឌលជំនួយ

ការបណ្តុះបណ្តាលគ្រូ

នាថ្ងៃទី ២៤-២៥ ខែមិថុនា ឆ្នាំ២០២៦ ក្រុមការងារអ៉ី ប៊ី ស៊ី បានចុះបណ្ដុះបណ្ដាល សហភាពសហព័ន្ធយុវជនកម្ពុជា (ស.ស.យ.ក) ខេត្តតាកែវ ក្នុងការធ្វើតេស្តវិញ្ញាសាបាក់ឌុបថ្នាក់ទី១២ នៅលើថ្នាល LMS អ៉ី ប៊ី ស៊ី នៅវិទ្យាល័យ សុខ អាន ១ ឧសភា វិទ្យាល័យ សុខ អាន ព្រៃសណ្តែក និងវិទ្យាល័យ ប៊ុន រ៉ានី ហ៊ុន សែន បាទី។

នាថ្ងៃទី ១៩ ខែមិថុនា ឆ្នាំ២០២៦ លោកសែ មុទ្ធិជាតិ ប្រធានអង្គការអុី ប៊ី សុី បានដឹកនាំក្រុមការងារចូលរួមកិច្ចប្រជុំបូកសរុបលទ្ធផលនៃការអនុវត្តគម្រោងដាក់ឱ្យប្រើប្រាស់ថ្នាល EBC នៅវិទ្យាល័យដែលមានមជ្ឈមណ្ឌលបច្ចេកវិទ្យាសហគមន៍ទាំង១៨ ក្នុងខេត្តតាកែវក្រោមអធិបតីដ៏ខ្ពង់ខ្ពស់របស់ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងជាប្រធានគណៈកម្មាធិការគ្រប់គ្រងគម្រោងស្តីពីការបង្កើត និងប្រតិបត្តិការថ្នាលអប់រំដោយប្រើប្រាស់បច្ចេកវិទ្យាគមនាគមន៍ព័ត៌មាន និងប្រព័ន្ធផ្សព្វផ្សាយ និងឯកឧត្តមបណ្ឌិត សាន វឌ្ឍនា រដ្ឋលេខាធិការក្រសួងអប់រំយុវជន និងកីឡា និងលោក យង់ សុវឌ្ឍនា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ។

នាថ្ងៃទី ០៥-០៦ ខែមិថុនា ឆ្នាំ២០២៦ ក្រុមការងារអ៊ី ប៊ី ស៊ី EBC បានរៀបចំវគ្គបណ្ដុះបណ្ដាលស្ដីពី «ការប្រើប្រាស់ថ្នាល EBC» ជូនដល់លោកគ្រូ-អ្នកគ្រូបង្គោលចំនួន ១៨ រូប មកពីវិទ្យាល័យចំនួន ៦ ក្នុងខេត្តតាកែវ។ វគ្គបណ្ដុះបណ្ដាលនេះត្រូវបានធ្វើឡើងនៅទីតាំងវិទ្យាល័យ សុខអានព្រៃសណ្តែក ក្រោមការសម្របសម្រួលដោយ អ្នកស្រី ជិត គឹមណាវី (អភិបាលរងស្រុក) និងអ្នកស្រី សុត ជ្រិនចន្ទលក្ខិណ្ណា (អនុប្រធានការិយាល័យអប់រំ យុវជន និងកីឡា ស្រុកទ្រាំង)។ ក្នុងនោះវិទ្យាល័យដែលបានចូលរួម រួមមាន៖

• វិទ្យាល័យ ព្រៃទប់
• វិទ្យាល័យ ហ៊ុន សែន ពោធិ៍អំពិល
• វិទ្យាល័យ ព្រៃឈើទាល
• វិទ្យាល័យ វត្តបារាយណ៍វិហារពីរ
• វិទ្យាល័យ សុខ អាន សន្លុង
• វិទ្យាល័យ សម្តេច ហ៊ុន សែន

នាថ្ងៃទី២៩ ខែឧសភា ឆ្នាំ២០២៦ លោក សែ មុទ្ធិជាតិ ប្រធានអង្គការអុី ប៊ី ស៊ី បានអញ្ជើញលោកគ្រូ-អ្នកគ្រូស្ម័គ្រចិត្តសហគមន៍ចំនួន ១១៨រូប មកពីបណ្តារាជធានី-ខេត្ត រួមមាន ភ្នំពេញ កណ្តាល កំពត ព្រៃវែង កំពង់ចាម កំពង់ឆ្នាំង និងស្វាយរៀង ដើម្បីចូលរួមទស្សនកិច្ចសិក្សា និងពិភាក្សាការងារលើការជំរុញវិស័យអប់រំថ្នាលនៅអង្គការអ៊ី ប៊ី ស៊ី។

នាថ្ងៃទី០៨ ខែឧសភា ឆ្នាំ២០២៦ លោក សែ មុទ្ធិជាតិ ប្រធានអង្គការអុី ប៊ី ស៊ី បានអញ្ជើញលោកគ្រូ-អ្នកគ្រូស្ម័គ្រចិត្តសហគមន៍ចំនួន ១០០រូប មកពីបណ្តារាជធានី-ខេត្ត រួមមាន ភ្នំពេញ កណ្តាល កំពត ព្រៃវែង កំពង់ចាម កំពង់ឆ្នាំង និងស្វាយរៀង ដើម្បីចូលរួមទស្សនកិច្ចសិក្សា និងពិភាក្សាការងារលើការជំរុញវិស័យអប់រំថ្នាលនៅអង្គការអ៊ី ប៊ី ស៊ី។

នាព្រឹកថ្ងៃទី០៧ ខែឧសភា ឆ្នាំ២០២៦ លោក សែ មុទ្ធិជាតិ ប្រធានអង្គការអ៊ី ប៊ី ស៊ី បានអញ្ជើញលោកគ្រូ-អ្នកគ្រូស្ម័គ្រចិត្តសហគមន៍ចំនួន ១០០រូប មកពីបណ្តារាជធានី-ខេត្ត រួមមាន ភ្នំពេញ កណ្តាល កំពត ព្រៃវែង កំពង់ចាម កំពង់ឆ្នាំង និងស្វាយរៀង ដើម្បីចូលរួមទស្សនកិច្ចសិក្សា និងពិភាក្សាការងារលើការជំរុញវិស័យអប់រំថ្នាលនៅអង្គការអ៊ី ប៊ី ស៊ី។

យន្តការគាំទ្រ និងមជ្ឈមណ្ឌលជំនួយបច្ចេកទេស

ដើម្បីពង្រឹងប្រសិទ្ធភាពនៃប្រព័ន្ធ LMS នៅតាមសាលារៀនដៃគូ ក្រុមការងារបច្ចេកទេសអង្គការ EBC បាននឹងកំពុងផ្តល់ការគាំទ្របច្ចេកទេសផ្ទាល់តាមរយៈឆានែលតេឡេក្រាមផ្លូវការ។ បច្ចុប្បន្ន មានលោកគ្រូ អ្នកគ្រូ និងសិស្សានុសិស្សជាង ៥,០០៤ នាក់ កំពុងប្រើប្រាស់សេវាកម្មនេះ ដើម្បីដោះស្រាយបញ្ហាបច្ចេកទេសផ្សេងៗបានទាន់ពេលវេលា និងមានប្រសិទ្ធភាព។​

អ្នកប្រើប្រាស់ទាំងអស់អាចទទួលបានជំនួយបច្ចេកទេស និងការណែនាំផ្សេងៗយ៉ាងងាយស្រួល តាមរយៈវិធីសាស្ត្រពីរយ៉ាង៖

• តាមរយៈតំណភ្ជាប់ផ្ទាល់៖ https://t.me/ebc_support
• ការស្កែនកូដ៖ ស្កែន QR Code ដែលមានផ្ដល់ជូននៅក្នុងឯកសារណែនាំ ឬនៅលើគេហទំព័រផ្លូវការ។

ការពង្រីកវិសាលភាពនៃការផ្សព្វផ្សាយលើបណ្តាញសង្គម

“ការសិក្សាគឺសម្រាប់អ្នករាល់គ្នា គ្រប់ពេលវេលា និងគ្រប់ទីកន្លែង”