ពិធីទទួលព្រះរាជបដិសណ្ឋារកិច្ចទស្សនកិច្ចសិក្សា សម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជ នៃគណៈធម្មយុត្តិកនិកាយនៃព្រះរាជាណាចក្រកម្ពុជា ជាព្រះសាកលវិទ្យាធិការ នៃពុទ្ធិកសាកលវិទ្យាល័យព្រះសីហមុនីរាជា និងជាព្រះប្រធានប៉ុស្តិ៍សុខភាព សម្តេចព្រះរាជគ្រូ បួរ គ្រី ព្រះករុណាព្រះមហាក្សត្រ សីហមុនី

នាព្រឹកថ្ងៃទី០៣ ខែកញ្ញា ឆ្នាំ២០២៦ អង្គការអ៊ី ប៊ី ស៊ី បានរៀបចំទទួលព្រះរាជបដិសណ្ឋារកិច្ចទស្សនកិច្ចសិក្សាទទួល សម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជ នៃគណៈធម្មយុត្តិកនិកាយនៃព្រះរាជាណាចក្រកម្ពុជា ជាព្រះសាកលវិទ្យាធិការ នៃពុទ្ធិកសាកលវិទ្យាល័យព្រះសីហមុនីរាជា និងជាព្រះប្រធានប៉ុស្តិ៍សុខភាព សម្តេចព្រះរាជគ្រូ បួរ គ្រី ព្រះករុណាព្រះមហាក្សត្រ សីហមុនី និងសម្តេចព្រះត្រ័យរតនាវង្សាចារ្យ ទូច សាទរ ព្រឹទ្ធបុរសរងពុទ្ធិកសាកលវិទ្យាល័យព្រមទាំងក្រុមការងាររបស់ព្រះអង្គ និងនិស្សិតនៃពុទ្ធិកសាកលវិទ្យាល័យ ក្នុងនោះមានការចូលរួមទទួលព្រះរាជបដិសណ្ឋារកិច្ចដ៏ខ្ពង់ខ្ពស់ពីសំណាក់ ឯកឧត្ដម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មាធិការតម្រង់ទិសអង្គការ អុី ប៊ី ស៊ី ឯកឧត្តម ងួន ស្ដេចភក្ដី ទីប្រឹក្សាផ្ទាល់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជារដ្ឋលេខាធិការក្រសួងធម្មការ និងសាសនា ទទួលបន្ទុកពុទ្ធិកសាកលវិទ្យាល័យព្រះសីហមុនីរាជា ឯកឧត្តមអនុរដ្ឋលេខាធិការ មន្រ្តី មកពីក្រសួងប្រៃសណីយ៍និងទូរគមនាគមន៍ លោកសែ មុទ្ធិជាតិ ប្រធានអង្គការអង្គការ អុី ប៊ី ស៊ី និងបុគ្គលិកអុី ប៊ី ស៊ី ។

ព្រះរាជទស្សនកិច្ចសិក្សាមានគោលបំណងសំខាន់ៗដូចជា៖

១. ដើម្បីស្វែងយល់អំពីដំណើរការ និងវឌ្ឍនភាពការងាររបស់អង្គការ អុី ប៊ី ស៊ី។

២. សិក្សាលទ្ធភាពក្នុងការអនុវត្តថ្នាល LMS និង eLibrary នៅពុទ្ធិកសាកលវិទ្យាល័យព្រះសីហមុនីរាជា និងគ្រឹះស្ថានសិក្សាក្រោមឱវាទ ព្រះរាជកិច្ចដឹកនាំសម្ដេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី។

៣. ពិនិត្យ និងពិភាក្សាអំពីលទ្ធភាពនៃកិច្ចសហប្រតិបត្តិការរួមគ្នានាពេលអនាគត។

ព្រះរាជពិធីទស្សនកិច្ចបានប្រព្រឹត្តទៅក្នុងបរិយាកាសអធិកអធម រីករាយ និងប្រកបដោយផ្លែផ្កាដ៏ត្រចះត្រចង់។