🎉🎉🎉 អបអរសាទរ! ថ្នាលផ្សព្វផ្សាយអប់រំកម្ពុជា (Educational Broadcasting Cambodia) ត្រូវបានជ្រើសរើសជាបេក្ខភាពចុងក្រោយទាំង ១៥ (Top 15 Finalists) នៃកម្មវិធីពានរង្វាន់ឌីជីថលមហាសន្និបាតអង្គការសហប្រជាជាតិ ឆ្នាំ២០២៦ (Digital@UNGA Awards 2026) ដែលសហការរៀបចំដោយ សហភាពទូរគមនាគមន៍អន្តរជាតិ (ITU) និងកម្មវិធីអភិវឌ្ឍន៍សហប្រជាជាតិ (UNDP) 🏆

យើងខ្ញុំមានមោទនភាពយ៉ាងក្រៃលែង ដែលថ្នាលនេះទទួលបានការវាយតម្លៃ និងជ្រើសរើសចេញពីបេក្ខភាពជាង ១,៥០០ មកពី ១៤៦ ប្រទេសជុំវិញពិភពលោក ឱ្យជាប់ជាបេក្ខភាពចុងក្រោយក្នុងប្រភេទពានរង្វាន់បរិយាបន្នឌីជីថល (Digital Inclusion) ដែលធានានូវសិទ្ធិទទួលបានការតភ្ជាប់អ៊ីនធឺណិត ការចាប់យកបច្ចេកវិទ្យាឌីជីថលនិងបញ្ញាសិប្បនិម្មិត និងការប្រើប្រាស់ឧបករណ៍ឌីជីថល នានាប្រកបដោយអត្ថន័យ សមធម៌ និងសុវត្ថិភាពសម្រាប់ប្រជាពលរដ្ឋគ្រប់រូប។

សូមជម្រាបផងដែរថា ថ្នាលផ្សព្វផ្សាយអប់រំកម្ពុជា​ ត្រូវបានបង្កើតឡើងដោយ ក្រសួងប្រៃសណីយ៍ និងទូរគមនាគមន៍ ក្នុងគោលបំណងផលិតមាតិកាវីដេអូអប់រំឌីជីថល បង្កើតថ្នាលសិក្សាតាមបែបឌីជីថល និងផ្តល់ការប្រើប្រាស់អ៊ីនធឺណិតដោយឥតគិតថ្លៃ ក្នុងការទាញយកមាតិកាអប់រំសម្រាប់សិស្ស គ្រូបង្រៀន មន្ត្រីរាជការ និងប្រជាពលរដ្ឋទូទៅ។

 គ្រូបង្រៀនជាង ៣,០០០ នាក់
 សិស្សានុសិស្សជាង ៦៥,០០០ នាក់
 និងមានមាតិកាវីដេអូអប់រំឌីជីថលជាង ៩,០០០ វីដេអូ
 លទ្ធផលជ័យលាភីចុងក្រោយ នឹងត្រូវប្រកាសជាផ្លូវការនៅថ្ងៃទី២១ ខែកញ្ញា ឆ្នាំ២០២៦ ក្នុងឱកាសនៃមហាសន្និបាតអង្គការសហប្រជាជាតិ នៅទីក្រុងញូវយ៉ក សហរដ្ឋអាមេរិក។
 យើងខ្ញុំសូមថ្លែងអំណរគុណយ៉ាងជ្រាលជ្រៅដល់គ្រប់ក្រសួង ស្ថាប័ន គ្រឹះស្ថានអប់រំ និងដៃគូសហការទាំងអស់ សម្រាប់កិច្ចសហការគាំទ្រកន្លងមក។ សូមបន្តរង់ចាំតាមដានលទ្ធផលផ្លូវការជាមួយយើងខ្ញុំទាំងអស់គ្នានៅពេលឆាប់ៗនេះ!