លោកសែ មុទ្ធិជាតិ ប្រធានអង្គការអុី ប៊ី ស៊ី បានរៀបចំបដិសណ្ឋារកិច្ចទទួល ព្រះចរណវិជ្ជា ចេម ធីរៈ ព្រះសាកលវិទ្យាធិការរងទទួលបន្ទុកផែនការ និងហិរញ្ញវត្ថុ នៃពុទ្ធិកសាកលវិទ្យាល័យព្រះសីហនុរាជតំណាងដ៏ខ្ពង់ខ្ពស់របស់សម្ដេចព្រះមហាអរិយវង្ស បណ្ឌិត យ៉ន សេងយៀត និងព្រះបាលិកោសល បណ្ឌិត សែម ឈុនលី

នារសៀលថ្ងៃទី៣១ ខែកក្កដា ឆ្នាំ២០២៦ លោកសែ មុទ្ធិជាតិ ប្រធានអង្គការអុី ប៊ី ស៊ី បានរៀបចំបដិសណ្ឋារកិច្ចទទួល ព្រះចរណវិជ្ជា ចេម ធីរៈ ព្រះសាកលវិទ្យាធិការរងទទួលបន្ទុកផែនការ និងហិរញ្ញវត្ថុ នៃពុទ្ធិកសាកលវិទ្យាល័យព្រះសីហនុរាជតំណាងដ៏ខ្ពង់ខ្ពស់របស់សម្ដេចព្រះមហាអរិយវង្ស បណ្ឌិត យ៉ន សេងយៀត និងព្រះបាលិកោសល បណ្ឌិត សែម ឈុនលី ព្រះនាយករងទទួលបន្ទុកអភិវឌ្ឍកម្មវិធីសិក្សាតំណាងដ៏ខ្ពស់ខ្ពស់សម្ដេចព្រះមង្គលមុនីរង្សី ហ៊ូ ឈីវនាថ ព្រះនាយកពុទ្ធិកវិទ្យាល័យព្រះសុរាម្រឹត និងក្រុមការងារមកចូលរួមប្រជុំនៅអង្គការអុី ប៊ី ស៊ី។
ជំនួបនេះប្រព្រឹត្តទៅក្នុងគោលបំណង៖
១. ដើម្បីស្វែងយល់អំពីដំណើរការរបស់អង្គការអុី ប៊ី ស៊ី
២. សិក្សាលទ្ធភាពក្នុងការអនុវត្តថ្នាល LMS និង eLibrary នៅពុទ្ធិកសាកលវិទ្យាល័យព្រះសីហនុរាជ និងពុទ្ធិកវិទ្យាល័យព្រះសុរាម្រឹត
៣. ពិនិត្យ និងពិភាក្សាអំពីលទ្ធភាពនៃកិច្ចសហប្រតិបត្តិការរួមគ្នានាពេលអនាគត។