បង់រំលោះ

មុននឹងសម្រេចចិត្តខ្ចីបុលប្រាក់កាសទិញអ្វីមួយ ឬក៏បង់រំលោះអ្វីមួយដើម្បីបង្អួតគេឯង ឬឱ្យមានដូចគេឯង សូមអ្នកគិតមួយភ្លែត! 
តើវត្ថុទាំងនោះជាទ្រព្យ ឬជាបំណុល?
-តើប្រាក់ចំណូលរបស់អ្នកគ្រប់គ្រាន់សម្រាប់ការបង់ប្រចាំខែដែរឬទេ? កុំភ្លេចបូកចំណាយទូទៅក្នុងគ្រួសារប្រចាំថ្ងៃផង បូកបញ្ចូលថ្លៃសាំង ថ្លៃជួសជុល និងពន្ធដារផ្សេងៗផង កុំឱ្យភាពហ៊ឺហាមួយពេល មកបាត់បង់ដីស្រែចម្ការ ផ្ទះសម្បែង ឬប្រាក់សន្សំយូរឆ្នាំរបស់អ្នកឱ្យសោះ។ ការរស់នៅសាមញ្ញៗ គ្មានបំណុល គឺប្រសើរជាង ហ៊ឺហា អស្ចារ្យតែលិចលង់ក្នុងបំណុលវ័ណ្ឌក រួចគ្មានសំអាងអ្វីក្រៅពី គេចវេះ លើកយកហេតុផលនេះ ហេតុផលនោះមកសំអាងជាលេសដើម្បីដោះសារឱ្យរួចមួយគ្រាៗ។
គិតសិន! គិតហើយគិតទៀត! គិតឱ្យបានច្រើនដង! គិតឱ្យវែងឆ្ងាយ! កុំឱ្យស្ដាយក្រោយព្រោះបំណុលវ័ណ្ឌក៕