លោក អ៊ូច ម៉ារ៉ា ទីប្រឹក្សាអង្គការ អុី ប៊ី ស៊ី បានអញ្ជើញចូលរួមកិច្ចប្រជុំការងារអនុវិស័យអប់រំខេត្តតាកែវ ប្រចាំត្រីមាសទី៣ ឆ្នាំសិក្សា២០២៦

កិច្ចប្រជុំការងារអនុវិស័យអប់រំ ខេត្តតាកែវ ប្រចាំត្រីមាសទី៣ ឆ្នាំសិក្សា២០២៦
ក្រុងដូនកែវ៖ នាព្រឹកថ្ងៃទី៣១ ខែសីហា ឆ្នាំ២០២៦ លោក អ៊ូច ម៉ារ៉ា ទីប្រឹក្សាអង្គការ អុី ប៊ី ស៊ី បានអញ្ជើញចូលរួមកិច្ចប្រជុំការងារអនុវិស័យអប់រំខេត្តតាកែវ ប្រចាំត្រីមាសទី៣ ឆ្នាំសិក្សា២០២៦។ សមាសភាពអញ្ជើញចូលរួមនៅក្នុងកិច្ចប្រជុំនេះផងដែររួមមាន៖ មន្ត្រីមន្ទីរអប់រំ ចំនួន ៦រូប ក្រុមការងារអនុវិស័យអប់រំ ចំនួន ១២រូប និងអង្គការដៃគូចំនួន ១២រូប បានប្រារព្ធធ្វើនៅសាលប្រជុំមន្ទីរអប់រំ យុវជន និងកីឡា ខេត្តតាកែវ។
គោលបំណងនៃកិច្ចប្រជុំដើម្បី៖
១. បង្កើនកិច្ចសហប្រតិបត្តិការរវាងដៃគូអភិវឌ្ឍផ្តល់សេវាអប់រំ និងមន្ទីរអប់រំ យុវជន និងកីឡា ខេត្ត តាកែវ
២. បំពេញកម្រងព័ត៌មានគម្រោងថ្មី របាយការណ៍វឌ្ឍនភាពគម្រោងកម្មវិធីកំពុងអនុវត្ត និងបញ្ចូលទៅក្នុងប្រព័ន្ធព័ត៌មានគ្រប់គ្រងហិរញ្ញប្បទានសហប្រតិបត្តិការក្នុងវិស័យអប់រំ (AMIS)
៣. បង្ហាញសមិទ្ធផលរបស់អង្គការដៃគូ និងពង្រឹងកិច្ចសហការជាមួយការិយាល័យជំនាញនៃមន្ទីរអប់រំ យុវជន និងកីឡា
៤. ធ្វើបច្ចុប្បន្នភាពសមាជិក T-ESWG ដើម្បីបន្តអនុស្សរណៈនៃការយោគយល់គ្នា (MoU)​ ជាមួយមន្ទីរអ.យ.ក ខេត្តតាកែវ។