លោកសែ​ មុទ្ធិជាតិ ប្រធានអង្គការ EBC និងក្រុមការងារពង្រឹងវិស័យអប់រំក្នុងស្រុកទ្រាំង

នាថ្ងៃទី២៧ ខែមេសា ឆ្នាំ២០២៦ លោកសែ​ មុទ្ធិជាតិ ប្រធានអង្គការ EBC និងក្រុមការងារពង្រឹងវិស័យអប់រំក្នុងស្រុកទ្រាំង ខេត្តតាកែវ ដឹកនាំដោយឯកឧត្តម ឈៀង ច័ន្ទតារា ព្រមទាំងមានការចូលរួមពីលោកប្រធានក្រុមប្រឹក្សាស្ដីទី លោកស្រីអភិបាលរងស្រុកទ្រាំង លោកប្រធាន អនុប្រធានការិយាល័យអប់រំស្រុក លោកនាយក លោកស្រីនាយិការ លោកគ្រូ-អ្នកគ្រូបង្គោល ពីវិ​​ទ្យាល័យទាំង៩ក្នុងស្រុកទ្រាំង មកធ្វើទស្សនកិច្ចសិក្សាក្នុងការប្រើប្រាស់ថ្នាលនៅវិទ្យាល័យហ៊ុន សែន​ សេរីភាពដែលស្ថិតនៅក្រុងតាខ្មៅ ខេត្តកណ្ដាល។ នៅក្នុងនោះក៍មានការចូលរួមសំណេះសំណាលចែករំលែកបទពិសោធន៍

ធ្វើបទបង្ហាញពីការគ្រប់គ្រង និងដំណើរការថ្នាលរបស់អង្គការអុី ប៊ី សុីដែលភ្ជាប់ជាមួយនឹងស្ដង់ដារនីតិប្រតិបត្តិការ(SOP) ដើម្បីជាគំរូម៉ូឌែលដល់សាលាទាំង ៩ក្នុងស្រុកទ្រាំងយកទៅអនុវត្តតាម។ ហើយបន្ទាប់ពីបញ្ចប់លោកសែ​ មុទ្ធិជាតិ ប្រធានអង្គការ EBC ក៍បានអញ្ជើញគណៈប្រតិភូដោយផ្ទាល់មកមើលពីការងារប្រព្រឹត្តិទៅរបស់អុី ប៊ី សុី។