EBC កំពុងផ្លាស់ប្ដូររបៀបរៀននៅកម្ពុជា តាមរយៈ Digital Learning ដែលងាយស្រួល ទំនើប និងអាចចូលប្រើបានគ្រប់ទីកន្លែង។

ការប្រើប្រាស់ថ្នាលសិក្សា​(LMS)របស់ប្រព័ន្ធផ្សព្វផ្សាយអប់រំកម្ពុជា (EBC) សម្រាប់កម្មវិធីចំណេះទូទៅខ្មែរ ចំណេះទូទៅអន្តរជាតិ និងភាសាអង់គ្លេសទូទៅពេញម៉ោង បានជួយលើកកម្ពស់គុណភាព និងប្រសិទ្ធភា​ព ទាំងការបង្រៀន និងការរៀនរបស់សិស្សានុសិស្ស។ ថ្នាលសិក្សា​(LMS)បានជួយសម្រួលដល់លោកគ្រូ អ្នកគ្រូ នូវប្រសិទ្ធភាពបង្រៀន សិស្សានុសិស្ស នូវការសិក្សាប្រកបដោយភាពបទបែនតាមល្បឿនសិក្សាផ្ទាល់ខ្លួន និងថ្នាក់ដឹកនាំសាលា នូវប្រសិទ្ធភាពក្នុងការគ្រប់គ្រងតាមដានការសិក្សារបស់សិស្សានុសិស្សផងដែរ។ លើសពីនេះ តាមរយៈថ្នាលសិក្សារបស់ប្រព័ន្ធផ្សព្វផ្សាយអប់រំកម្ពុជា (EBC) អ្នកសិក្សា អាចពង្រឹង និងពង្រីកចំណេះដឹងបន្ថែម តាមរយៈមាតិការដ៏សម្បូរបែបនៅក្នុងថ្នាលសិក្សា(CMS) ដើម្បីអភិវឌ្ឍសមត្ថភាពឱ្យក្លាយជាធនធានមនុស្សប្រកបដោយគុណវុឌ្ឍន៍ ស្របតាមយុគសម័យឧស្សាហកម្ម ៤.០។

ថ្នាលLMS របស់EBC បានជួយសម្រួលដល់កិច្ចការបង្រៀនរបស់ខ្ញុំយ៉ាងច្រើន តាមរយៈមេរៀនជាវិដេអូនៅក្នុងថ្នាល និងការផ្តល់កំណែរសំណួរដល់សិស្សានុសិស្សបានភ្លាមៗ បន្ទាប់ពីសិស្សធ្វើលំហាត់ចប់។ ជាពិសេស សិស្សានុសិស្សអាចរៀនមេរៀនមុនពេលម៉ោងបង្រៀន និងអាចរៀនមេរៀនសារឡើងវិញ ក្រោយម៉ោងបង្រៀននៅក្នុងថ្នាក់ដោយខ្លួនឯង ប្រសិនជាមិនទាន់យល់ត្រង់ចំណុចណាមួយនៃមេរៀន ដោយមិនចាំរងចាំរហូតម៉ោងបង្រៀននៅពេលក្រោយនោះទេ។ ជាលទ្ធផល ការសិក្សារបស់សិស្សខ្ញុំមានគុណភាពល្អប្រសើរជាងមុនច្រើន។

ក្រៅពីការកាត់បន្ថយនូវបន្ទុកការងារក្នុងការបង្រៀន ថ្នាល LMS របស់ EBC ក៏បានជួយបង្កើនប្រសិទ្ធិភាពដល់កិច្ចការបង្រៀនមុខវិជ្ជាប្រវត្តិវិទ្យារបស់ខ្ញុំយ៉ាងច្រើន តាមរយៈមេរៀនជាវីដេអូនៅក្នុងថ្នាល និងការធ្វើអត្រាកំណែកិច្ចការសិស្សបានភ្លាមៗ បន្ទាប់ពីពួកគេបានធ្វើលំហាត់ចប់។  ជាមួយថ្នាលLMSរបស់EBC ការបង្រៀនមេរៀនប្រវត្តិវិទ្យារបស់ខ្ញុំ កាន់តែមានភាពទាក់ទាញ និងមានប្រសិទ្ធិភាពខ្ពស់ ជាមួយនឹងកម្រងរូបភាពផែនទី វីដេអូ និងរូបភាពទាក់ទងនិងមេរៀននានាដែលបានជម្រុញឲ្យសិស្សានុសិស្សកាន់តែងាយយល់ និងឆាប់ចាំពីព្រឹត្តការណ៍ និងខ្លឹមសារមេរៀន ប្រកបដោបរិយាកាសសិក្សារីករាយ។

"EBC’s Learning Management System (LMS) has significantly reduced my teaching workload through its comprehensive video lessons and instant exercise correction features. These tools allow me to spend more time supporting students’ learning rather than focusing on repetitive administrative tasks. One of the platform’s greatest advantages is its flexibility. Students can review lessons before class, revisit content after class, and learn at their own pace whenever they need additional support. If they do not fully understand any point during the lesson, they can immediately access the learning materials instead of waiting for the next session. EBC’s LMS has streamlined my teaching responsibilities, making the learning process more effective and enjoyable for both teachers and students."

ក្នុងនាមជាសមាជិកគ្រប់គ្រង ខ្ញុំពិតជាសប្បាយរីករាយណាស់ដែលមានការគាំទ្រដល់ការរៀនតាមបែបឌីជីថល​មកដល់សាលារបស់យើង។ EBC បានដាក់ចេញនូវកម្មវិធីមួយដែលនឹងត្រូវប្រើប្រាស់ក្នុងការបង្រៀននិងរៀនសូត្រសម្រាប់សិស្សានុសិស្ស!

ក្នុងទស្សនវិស័យរបស់អង្គការ KAPE ភាពជាដៃគូជាមួយស្ថាប័នអប់រំទូរទស្សន៍កម្ពុជា (EBC) ក្នុងការអនុវត្តប្រព័ន្ធគ្រប់គ្រងការសិក្សា (LMS) គឺពិតជាមានភាពជាក់ស្តែង និងមានអត្ថន័យយ៉ាងជ្រាលជ្រៅ។ អ្វីដែលធ្វើឱ្យខ្ញុំចាប់អារម្មណ៍បំផុតនោះគឺថា គម្រោងនេះមិនត្រឹមតែជាការណែនាំអំពីប្រព័ន្ធឌីជីថលប៉ុណ្ណោះទេ ប៉ុន្តែគឺជាការកសាងសមត្ថភាពពិតប្រាកដដល់សាលារៀន។នៅតាមបណ្តាសាលារៀនជំនាន់ថ្មី និងសាលារៀន IDEAL យើងបានឃើញលោកគ្រូអ្នកគ្រូចាប់ផ្តើមមានទំនុកចិត្តបន្តិចម្តងៗ ក្នុងការប្រើប្រាស់ប្រព័ន្ធ LMS ដើម្បីគាំទ្រដល់ការរៀនតាមបែបចម្រុះ (Blended Learning) និងការរៀនតាមបែបត្រឡប់ (Flipped Learning)។ ជាមួយគ្នានេះ ថ្នាក់ដឹកនាំសាលាក៏បានម្ចាស់ការលើការគ្រប់គ្រងប្រព័ន្ធ LMS នៅក្នុងសាលារបស់ខ្លួន ខណៈដែលសិស្សានុសិស្សបានចូលរួមយ៉ាងសកម្មជាមួយមាតិកាឌីជីថលដែលមានគុណភាពខ្ពស់។ ជាពិសេស ការដែលសិស្សអាចប្រើប្រាស់ប្រព័ន្ធ LMS ដោយមិនអស់ថ្លៃសេវាអ៊ីនធឺណិត (Free Data) គឺជាចំណុចរបត់ដ៏សំខាន់មួយក្នុងការជំរុញសមធម៌ និងបរិយាបន្នអប់រំ។ក្រុមការងាររបស់ EBC បានសហការយ៉ាងជិតស្និទ្ធជាមួយអង្គការ KAPE និងសាលារៀន ដោយមិនត្រឹមតែផ្តល់ការបណ្តុះបណ្តាលផ្នែកបច្ចេកទេសប៉ុណ្ណោះទេ ប៉ុន្តែថែមទាំងបានស្វែងយល់ពីដំណើរការការងារប្រចាំថ្ងៃរបស់សាលារៀនទៀតផង។ កត្តានេះហើយដែលធ្វើឱ្យការដាក់ឱ្យដំណើរការមានសភាពជាក់ស្តែង និងមាននិរន្តរភាព។ គំរូបណ្តុះបណ្តាល ការគាំទ្រតាមដានជាប្រចាំ និងការឆ្លើយតបយ៉ាងរហ័សចំពោះមតិយោបល់របស់សាលារៀន បានបង្ហាញពីការប្តេជ្ញាចិត្តយ៉ាងមុតមាំចំពោះផលប៉ះពាល់ក្នុងរយៈពេលវែង ជាជាងលទ្ធផលក្នុងរយៈពេលខ្លី។កិច្ចសហការនេះបង្ហាញឱ្យឃើញពីរបៀបដែលស្ថាប័នសាធារណៈ អ្នកផ្តល់សេវាបច្ចេកវិទ្យា និងដៃគូអប់រំ អាចធ្វើការរួមគ្នាដើម្បីពង្រឹងប្រព័ន្ធអេកូឡូស៊ីអប់រំឌីជីថលនៅកម្ពុជា។ យើងចាត់ទុកប្រព័ន្ធ LMS របស់ EBC ថាជាគ្រឹះដ៏រឹងមាំមួយដែលអាចពង្រីកវិសាលភាពបន្ថែមទៀត ដើម្បីគាំទ្រដល់ការកែទម្រង់វិស័យអប់រំថ្នាក់ជាតិ។

មុនពេលខ្ញុំរៀនជាមួយថ្នាល EBC ខ្ញុំមិនសូវពូកែមុខវិជ្ជាប្រវត្តិវិទ្យាប៉ុន្មានទេ ប៉ុន្តែបន្ទាប់ពីរៀនជាមួយកម្មវិធីនេះមក ខ្ញុំបានយល់ដឹងច្រើនពីប្រវត្តិសាស្ត្ររបស់ប្រទេសយើង ក៏ដូចជាប្រវត្តិសាស្ត្រអឺរ៉ុប និងប្រវត្តិសាស្ត្រតំបន់ផ្សេងៗទៀតផងដែរ។

“EBC គឺជាវេទិកាសិក្សាឌីជីថល ដែលអនុញ្ញាតឱ្យអ្នកសិក្សាបានគ្រប់ទីកន្លែង និងគ្រប់ពេលវេលា។ ក្នុងនាមជាសិស្សម្នាក់ ខ្ញុំយល់ថាវេទិកានេះពិតជាមានប្រយោជន៍ណាស់ ព្រោះវាអនុញ្ញាតឱ្យខ្ញុំរៀនតាមល្បឿនរបស់ខ្លួនឯង ក៏ដូចជាផ្តល់ឱ្យយើងនូវវីដេអូ ដើម្បីជួយឱ្យយើងយល់ខ្លឹមសារបានកាន់តែច្បាស់។”

ប្រព័ន្ធគ្រប់គ្រងការសិក្សា (LMS) របស់ PTEC ដែលគាំទ្រដោយ EBC គឺជាវេទិកាស្នូលមួយដែលពង្រឹងគុណភាព និងប្រសិទ្ធភាពនៃការអនុវត្តកម្មវិធីអប់រំគ្រូបង្រៀន និងគាំទ្រដល់ការអភិវឌ្ឍវិជ្ជាជីវៈជាបន្តបន្ទាប់សម្រាប់គ្រូបង្រៀន។ វាជួយបង្កើនលទ្ធភាពទទួលបានធនធានឌីជីថលប្រកបដោយគុណភាពខ្ពស់ ធ្វើឱ្យប្រសើរឡើងនូវទំនាក់ទំនងរវាងគ្រូឧទ្ទទេស និងនិស្សិតគ្រូបង្រៀន ហើយអនុញ្ញាតឱ្យមានការគ្រប់គ្រងសកម្មភាពសិក្សា និងសមិទ្ធផលកាន់តែមានប្រសិទ្ធភាព និងតម្លាភាព។ ប្រព័ន្ធ LMS នេះក៏អាចបម្រើជាគំរូដ៏មានតម្លៃសម្រាប់គ្រឹះស្ថានអប់រំគ្រូបង្រៀនដទៃទៀតផងដែរ។ វាបង្ហាញពីជំហានដ៏សំខាន់មួយឆ្ពោះទៅរកការធ្វើទំនើបកម្មការអប់រំគ្រូបង្រៀន និងបំពាក់ជំនាញឌីជីថលដល់គ្រូបង្រៀននាពេលអនាគត ដែលជាតម្រូវការសម្រាប់ថ្នាក់រៀនសតវត្សរ៍ទី២១។

ក្នុងនាមជាឪពុកម្តាយ វាពិតជាអាចជួយសម្រួលបានច្រើនប្រសិនបើយើងអាចរកបាននូវថ្នាលអប់រំតាមបែបឌីជីថលមួយដែលរចនាសម្ព័ន្ធច្បាស់លាល់និងមានការបង្ហាញជារូបភាពការបង្រៀនតាមរយៈវីដេអូ ដែលអាចជួយឱ្យកូនៗងាយស្រួលនិងមានភាពរីករាយក្នុងការរៀន។ ថ្នាលបង្រៀន EBC មានអ្វីគ្រប់យ៉ាងដូចដែលយើងរំពឹងទុក ខ្ញុំឃើញកូនរបស់ខ្ញុំមានភាពសប្បាយរីករាយក្នុងការរៀននិងមានការរីកចម្រើនយ៉ាងឆាប់រហ័ស។

កម្មវិធីមាតិកានៅ EBC គឺស្របតាមសៀវភៅសិក្សារបស់ក្រសួង ដោយមានន័យថា ថ្នាក់ទី១០ មានមេរៀនចំនួន១០ ហើយ EBC ក៏មានមេរៀនទាំង១០ ដូចកម្មវិធីទាំងមូលដែរ ប៉ុន្តែយើងបំបែកវា ដោយមួយសម្រាប់​ការសិក្សាពីចម្ងាយ ឯមួយទៀតសម្រាប់​ការសិក្សាផ្ទាល់!