ពុទ្ធិកសាកលវិទ្យាល័យព្រះសីហនុរាជ ផ្តល់អាហារូបករណ៏ថ្នាក់បរិញ្ញាបត្រ ១០០% ចំនួន ៣៥០អង្គ/នាក់

ពុទ្ធិកសាកលវិទ្យាល័យព្រះសីហនុរាជ កំពុងផ្តល់ឱកាសដល់សមណសិស្ស-សិស្ស ឱ្យចូលប្រឡងយកអាហារូបករណ៍១០០% សិក្សាថ្នាក់បរិញ្ញាបត្ររយៈពេល៤ឆ្នាំ។ អាហារូបករណ៍១០០%នេះ នឹងផ្តល់ជូនចំនួន ៣៥០អង្គ/នាក់ សម្រាប់ឆ្នាំសិក្សា២០២៦-២០២៧ ។បើតាមពុទ្ធិកសាកលវិទ្យាល័យព្រះសីហនុរាជ ការផ្តល់ជូននេះ សម្រាប់មហាវិទ្យាល័យចំនួន៤។ ១. ពុទ្ធិកមហាវិទ្យាល័យទស្សនវិជ្ជា និងសាសនា ចំនួន១១០អង្គ/នាក់ ដោយមានឯកទេស ទស្សនវិជ្ជាព្រះពុទ្ធសាសនា ៤០អង្គ/នាក់ ឯកទេសសង្គមវិទ្យា ៣០អង្គ/នាក់ និង ឯកទេសនីតិសាស្ត្រ ៤០អង្គ/នាក់។ ២. ពុទ្ធិកមហាវិទ្យាល័យវិទ្យាសាស្ត្រអប់រំ និងព័ត៌មានវិទ្យាចំនួន ៨០អង្គ/នាក់ រួមមាន ឯកទេសរដ្ឋបាលអប់រំ ៤០អង្គ/នាក់ និងឯកទេសៈគ្រប់គ្រងទូទៅ ៤០អង្គ/នាក់។