កម្មវិធីពន្លឿនអាជីវកម្មខ្នាតតូច និងមធ្យម
March 10, 2026
N/A
N/A
N/A
កម្មវិធីពន្លឿនអាជីវកម្មខ្នាតតូច និងមធ្យម (SMEs Acceleration Program) ស្ថិតនៅក្រោម កម្មវិធីការពង្រឹងប្រព័ន្ធអេកូឡូស៊ីសហគ្រិនភាព និងការវិនិយោគ (3Ei) សហការរៀបចំដោយ សហគ្រិនខ្មែរ (KE) និងអង្គការស្វីសខន់ថាក់ ហើយទទួលបានការគាំទ្រមូលនិធិដោយទីភ្នាក់ងារស្វីសសម្រាប់ការអភិវឌ្ឍនិង សហប្រតិបត្តិការ (SDC) ភ្នាក់ងារសហប្រតិបត្តិការអន្តរជាតិកូរ៉េ (KOICA) និងសហគ្រិនខ្មែរ (KE)។កម្មវិធីនេះផ្តល់ការគាំទ្រដល់សហគ្រាសធុនតូច និងមធ្យម នៅក្នុងខេត្តគោលដៅចំនួន៣ រួមមាន ខេត្តកំពង់ឆ្នាំង កំពង់ចាម និងកំពង់ធំ។ កម្មវិធីនេះនឹងប្រព្រឹត្តទៅក្នុងរយៈពេល ៥ខែ ដើម្បីពន្លឿនការរីកចម្រើននៃអាជីវកម្មតាម រយៈការណែនាំផ្ទាល់ពីអ្នកជំនាញ ការចូលរួមវគ្គបណ្តុះបណ្តាលអំពីអាជីវកម្ម និងការផ្លាស់ប្តូរបទពិសោធន៍សិក្សា រវាងម្ចាស់អាជីវកម្មពីគ្នាទៅវិញទៅមក។កម្មវិធីនេះរៀបចំឡើងសម្រាប់អាជីវកម្មដែលកំពុងដំណើរការ មានផលិតផល ឬសេវាកម្មស្រាប់ និងត្រៀមខ្លួនរួចជាស្រេចក្នុងការពង្រីកអាជីវកម្ម ពង្រីកវិសាលភាព និងពង្រឹងសមត្ថភាពឱ្យកាន់តែប្រសើរឡើង។
តំណភ្ជាប់: តំណភ្ជាប់
- ព័ត៌មានអំពីកម្មវិធីសិក្សា
អត្ថប្រយោជន៌នៃការចូលរួមកម្មវិធី
- ការផ្សព្វផ្សាយពីអាជីវកម្មរបស់អ្នក៖ ទទួលបានការផ្សព្វផ្សាយអាជីវកម្មរបស់អ្នកតាមរយៈបណ្តាញទំនាក់ទំនង ព្រឹត្តិការណ៍ និងបណ្តាញផ្សព្វផ្សាយសង្គមរបស់យើងបង្កើនការមើលឃើញ និងស្គាល់ ដើម្បីពង្រីកក្រុមអតិថិជនកាន់តែទូលំទូលាយ។
- ការគាំទ្រជាសហគមន៍៖ យើងមិនត្រឹមតែជាកម្មវិធីជួយដល់ការអភិឌ្ឍអាជីវកម្មប៉ុណ្ណោះទេ ប៉ុន្តែអ្នកនឹងក្លាយជា ផ្នែកមួយនៃសហគមន៍សហគ្រិនដែលមានការគាំទ្រគ្នាទៅវិញទៅមក យើងយកចិត្តទុកដាក់ចំពោះការរីកចម្រើន របស់អាជីវកម្មអ្នក និងអ្នកផ្ទាល់។
- រៀនជំនាញអាជីវកម្មស្នូលដើម្បីពង្រីកអាជីវកម្ម៖ ពង្រឹងជំនាញសំខាន់ៗរួមមាន ហិរញ្ញវត្ថុ, ធនធានមនុស្ស និងប្រតិបត្តិការ, ការលក់ និងការធ្វើយុទ្ធសាស្រ្តទីផ្សារឌីជីថល, ការបង្កើនគុណភាពផលិតផល និងនវានុវត្តន៍, ការវិភាគវាយតម្លៃលើដំណាក់កាលអាជីវកម្ម និងកែលម្អអាជីវកម្មឲ្យកាន់តែរឹងមាំ និងយូរអង្វែង, យុទ្ធសាស្ត្រពង្រីកអាជីវកម្ម និងការរៀបចំផែនការរយៈពេលវែង ការអនុវត្តផ្ទាល់និងជួយជម្រុញសក្តានុពលអាជីវកម្មរបស់អ្នកឱ្យកាន់តែរីកចម្រើន។
- ការអភិវឌ្ឍសមត្ថភាពសម្រាប់អ្នក និងក្រុមការងាររបស់អ្នក៖ បង្កើនជំនាញ ចំណេះដឹងបន្ថែមតាមរយៈការចូលរួមវគ្គបណ្តុះបណ្តាលអំពីប្រធានបទសំខាន់ៗផ្តោតលើការអភិវឌ្ឍអាជីវកម្ម ដើម្បីចែករំលែកឬយកជំនាញទាំងនេះទៅប្រើប្រាស់ ក្នុងការកសាងសមត្ថភាពបុគ្គលិក ឬក្រុមការងាររបស់អ្នក និងជួយជម្រុញសក្តានុពលអាជីវកម្មរបស់អ្នកឱ្យកាន់តែរីកចម្រើន។
- ការតភ្ជាប់ទៅកាន់បណ្តាញទំនាក់ទំនងដ៏រឹងមាំ៖ ចូលរួមជាមួយសហគមន៍សហគ្រិនដើម្បីសហការ បង្កើតទំនាក់ទំនងយុទ្ធសាស្ត្រ និងស្វែងរកឱកាសដៃគូអាជីវកម្ម ក្រោមការគាំទ្រពី សហគ្រិនខ្មែរ (Khmer Enterprise), ស្វីសខន់ថាក់ (Swisscontact) និង Impact Hub Phnom Penh។
