ឱកាសសិក្សាដោយឥតគិតថ្លៃ ក្នុងវគ្គកម្មសិក្សាការីជំនាន់ទី៥
ក្រុមហ៊ុនមេធាវី លីហ្គលត្រាស់ (LEGAL TRUST LAW FIRM) មានសេចក្តីសោមនស្សរីករាយក្នុងការប្រកាសបើកទទួល «កម្មសិក្សាការីផ្នែកច្បាប់» ចំនួន ៥ រូប ចូលរួមសិក្សារៀនសូត្រទាំងទ្រឹស្តី និងការអនុវត្តការងារផ្ទាល់ជាមួយមេធាវីរបស់ក្រុមហ៊ុន ដោយឥតគិតថ្លៃ រយៈពេល ៦ ខែពេញ! (ចាប់ពីខែសីហា ឆ្នាំ២០២៦ ដល់ ខែមករា ឆ្នាំ២០២៧)។
- លក្ខខណ្ឌនៃការជ្រើសរើស
- សំណុំឯកសារ
- អត្ថប្រយោជន៍
លក្ខខណ្ឌក្នុងការជ្រើសរើស៖
ដើម្បីធានាបាននូវគុណភាពនៃការបណ្តុះបណ្តាល កម្មវិធីនេះធ្វើការជ្រើសរើសយ៉ាងសម្រិតសម្រាំង៖
- ជាសិស្ស-និស្សិតដែលកំពុងសិក្សាបរិញ្ញាបត្រនីតិសាស្ត្រ ចាប់ពីឆ្នាំទី ២ ឡើងទៅ (ដែលមានចំណាត់ថ្នាក់ល្អ)។
- ចេះភាសាអង់គ្លេស និងភាសាចិន(ផ្ដល់អាទិភាពសម្រាប់បេក្ខជនដែលចេះភាសាចិន)
- មានសមត្ថភាព អាចប្រើប្រាស់កម្មវិធីវាយអត្ថបទ និងកម្មវិធីការិយាល័យផ្សេងៗនៅលើកុំព្យូរទ័រ។
- មានសីលធម៌ សុជីវធម៌ ស្មោះត្រង់ និងចេះធ្វើការងារជាក្រុម។
ហេតុអ្វីកម្មវិធីនេះជាជំហានដំបូងដ៏ល្អបំផុតសម្រាប់និស្សិតច្បាប់?
យើងជឿជាក់ថា «ទ្រឹស្តីដ៏រឹងមាំ បូករួមនឹងការអនុវត្តជាក់ស្តែង គឺជាគន្លឹះនៃភាពជោគជ័យ»។ ចូលរួមជាមួយយើង ប្អូនៗនឹងទទួលបាន៖
- ការបណ្តុះបណ្តាលផ្ទាល់៖ ណែនាំដិតដល់ពីមេធាវីដែលមានបទពិសោធន៍លើនីតិវិធីរឿងក្តីរដ្ឋប្បវេណី និងព្រហ្មទណ្ឌ។
- ទទួលបានបទពិសោធន៍ផ្ទាល់៖ ចូលរួមសង្កេតការណ៍នៅសាលាជម្រះក្តីគ្រប់ជាន់ថ្នាក់ រៀបចំឯកសារគតិយុត្ត កិច្ចសន្យា និងពាក្យបណ្តឹងផ្សេងៗ។
- វិញ្ញាបនបត្របញ្ជាក់ការសិក្សា៖ ផ្តល់ជូនដោយប្រធានក្រុមហ៊ុនមេធាវីផ្ទាល់ក្រោយបញ្ចប់ការសិក្សាដោយជោគជ័យ ដែលជាទុនដ៏មានតម្លៃសម្រាប់អនាគតការងារ។
