សាលាអន្តរជាតិ Aiglon College នៅស្វីស ប្រកាសផ្តល់អាហារូបករណ៍ពេញថ្លៃសម្រាប់សិស្សខ្វះខាត

ស្វីស៖ Aiglon College ប្រកាសផ្តល់អាហារូបករណ៍ពេញថ្លៃដល់សិស្សឆ្នើមមកពីគ្រួសារខ្វះខាត ដើម្បីសិក្សានៅស្វីស។ អាហារូបករណ៍នេះរ៉ាប់រងការចំណាយទាំងអស់ រួមមានថ្លៃសិក្សា ថ្លៃប្រឡង កម្មវិធីសិក្សាអន្តរជាតិ សៀវភៅ ឯកសណ្ឋាន ថ្លៃស្នាក់នៅ អាហារបីពេល ការថែទាំសុខភាព ឧបករណ៍បច្ចេកវិទ្យា ថ្លៃធ្វើដំណើរ និងប្រាក់ឧបត្ថម្ភប្រចាំខែ។យោងតាមគេហទំព័រ Aiglon College ចាប់តាំងពីឆ្នាំ ១៩៩១ មក សាលាបានជួយជ្រោមជ្រែងសិស្សចំនួន ១៣៤ នាក់ ឱ្យទទួលបានការអប់រំ និងបន្តទៅសិក្សានៅសាកលវិទ្យាល័យល្បីៗលើពិភពលោក។ កម្មវិធីអាហារូបករណ៍របស់សាលានេះ ជ្រើសរើសសិស្សានុសិស្សដែលមានសមត្ថភាពសិក្សាខ្ពស់ មកពីបណ្តាប្រទេសកំពុងអភិវឌ្ឍន៍ និងតំបន់ដែលមិនសូវមានលទ្ធភាពបង់ថ្លៃសិក្សានៅសាលាអន្តរជាតិលំដាប់ខ្ពស់បែបនេះឡើយ។ សាលានេះផ្តល់អាទិភាពដល់សិស្សដែលមានបំណងចង់ក្លាយជា "អ្នកបង្កើតការផ្លាស់ប្តូរ" នៅក្នុងប្រទេសកំណើត។បើតាមគេហទំព័រដដែល សាលាជ្រើសរើសសិស្សផ្អែកលើសមត្ថភាពសិក្សា និងស្ថានភាពហិរញ្ញវត្ថុគ្រួសារ ដែលសិស្សអាចចុះឈ្មោះ៖ បំពេញព័ត៌មានបឋមលើគេហទំព័រផ្លូវការរបស់សាលា ហើយប្រគល់នូវឯកសារចាំបាច់មួយចំនួនដែលបានទាមទារ។ បេក្ខជនដែលជាប់ដំណាក់កាលឯកសារ ត្រូវធ្វើតេស្តសមត្ថភាព និងសម្ភាសន៍ផ្ទាល់។ សាលាទទួលពាក្យជាបន្តបន្ទាប់ ប៉ុន្តែសម្រាប់ការវាយតម្លៃអាហារូបករណ៍ ត្រូវបែងចែកជា ២ វគ្គ គឺវគ្គទី១៖ ប្រកាសលទ្ធផលនៅដើមខែធ្នូ ហើយវគ្គទី២៖ ប្រកាសលទ្ធផលនៅចុងខែកុម្ភៈ។ ព័ត៌មានលម្អិត អាចចូលទៅកាន់គេហទំព័រផ្លូវការរបស់សាលា https://www.aiglon.ch/admissions/scholarships ឬទាក់ទងតាមរយៈអ៊ីមែល scholarships@aiglon.ch៕