លោកសែ មុទ្ធិជាតិ ប្រធានអង្គការអ៊ី ប៊ី ស៊ី បានដឹកនាំក្រុមការងារ ធ្វើទស្សនកិច្ចសិក្សា និងបានរៀបចំកិច្ចប្រជុំជំនួបពិភាក្សាដោយផ្ទាល់ជាមួយលោក ឡោ វីរិទ្ធ ប្រធានមន្ទីរអប់រំ យុវជន និងកីឡា ខេត្តតាកែវ ដែលកម្មវិធីនេះ ប្រព្រឹត្ដទៅ នៅមន្ទីរអប់រំខេត្តតាកែវ

July 20, 2026 7ទស្សនា

នាថ្ងៃទី១៧ ខែកក្កដា ឆ្នាំ២០២៦នេះ លោកសែ មុទ្ធិជាតិ ប្រធានអង្គការអ៊ី ប៊ី ស៊ី បានដឹកនាំក្រុមការងារ ធ្វើទស្សនកិច្ចសិក្សា និងបានរៀបចំកិច្ចប្រជុំជំនួបពិភាក្សាដោយផ្ទាល់ជាមួយលោក ឡោ វីរិទ្ធ ប្រធានមន្ទីរអប់រំ យុវជន និងកីឡា ខេត្តតាកែវ ដែលកម្មវិធីនេះ ប្រព្រឹត្ដទៅ នៅមន្ទីរអប់រំខេត្តតាកែវ។

ជំនួបនេះធ្វើឡើងក្នុងគោលបំណងរួមមាន៖

១. ការលើកកម្ពស់ការសិក្សាចម្រុះ៖ បង្កើតឱកាសសិក្សាច្រើនសម្បូរបែប និងបរិយាបន្នសម្រាប់អ្នកសិក្សាគ្រប់រូប

២. ការពិភាក្សាលើការពង្រីកការអនុវត្តប្រើប្រាស់ថ្នាល LMS របស់ EBC នៅវិទ្យាល័យទាំង ៥៤ ក្នុងខេត្តតាកែវ និងការកំណត់និយាមមួយចំនួនដើម្បីគាំទ្រដល់ការប្រតិបត្ត

៣. ការសុំឱ្យមានការគាំទ្រក៏ដូចជាការសហការពីសំណាក់មន្ទីរអប់រំខេត្តនិងភាគីពាក់ព័ន្ធ។

ក្នុងជំនួបនេះ លោកប្រធានមន្ទីរបានបង្ហាញពីការគាំទ្រ នឹងស្នើចាត់អោយមានក្រុមការងារមួយច្បាស់លាស់ដើម្បីសហការជាមួយនឹងអង្គការ EBC ដើម្បីអោយសម្រេចបានការអនុវត្តនូវការបង្រៀនតាមបែបរួមបញ្ចូល Blended Learning & Flipped Classroom នៅវិទ្យាល័យទាំង ៥៤ នៅក្នុងខេត្តតាកែវ។