រស់មិនច្រឡំគេ

ក្នុងកាលៈទេសៈណាក៏ដោយប្រទេសជាតិមួយមិនត្រូវការសោះឡើយធនធានទំពាំងដែលស្អុយរលួយ។ កុំបណ្តោយខ្លួនឱ្យលន្លង់លន្លោចនឹងអំពើពារលាអាវ៉ាសែ ក្នុងគ្រាដែលមាតុភូមិកំពុងជួបទុក្ខ សេចក្តីសុខសាន្តរបស់ជាតិ មិនមែនកើតឡើងដោយឯកឯងនោះឡើយ តែកើតចេញពីការលះបង់ និងការរួមចំណែករបស់កូនខ្មែរគ្រប់ៗរូប ដូច្នេះក្នុងនាមយើងជាខ្មែរគប្បីរក្សាឱ្យបាននូវតម្លៃ កិត្តិយស និងកេរ្តិ៍ឈ្មោះនៃជាតិសាស្ត្រខ្មែរ ដោយការប្រព្រឹត្តល្អ និងខិតខំរៀនសូត្រ និងប្រែក្លាយទុក្ខលំបាកទៅជាកម្លាំងចលករ ដើម្បីសម្រេចបាននូវជ័យជម្នះ និងភាពរុងរឿងសម្រាប់ជាតិមាតុភូមិយើង៕