ទ្រឹស្ដីជោគជ័យ

ក្នុងសម័យកាលដែលលុយកាក់ពិបាករក ការចង់មានចង់បានជារឿងធម្មជាតិរបស់មនុស្ស ប៉ុន្តែត្រូវចាំថា ពួកបោកប្រាស់ក៏បញ្ចេញស្នៀតឬក្បាច់ក្បួនរាប់រយជំពួករបស់ពួកគេផងដែរដើម្បីប្រាក់  ហើយពួកគេមិនមែនដើររកមនុស្សល្ងង់ទេ គឺពួកគេដើររកមនុស្សលោភលន់ និងមនុស្សដែលកំពុងអស់សង្ឃឹមក្នុងមុខរបរប្រចាំថ្ងៃ គ្មានផ្លូវវៀង ឬផ្លូវកាត់ណាដែលមិនមានរណ្តៅ ឬជង្ហុកនោះទេ ភាពជោគជ័យដែលពិតប្រាកដ គឺកើតចេញពីការប្រើកម្លាំងបាយ បញ្ញាស្មារតី និងពេលវេលា។ ប្រសិនបើមាននរណាម្នាក់ប្រាប់អ្នកថា អ្នកមិនបាច់ហត់ មិនបាច់ចេះអ្វីទាំងអស់  តែអាចចំណេញលុយបានរាប់ពាន់ រាប់ម៉ឺនឬច្រើនជាងនេះទៀតនោះ ធាតុពិតរបស់វាគឺគ្រាន់តែជា ថ្នាំពុលដែលស្រោបដោយទឹកឃ្មុំប៉ុណ្ណោះ៕