ការថែទាំប្រកបដោយសុវត្ថិភាព សម្រាប់ទារក និងកុមារគ្រប់រូប

វីដេអូ៖ ប្រសាសន៍ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល និងថ្នាក់ដឹកនាំជំនាញ ព្រមទាំង តំណាងអង្គការសុខភាពពិភពលោកប្រចាំកម្ពុជា ថ្លែងក្នុងឱកាសទិវាសុវត្ថិភាពអ្នកជំងឺពិភពលោក ឆ្នាំ២០២៥ ក្រោមប្រធានបទ “ការថែទាំប្រកបដោយសុវត្ថិភាព សម្រាប់ទារក និងកុមារគ្រប់រូប”។
 
សុវត្ថិភាពអ្នកជំងឺ គឺជាអាទិភាពរបស់ក្រសួងសុខាភិបាលកម្ពុជា ហើយក៏ត្រូវតែជាអាទិភាពសម្រាប់ភាគីពាក់ព័ន្ធ ទាំងអស់ទាំងកម្រឹតជាតិ និងអន្តរជាតិ។ “ការថែទាំសារវន្តទារកទើបនឹងកើត”  គឺជាឧទាហរណ៍ដ៏ល្អ ដែលបង្ហាញពីការប្រែក្លាយពីគោលនយោបាយសុខាភិបាល ឱ្យទៅជាការអនុវត្តជាក់ស្តែង ក្នុងការបម្រើ និងផ្តល់ជូនសេវាថែទាំ ទាំងម្តាយ និងទារក នៅគ្រប់មូលដ្ឋានសុខាភិបាល។ ពាក្យមួយឃ្លាដ៏មានអត្ថន័យរបស់ ឯកឧត្តមសាស្រ្តាចារ្យរដ្ឋមន្រ្តី ទៅកាន់បុគ្គលិកសុខាភិបាលទាំងអស់នោះគឺ៖ “សុវត្ថិភាពអ្នកជំងឺ ត្រូវមានចាប់តាំងពីថ្ងៃដំបូង!”