លោក សែ មុទ្ធិជាតិ ប្រធានអង្គការ អ៊ី ប៊ី ស៊ី (EBC) បានដឹកនាំក្រុមការងារចូលរួមក្នុងពិធីសំណេះសំណាលជាមួយថ្នាក់ដឹកនាំ អាជ្ញាធរមូលដ្ឋាន ក្រុមការងារចុះជួយមូលដ្ឋានស្រុកទ្រាំង ព្រមទាំងលោកនាយក នាយករង នៃសាលាទាំង ៦ ក្នុងស្រុកទ្រាំង ខេត្តតាកែវ ក្រោមអធិបតីភាព ឯកឧត្តមបណ្ឌិត ឈៀង ច័ន្ទតារា ប្រធានក្រុមការងារពង្រឹងវិស័យអប់រំក្នុងស្រុកទ្រាំង ដែលមានអ្នកចូលរួមសរុបជាង ៣០ នាក់

March 16, 2026 2ចំនួនមើល

តាកែវ៖ នាព្រឹកថ្ងៃទី១១ ខែមីនា ឆ្នាំ២០២៦ លោក សែ មុទ្ធិជាតិ ប្រធានអង្គការ អ៊ី ប៊ី ស៊ី (EBC) បានដឹកនាំក្រុមការងារចូលរួមក្នុងពិធីសំណេះសំណាលជាមួយថ្នាក់ដឹកនាំ អាជ្ញាធរមូលដ្ឋាន ក្រុមការងារចុះជួយមូលដ្ឋានស្រុកទ្រាំង ព្រមទាំងលោកនាយក នាយករង នៃសាលាទាំង ៦ ក្នុងស្រុកទ្រាំង ខេត្តតាកែវ ក្រោមអធិបតីភាព ឯកឧត្តមបណ្ឌិត ឈៀង ច័ន្ទតារា ប្រធានក្រុមការងារពង្រឹងវិស័យអប់រំក្នុងស្រុកទ្រាំង ដែលមានអ្នកចូលរួមសរុបជាង ៣០ នាក់។

ពិធីសំណេះសំណាលនេះ បានបង្ហាញអំពីការរៀបចំប្រព័ន្ធអេកូស៊ីស្តែមអប់រំបែបឌីជីថលសម្រាប់អនុវិទ្យាល័យ និងវិទ្យាល័យទូទាំងស្រុកទ្រាំង ដើម្បីបើកឱកាសឱ្យមានកិច្ចសហប្រតិបត្តិការលើការជំរុញបរិវត្តកម្មឌីជីថលក្នុងវិស័យអប់រំ និងបណ្តុះបណ្តាលរវាងក្រសួង និងស្ថាប័នពាក់ព័ន្ធ។

លោកប្រធានអង្គការ EBC ក៏បានថ្លែងអំណរគុណយ៉ាងជ្រាលជ្រៅចំពោះការតម្រង់ទិសដ៏ខ្ពង់ខ្ពស់របស់ ឯកឧត្តម សុខ ពុទ្ធិវុធ រដ្ឋលេខាធិការនៃក្រសួងប្រៃសណីយ៍ និងទូរគមនាគមន៍ និងជាប្រធានគណៈកម្មការគ្រប់គ្រងគម្រោងស្តីពីការបង្កើតនិងប្រតិបត្តិការថ្នាលអប់រំដោយប្រើប្រាស់បច្ចេកវិទ្យាគមនាគមន៍ព័ត៌មាន និងប្រព័ន្ធផ្សព្វផ្សាយនេះផ្ទាល់ដែលតែងតែជំរុញការប្រើប្រាស់បច្ចេកវិទ្យាក្នុងវិស័យអប់រំនៅកម្ពុជា។