ឱកាសអាហាររូបករណ៍ International Undergraduate Excellence Award សម្រាប់ឆ្នាំសិក្សា ២០២៦ នៅប្រទេសអង់គ្លេស
សាកលវិទ្យាល័យ University of Westminster នៃចក្រភពអង់គ្លេស ប្រកាសដាក់ឱ្យដំណើរការនូវកម្មវិធីអាហាររូបករណ៍ International Undergraduate Excellence Award (IEA) សម្រាប់ការសិក្សាដែលនឹងចាប់ផ្តើមនៅខែកញ្ញា ឆ្នាំ២០២៦ ខាងមុខនេះ។ អាហាររូបករណ៍នេះ ត្រូវបានបង្កើតឡើងក្នុងគោលបំណងលើកទឹកចិត្តដល់និស្សិតអន្តរជាតិដែលមានស្នាដៃសិក្សាលេចធ្លោ និងមានឆន្ទៈខ្ពស់ក្នុងជំនាញដែលខ្លួនបានជ្រើសរើស។
- លក្ខខណ្ឌនៃការជ្រើសរើស
- សំណុំឯកសារ
- អត្ថប្រយោជន៍
លក្ខខណ្ឌវិនិច្ឆ័យ និងតម្រូវការដើម្បីមានសិទ្ធិដាក់ពាក្យ បេក្ខជនត្រូវបំពេញតាមលក្ខខណ្ឌដូចជា ៖ ត្រូវតែជា និស្សិតអន្តរជាតិ, ទទួលបាន សេចក្តីសម្រេចទទួលយកឱ្យចូលរៀន (Offer) ក្នុងវគ្គសិក្សាកម្រិតបរិញ្ញាបត្រ (Full-time) សម្រាប់ខែកញ្ញា ឆ្នាំ២០២៦, មានលទ្ធផលសិក្សាល្អប្រសើរ (លើសពីកម្រិតកំណត់អប្បបរមានៃមុខជំនាញដែលដាក់ពាក្យ), បង្ហាញពីចំណូលចិត្ត និងការតាំងចិត្តខ្ពស់ចំពោះមុខវិជ្ជាដែលបានជ្រើសរើស។
អត្ថប្រយោជន៍នៃអាហាររូបករណ៍បេក្ខជនដែលជាប់ជម្រើសនឹងទទួលបាននូវការឧបត្ថម្ភជាទឹកប្រាក់ចំនួន £២,៥០០ (ប្រមាណ ៣,៤០០ ដុល្លារ) សម្រាប់កាត់បន្ថយថ្លៃសិក្សាក្នុងឆ្នាំទី១។ ថវិកានេះនឹងត្រូវបង់ផ្ទាល់ទៅកាន់សាកលវិទ្យាល័យ សម្រាប់ការសិក្សានៅឆមាសដំបូង។ បញ្ជាក់៖ ការផ្តល់ជូននេះមានសុពលភាពតែក្នុងឆ្នាំទី១ ប៉ុណ្ណោះ ចាប់ពីឆ្នាំទី២ ទៅ និស្សិតត្រូវទទួលបន្ទុកថ្លៃសិក្សាដោយខ្លួនឯង។
