សេចក្តីជូនដំណឹងស្ដីពី ការប្រឡងជ្រើសរើសនិស្សិត អាហារូបករណ៍ទេពកោសល្យឌីជីថលតេជោចំនួន ២០០កន្លែង សម្រាប់ឆ្នាំសិក្សា ២០២៦-២០២៧ នៅបណ្ឌិត្យសភា CADT!

បណ្ឌិត្យសភាបច្ចេកវិទ្យាឌីជីថលកម្ពុជា (CADT) សូមជម្រាបជូនដំណឹងដល់សិស្សានុសិស្សទាំងអស់ឱ្យបានជ្រាបថា ក្រោមកិច្ចដឹកនាំប្រកបដោយចក្ខុវិស័យរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កម្មវិធីអាហារូបករណ៍ទេពកោសល្យឌីជីថលតេជោ នឹងបន្តផ្ដល់ជូនអាហារូបករណ៍ចំនួន ២០០កន្លែង សម្រាប់ចូលសិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថលនៅ CADT ក្នុងឆ្នាំសិក្សា ២០២៦-២០២៧។អាហារូបករណ៍នេះត្រូវបានបង្កើតឡើងតាមរយៈក្រសួងប្រៃសណីយ៍ និងទូរគមនាគមន៍ (ក.ប.ទ.) ដើម្បីផ្ដល់ឱកាសដល់យុវជន-យុវនារីដែលមានទេពកោសល្យ អាចសិក្សាជំនាញបច្ចេកវិទ្យាឌីជីថល ដែលជាជំនាញដ៏មានតម្រូវការខ្ពស់ និងចាំបាច់សម្រាប់ការអភិវឌ្ឍសេដ្ឋកិច្ច និងសង្គមឌីជីថលរបស់កម្ពុជា។