សហភាពអឺរ៉ុបប្រកាសផ្តល់អាហារូបករណ៍ ៣០កន្លែង ដល់និស្សិត និងអ្នកជំនាញកម្ពុជា ទៅសិក្សាលើវិស័យទឹកនៅអឺរ៉ុប
ដើម្បីចូលរួមចំណែកក្នុងការអភិវឌ្ឍប្រកបដោយចីរភាព និងពង្រឹងសមត្ថភាពអ្នកជំនាញក្នុងវិស័យទឹកនៅកម្ពុជា សហភាពអឺរ៉ុបប្រចាំកម្ពុជាបានប្រកាសបើកទទួលពាក្យសុំអាហារូបករណ៍ក្រោមកម្មវិធី “European Global Scholarship Call for Water Professions” ដោយផ្តល់ឱកាសចំនួន ៣០កន្លែង។អាហារូបករណ៍នេះនឹងផ្តល់ជូននូវការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៅតាមបណ្តាសាកលវិទ្យាល័យល្បីៗក្នុងប្រទេសជាសមាជិកសហភាពអឺរ៉ុបទាំង ២៧។
- លក្ខខណ្ឌនៃការជ្រើសរើស
- សំណុំឯកសារ
- អត្ថប្រយោជន៍
លក្ខខណ្ឌ និងនីតិវិធីនៃការដាក់ពាក្យសម្រាប់បេក្ខជនដែលមានបំណងចង់ដាក់ពាក្យ តម្រូវឱ្យអនុវត្តតាមជំហានសំខាន់ៗចំនួន ៣ ដូចខាងក្រោម៖
- ទទួលបានលិខិតទទួលឱ្យចូលរៀន (Admission Letter): បេក្ខជនត្រូវទាក់ទង និងទទួលបានលិខិតបញ្ជាក់ការទទួលឱ្យចូលរៀន (ទោះជាលក្ខខណ្ឌ ឬផ្លូវការ) ពីសាកលវិទ្យាល័យណាមួយដែលទទួលស្គាល់ក្នុងសហភាពអឺរ៉ុប។
- រៀបចំឯកសារ: រៀបចំរាល់ឯកសារពាក់ព័ន្ធឱ្យបានគ្រប់ជ្រុងជ្រោយតាមការកំណត់។
- ការដាក់ពាក្យតាមអនឡាញ: បេក្ខជនត្រូវដាក់ពាក្យតាមរយៈគេហទំព័រផ្លូវការ https://eu-scholarship.itc.edu.kh។
អាហារូបករណ៍នេះនឹងគ្របដណ្តប់លើការចំណាយទាំងអស់ រួមមាន៖
- កម្រៃសេវាសិក្សា (Tuition fees)
- ការធានារ៉ាប់រងសុខភាព
- ប្រាក់ឧបត្ថម្ភប្រចាំខែសម្រាប់ស្នាក់នៅ និងហូបចុក
- អត្ថប្រយោជន៍ចាំបាច់ផ្សេងៗទៀត
