កម្មវិធី DGIy (Digital & Green Innovation – Youth Cohort)

កម្មវិធីនេះផ្តល់ឱកាសឱ្យអ្នកចូលរួមសិក្សាពីដំណើរការនៃការបង្កើតនវានុវត្តន៍ ចាប់ពីការស្វែងយល់អំពីបញ្ហាជាក់ស្តែង ការអភិវឌ្ឍគំនិត (Concept Development) ការចូលរួមកម្មវិធី Hackathon រហូតដល់ការធ្វើបទបង្ហាញស្នាដៃនៅក្នុង Demo Day។ ជាពិសេស កម្មវិធីនេះ មិនតម្រូវឱ្យមានចំណេះដឹង ឬបទពិសោធន៍ផ្នែក Coding ជាមុនឡើយ។សម្រាប់អត្ថប្រយោជន៍ យុវជននឹងទទួលបានអាហារូបករណ៍ ១០០% សម្រាប់ការបណ្តុះបណ្តាលជាមួយអ្នកជំនាញផ្នែក GreenTech និង AI អភិវឌ្ឍជំនាញ Product Innovation, Design Thinking, Pitching និងការបង្កើតផលិតផលឌីជីថល ទទួលបានបទពិសោធន៍ធ្វើការជាក្រុម និងដោះស្រាយបញ្ហាជាក់ស្តែង និងឱកាសចូលរួមដំណើរទស្សនកិច្ចសិក្សានៅបណ្តាប្រទេសអាស៊ាន ដោយឥតគិតថ្លៃ។កម្មវិធីជ្រើសរើសយុវជនដែលមានអាយុចន្លោះ ១៥–២៥ ឆ្នាំ (សិស្ស និស្សិត ឬអ្នកកំពុងបំពេញការងារ) អាចដាក់ពាក្យជាបុគ្គល ឬជាក្រុម ៣–៥ នាក់ និងមិនទាមទារជំនាញសរសេរកូដ (Coding)។