ស្តីពីការចូលរួមកម្មវិធីប្រកួតប្រជែងបង្កើតហ្គេមកម្រិតអន្តរជាតិ Games for Change (G4C) Student Challenge 2026
February 14, 2026 7:00 AM – 5:00 PM
ក្រសួងអប់រំ យុវជន និងកីឡា សូមលើកទឹកចិត្តដល់សិស្ស និស្សិត និងយុវជនកម្ពុជាទាំងអស់ ដែលមានចំណាប់អារម្មណ៍លើវិស័យបច្ចេកវិទ្យា និងការបង្កើតហ្គេម ចូលរួមបញ្ចេញសមត្ថភាព ដើម្បីដណ្តើមយកអាហារូបករណ៍រហូតដល់ ១០,០០០ ដុល្លារសហរដ្ឋអាមេរិក ព្រមទាំងឱកាសបង្ហាញស្នាដៃនៅលើឆាកអន្តរជាតិ។
កម្មវិធីនេះមានគោលបំណងជំរុញឱ្យយុវជនកម្ពុជា ប្រើប្រាស់គំនិតច្នៃប្រឌិត និងជំនាញឌីជីថល ដើម្បីបង្កើតហ្គេមដែលចូលរួមចំណែកដោះស្រាយបញ្ហាសង្គម ដោយផ្ដោតលើប្រធានបទសំខាន់ៗចំនួន ៣ រួមមាន៖
-All in for Nature: ការចូលរួមការពារធនធានធម្មជាតិ
-Outgrow Hunger: ការចូលរួមដោះស្រាយបញ្ហាស្បៀងអាហារ
-Own the Road: ការលើកកម្ពស់សុវត្ថិភាពចរាចរណ៍
លក្ខខណ្ឌនៃការចូលរួម៖
• បេក្ខជនត្រូវមានអាយុចន្លោះពី ១០ ទៅ ២៥ ឆ្នាំ (បើកទូលាយសម្រាប់សិស្ស-និស្សិតគ្រប់ភេទ)។
• អាចចូលរួមប្រកួតជាឯកត្តជន ឬសហការគ្នាជាក្រុម (ពី ២ ទៅ ៤ នាក់)។
