តីពីការបើកកម្មវិធី Women in Conflict 1325 Fellowship Programme 2026 នៅស្កុតឡែន (Scotland)
May 20, 2026
N/A
N/A
N/A
សមាគមនិស្សិតកម្ពុជាប្រចាំតំបន់អឺរ៉ុប 🇪🇺 សូមជម្រាបជូនដំណឹងដល់សិស្ស និស្សិត និងសាធារណជនកម្ពុជា ជាពិសេសយុវតីដែលមានចំណាប់អារម្មណ៍លើការកសាងសន្តិភាព និងសិទ្ធិស្ត្រី មេត្តាជ្រាបថា Beyond Borders Scotland បានប្រកាសបើកកម្មវិធី Women in Conflict 1325 Fellowship Programme បានបើកទទួលពាក្យសម្រាប់វគ្គខែកក្កដា ឆ្នាំ២០២៦ ក្រោមប្រធានបទ៖“Women’s Meaningful Participation in Peacebuilding”(ការចូលរួមប្រកបដោយអត្ថន័យរបស់ស្ត្រីក្នុងការកសាងសន្តិភាព)
តំណភ្ជាប់: តំណភ្ជាប់
- ព័ត៌មានអំពីកម្មវិធីសិក្សា
កម្មវិធីនេះនឹងប្រព្រឹត្តទៅចាប់ពីថ្ងៃទី២០ ដល់ថ្ងៃទី២៥ ខែកក្កដា ឆ្នាំ២០២៦ 
តាមរយៈកម្មវិធីស្នាក់នៅរយៈពេលមួយសប្ដាហ៍ ដែលរួមមានវគ្គពិភាក្សា ការចែករំលែកបទពិសោធន៍ និងការកសាងបណ្ដាញទំនាក់ទំនងជាមួយអ្នកចូលរួមមកពីបណ្ដាប្រទេសផ្សេងៗ 
ក៏មានវគ្គអនឡាញមុន និងក្រោយកម្មវិធីផ្ទាល់ ដើម្បីពង្រឹងការសិក្សា និងការផ្លាស់ប្តូរបទពិសោធន៍ជាមួយ Fellow Alumnae ជុំវិញពិភពលោកផងដែរ។ លក្ខខណ្ឌនៃការដាក់ពាក្យកម្មវិធីនេះបើកចំហសម្រាប់ស្ត្រីមកពីបណ្ដាប្រទេសដែលរងផលប៉ះពាល់ដោយជម្លោះ
និងកំពុងធ្វើការលើវិស័យកសាងសន្តិភាព សិទ្ធិស្ត្រី ឬវិស័យពាក់ព័ន្ធផ្សេងៗ។ អ្នកដែលមានផ្ទៃខាងសិល្បៈ 
ក៏ត្រូវបានលើកទឹកចិត្តឱ្យដាក់ពាក្យផងដែរ។
ឯកសារត្រូវភ្ជាប់រួមមាន៖• CV ចុងក្រោយបំផុត
• លិខិតណែនាំ (Reference Letter)
• ច្បាប់ចម្លងលិខិតឆ្លងដែន (Passport)
