ការបើកទទួលពាក្យអាហារូបករណ៍រដ្ឋាភិបាលជប៉ុនក្នុងឆ្នាំសិក្សា ២០២៧

ក្រសួងអប់រំ វប្បធម៌ វិទ្យាសាស្ត្រ កីឡា និងបច្ចេកវិទ្យា (MEXT) នៃប្រទេសជប៉ុនផ្តល់អាហារូបករណ៍ ៤ ប្រភេទក្នុងកម្រិតនិស្សិតថ្នាក់ក្រោយឧត្តមសិក្សា និស្សិតថ្នាក់ឧត្តមសិក្សា និស្សិតថ្នាក់មធ្យមសិក្សាបច្ចេកទេស និងនិស្សិតថ្នាក់បណ្តុះបណ្តាលវិជ្ជាជីវៈ ។ស្ថានទូតជប៉ុនមានសេចក្តីសោមនស្សរីករាយសូមជម្រាបជូនថា ការដាក់ពាក្យសុំអាហារូបករណ៍រដ្ឋាភិបាលជប៉ុនក្នុងឆ្នាំសិក្សា ២០២៧ សម្រាប់និស្សិតកម្ពុជាចាប់ផ្តើមទទួលពាក្យចាប់ពីថ្ងៃ២៣ ខែមេសា រហូតដល់ថ្ងៃទី២២ ខែឧសភា ឆ្នាំ២០២៦។