ឱកាសសម្រាប់យុវជនចូលរួមវេទិកា Jeju Forum SPEAK នៅកូរ៉េខាងត្បូង ផ្តោតលើសន្តិភាពអន្តរជាតិ និងបញ្ហាសកល
ភ្នំពេញ៖ Jeju Forum SPEAK ឆ្នាំ 2026 ជ្រើសរើសយុវជនមានអាយុចន្លោះពី 19 ដល់ 34 ឆ្នាំ ជួបជុំគ្នាដើម្បីចែករំលែកទស្សនៈ និងគំនិតរបស់ពួកគេលើបញ្ហាប្រឈមសកល។ កម្មវិធីនឹងធ្វើឡើងនៅថ្ងៃទី 24-26 ខែមិថុនា ឆ្នាំ 2026 នៅ Jeju ប្រទេសកូរ៉េខាងត្បូង។
យោងតាមគេហទំព័រផ្លូវការ វេទិកា Jeju Forum SPEAK ឆ្នាំ 2026 គឺជាកម្មវិធីយុវជនអន្តរជាតិមួយដែលនាំយុវជនមកជួបជុំគ្នាដើម្បីចែករំលែកទស្សនៈ និងគំនិតរបស់ពួកគេលើបញ្ហាប្រឈមសកល។ កម្មវិធីនេះបានចាប់ផ្តើមជាលើកដំបូងនៅឆ្នាំនេះ ត្រូវបានរៀបចំឡើងដោយសហការជាមួយ WFUNA, UNDPPA និង UNITAR CIFAL Jeju។
អ្នកចូលរួមដែលត្រូវបានជ្រើសរើសសម្រាប់ SPEAK នឹងទទួលបានអត្ថប្រយោជន៍ដូចជា មានឱកាសដើម្បីធ្វើបទបង្ហាញ និងផ្លាស់ប្តូរទស្សនៈរបស់យុវជនលើសន្តិភាព និងវិបុលភាព។ កម្មវិធីនឹងរ៉ាប់រងលើការចំណាយសំបុត្រយន្តហោះរវាងទីក្រុងមួយទៅទីក្រុងមួយក្នុងប្រទេសកូរ៉េ (ក្នុងប្រទេសកូរ៉េ ទៅនិងមកពីកោះជេជូ) ផ្តល់ជូនកន្លែងស្នាក់នៅ (ថ្ងៃទី ២៤-២៧ ខែមិថុនា ឆ្នាំ២០២៦ / ៣យប់) អាហារ និង ការធ្វើដំណើរមួយចប់កម្មវិធី។
កម្មវិធីនេះ ផ្តល់វេទិកាសម្រាប់យុវជនមកពីជុំវិញពិភពលោកដើម្បីធ្វើបទបង្ហាញ ផ្លាស់ប្តូរ និងអភិវឌ្ឍចក្ខុវិស័យរបស់ពួកគេសម្រាប់សន្តិភាពប្រកបដោយចីរភាព និងអនាគត។ដើម្បីអាចដាក់ពាក្យបានតម្រូវឱ្យបេក្ខជនត្រូវតែបំពេញតាមលក្ខណៈវិនិច្ឆ័យដូចខាងក្រោម៖
-មានអាយុចន្លោះពី 19 ដល់ 34 ឆ្នាំ
-ស្ទាត់ជំនាញក្នុងការទំនាក់ទំនងភាសាអង់គ្លេស
-បង្ហាញចំណាប់អារម្មណ៍លើសន្តិភាពអន្តរជាតិ និងបញ្ហាសកល
-មានលទ្ធភាពពេញលេញសម្រាប់សកម្មភាពកម្មវិធីដែលបានកំណត់ពេលទាំងអស់ ហើយជាពិសេសបេក្ខជនត្រូវតែអាចចូលរួមព្រឹត្តិការណ៍ដែលបានកំណត់ពេលទាំងអស់។
