ពិភាក្សាថ្នាក់ដឹកនាំអង្គការ អ៊ី ប៊ី ស៊ីជាមួយគណៈប្រតិភូមកពីទីភ្នាក់ងារសហប្រតិបត្តិការអន្តរជាតិកូរ៉េប្រចាំកម្ពុជា (KOICA)

នារសៀលថ្ងៃទី២៣ ខែមករា ឆ្នាំ២០២៦ លោក សែ មុទ្ធិជាតិ ប្រធានអង្គការ អ៊ី ប៊ី ស៊ី បានអញ្ជើញចូលរួមជាមួយ ឯកឧត្ដម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មការគ្រប់គ្រងគម្រោងស្តីពីការបង្កើតនិងប្រតិបត្តិការថ្នាលអប់រំដោយប្រើប្រាស់បច្ចេកវិទ្យាគមនាគមន៍ព័ត៌មាននិងប្រព័ន្ធផ្សព្វផ្សាយ បានទទួលស្វាគមន៍ និងជួបពិភាក្សាជាមួយគណៈប្រតិភូមកពីទីភ្នាក់ងារសហប្រតិបត្តិការអន្តរជាតិកូរ៉េប្រចាំកម្ពុជា (KOICA), សាស្ត្រាចារ្យ និងអ្នកជំនាញមកពីសាកលវិទ្យាកូរ៉េ KBS និង KPC, ដឹកនាំដោយលោកស្រី Lee Sejin នាយិការង (KOICA) និង មន្ត្រីពាក់ព័ន្ធក្នុងគម្រោងនៃសាលាភូមិន្ទរដ្ឋបាលដឹកនាំដោយ ឯកឧត្ដម ស៊ុង វីនទិ នាយករងសាលាភូមិន្ទរដ្ឋបាល។