កម្មវិធី “ពិព័រណ៍រដ្ឋាភិបាលឌីជីថលនិងបច្ចេកវិទ្យាឌីជីថលកម្ពុជា-អន្តរជាតិ” លើកទី១ ក្នុងឆ្នាំ ២០២៤

ស្តង់ពិព័រណ៍របស់ស្ថាប័នផ្សព្វផ្សាយអប់រំកម្ពុជា (EBC) ទទួលបានការចាប់អារម្មណ៍ និងមានអ្នកចូលទស្សនាយ៉ាងច្រើនកុះករ ក្នុងកម្មវិធី “ពិព័រណ៍រដ្ឋាភិបាលឌីជីថលនិងបច្ចេកវិទ្យាឌីជីថលកម្ពុជា-អន្តរជាតិ” លើកទី១ ក្នុងឆ្នាំ ២០២៤ ដែលប្រព្រឹត្តទៅចាប់ពីថ្ងៃទី ១១-១៣ ខែមីនា ឆ្នា២០២៤។
។ស្ថាប័នផ្សព្វផ្សាយអប់រំកម្ពុជា (EBC) បានតាំងបង្ហាញពីសមិទ្ធផលការងាររបស់ខ្លួនមានដូចជា មាតិការអប់រំតាមបែបឌីធីថល ថ្នាលអប់រំឌីជីថល និង បានដាក់ឱ្យអ្នកទស្សនាទទួលបានបទពិសោធន៍បច្ចេកវិទ្យា VR/AR។ ការបង្កើតសមិទ្ធផលទាំងនេះដើម្បីលើកកម្ពស់ ជំរុញការចែករំលែក និងប្រើប្រាស់មាតិកាអប់រំឌីជីថលឱ្យកាន់តែសម្បូរបែបសម្រាប់បម្រើដល់ការរៀន និងបង្រៀនតាមរយៈការប្រើប្រាស់បច្ចេកវិទ្យាដោយសេរី ឥតគិតថ្លៃ គ្រប់ទីកន្លែង គ្រប់ពេលវេលា។ គំនិតផ្តួចផ្តើមនេះនឹងជួយធ្វើឱ្យធនធានឌីជីថលក្លាយជាភាសាជាតិដ៏សម្បូរបែប សម្រាប់ជាប្រយោជន៍ដល់ការសិក្សា ការស្រាវជ្រាវ ស្វ័យសិក្សារបស់ សិស្ស និសិ្សត និងអ្នកស្រឡាញ់ការសិក្សាពេញមួយជីវិត។

សូមអរគុណដល់ភ្ញៀវកិត្តិយសទាំងអស់ដែលបានមកទស្សនាស្តង់របស់យើង។