SEARCA ផ្តល់អាហារូបករណ៍ពេញថ្លៃថ្នាក់អនុបណ្ឌិត-បណ្ឌិត ក្នុងឆ្នាំសិក្សា២០២៧-២០២៨
- Criteria and Eligibility
- Required Document
- Benefit
នីតិវិធីដាក់ពាក្យ
ឯកសារដែលត្រូវដាក់ស្នើ ត្រូវរៀបចំជា ភាសាអង់គ្លេស រួមមាន៖១. ច្បាប់ដើម ឬច្បាប់ចម្លងដែលបានបញ្ជាក់ត្រឹមត្រូវនៃតារាងពិន្ទុសិក្សា (Transcript of Academic Records) ដែលមានត្រារបស់សាកលវិទ្យាល័យ និងហត្ថលេខាដើមរបស់មន្ត្រីចុះបញ្ជី ឬនាយកសាកលវិទ្យាល័យ។ បេក្ខជនថ្នាក់អនុបណ្ឌិត ត្រូវដាក់ច្បាប់ដើម ឬច្បាប់ចម្លងដែលបានបញ្ជាក់ត្រឹមត្រូវនៃតារាងពិន្ទុថ្នាក់បរិញ្ញាបត្រ (BS)។ ចំពោះបេក្ខជនថ្នាក់បណ្ឌិត ត្រូវដាក់តារាងពិន្ទុថ្នាក់បរិញ្ញាបត្រ (BS) និងអនុបណ្ឌិត (MS)។២. ច្បាប់ដើម ឬច្បាប់ចម្លងដែលបានបញ្ជាក់ត្រឹមត្រូវនៃវិញ្ញាបនបត្របញ្ចប់ការសិក្សា/សញ្ញាបត្រ សម្រាប់គ្រប់កម្រិតសិក្សាដែលបានបញ្ចប់។៣. វិញ្ញាបនបត្របញ្ជាក់ការងារ។៤. ទម្រង់លិខិតណែនាំ ដែលបានបំពេញដោយសាស្ត្រាចារ្យណែនាំការសិក្សា និងនិយោជក។៥. សេចក្តីពិពណ៌នាសង្ខេបអំពី ការស្រាវជ្រាវ ដែលបេក្ខជនមានគម្រោងអនុវត្តសម្រាប់និក្ខេបបទ/សារណាបញ្ចប់ការសិក្សា។ ប្រធានបទស្រាវជ្រាវត្រូវស្របតាមការផ្លាស់ប្តូរប្រកបដោយចីរភាពនៃប្រព័ន្ធកសិកម្ម តាមរយៈនវានុវត្តន៍នៅអាស៊ីអាគ្នេយ៍។
លើសពីនេះ ប្រធានបទស្រាវជ្រាវត្រូវចូលរួមចំណែកជាយុទ្ធសាស្ត្រដល់លទ្ធផលណាមួយដូចខាងក្រោម៖-បង្កើនប្រាក់ចំណូលរបស់កសិករ-លើកកម្ពស់សន្តិសុខស្បៀង និងអាហារូបត្ថម្ភ-បង្កើនភាពធន់នឹងការប្រែប្រួលអាកាសធាតុរបស់ប្រព័ន្ធកសិកម្ម-ពង្រឹងសមត្ថភាព និងអំណាចរបស់កសិករ ក្រុមកសិករ អ្នកពាក់ព័ន្ធក្នុងវិស័យកសិកម្ម និងស្ថាប័នរបស់ពួកគេ
៦. វិញ្ញាបនបត្រពី វេជ្ជបណ្ឌិត បញ្ជាក់ថា បេក្ខជនមានសុខភាពផ្លូវកាយ និងផ្លូវចិត្តល្អ និងមានសមត្ថភាពគ្រប់គ្រាន់ក្នុងការបន្តការសិក្សាកម្រិតក្រោយបរិញ្ញាបត្រ។៧. បេក្ខជនត្រូវបានផ្តល់អាទិភាព ប្រសិនបើមានលទ្ធផលប្រឡង IELTS ពិន្ទុ ៦.០ ឬ TOEFL iBT ពិន្ទុ ៧៥ ដែលប្រឡងក្នុងរយៈពេល ២ ឆ្នាំមុនពេលដាក់ពាក្យ ដើម្បីបញ្ជាក់ពីសមត្ថភាពភាសាអង់គ្លេស។
អត្ថប្រយោជន៍អាហារូបករណ៍
អាហារូបករណ៍ផ្តល់ជូន៖-ថ្លៃសិក្សា និងថ្លៃសេវាសិក្សាផ្សេងៗ-ប្រាក់ឧបត្ថម្ភការធ្វើដំណើរ (រួមមានសំបុត្រយន្តហោះទៅ-មកពីប្រទេសកំណើតទៅកាន់ទីកន្លែងសិក្សា និងថ្លៃធ្វើដំណើរក្នុងតំបន់)-ជំនួយសម្រាប់ការរៀបចំនិក្ខេបបទ/សារណាបញ្ចប់ការសិក្សា-ប្រាក់ឧបត្ថម្ភសម្រាប់សៀវភៅ និងសម្ភារៈសិក្សា-ធានារ៉ាប់រងសុខភាព-ប្រាក់ឧបត្ថម្ភសម្រាប់អាហារ ការស្នាក់នៅ និងចំណាយផ្សេងៗ
សាកលវិទ្យាល័យសិក្សា គឺបេក្ខជនអាចជ្រើសរើសសិក្សានៅសាកលវិទ្យាល័យខាងក្រោម ដែលស្ថិតនៅក្នុងតំបន់អាស៊ីអាគ្នេយ៍រួមមាន៖
-Institut Pertanian Bogor (IPB) ឥណ្ឌូណេស៊ី-Universitas Gadjah Mada (UGM) ឥណ្ឌូណេស៊ី-Universitas Brawijaya (UB) ឥណ្ឌូណេស៊ី-Kasetsart University (KU) ថៃ-Universiti Putra Malaysia (UPM) ម៉ាឡេស៊ី-University of the Philippines Los Baños (UPLB) ហ្វីលីពីន
ដោយឡែកចំពោះសាកលវិទ្យាល័យផ្សេងទៀតដែលជាទីតាំងសិក្សារបស់ SEARCA ប៉ុន្តែមិនមានរាយឈ្មោះខាងលើ ត្រូវបានកំណត់សម្រាប់កម្មវិធីអាហារូបករណ៍រួមរបស់ SEARCA ប៉ុណ្ណោះ ដូចជា National Taiwan University, Sejong University និង Tokyo University of Agriculture (Tokyo-NODAI)។
