អាហារូបករណ៍​ Open Doors Olympiad ផ្តល់ឱកាសសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ បណ្ឌិត និងក្រោយបណ្ឌិត នៅរុស្ស៊ី

បើតាមសមាគមអតីតនិស្សិតកម្ពុជាពីសូវៀតនិងរុស្ស៊ី អត្ថប្រយោជន៍នៃអាហារូបករណ៍​នេះរួមមាន ការរ៉ាប់រងលើថ្លៃសិក្សាទាំងស្រុង៖ ទទួលបានការឧបត្ថម្ភ ១០០% ពីថវិការដ្ឋនៃសហព័ន្ធរុស្ស៊ី។ មិនចេះភាសារុស្ស៊ីក៏អាចដាក់ពាក្យបាន ព្រោះមានរាប់បញ្ចូលវគ្គបំប៉នភាសារុស្ស៊ី ឬអាចជ្រើសរើសសិក្សាកម្មវិធីជាភាសាអង់គ្លេសបាន។ ប្រាក់ឧបត្ថម្ភប្រចាំខែ៖ ពីរាជរដ្ឋាភិបាលរុស្ស៊ី និងកម្ពុជា។បន្ថែមពីនេះ នឹងទទួលបានប្រាក់ឧបត្ថម្ភប្រចាំខែពិសេស៖ ទទួលបានប្រាក់អាហារូបករណ៍ប្រចាំខែផ្អែកលើលទ្ធផលសិក្សា ជាមួយនឹងកម្រិតប្រាក់ឧបត្ថម្ភខ្ពស់ជាងសិស្ស/និស្សិតទូទៅ។ កន្លែងស្នាក់នៅ៖ ទទួលបានការផ្តល់ជូនកន្លែងស្នាក់នៅក្នុងអន្តេវាសិកដ្ឋាន (Dormitory) របស់សាកលវិទ្យាល័យដោយផ្ទាល់។ ការគាំទ្របន្ថែម៖ ទទួលបានអត្ថប្រយោជន៍ និងការសម្រួលផ្សេងៗជាពិសេសសម្រាប់និស្សិតអាហារូបករណ៍អន្តរជាតិ។