វគ្គបណ្ដុះបណ្ដាលគ្រូបង្គោលក្នុងកម្មវិធី Technovation Girls Cambodia x Future Digital Talents

ក្រោមកិច្ចសម្របសម្រួលរបស់នាយកដ្ឋានបរិវត្តកម្មឌីជីថល ក្រសួងអប់រំ យុវជន និងកីឡា និង សហគមន៍ Technovation កម្ពុជា ដើម្បីចូលរួមចំណែកក្នុងការអភិវឌ្ឍវិជ្ជាជីវៈ និងសមត្ថភាពរបស់លោកគ្រូ អ្នកគ្រូ ក្នុងសម័យឌីជីថល Technovation Girls Cambodia x Future Digital Talents សូមលើកទឹកចិត្តដល់លោកគ្រូ អ្នកគ្រូ ចូលរួមក្នុងវគ្គបណ្ដុះបណ្ដាលនេះ។វគ្គបណ្ដុះបណ្ដាលនេះ នឹងដើរតួនាទីយ៉ាងសំខាន់ក្នុងការពង្រឹងសមត្ថភាពដឹកនាំ និងវិធីសាស្ត្របង្រៀនថ្មីៗ ជូនដល់លោកគ្រូអ្នកគ្រូ ដើម្បីមានភាពងាយស្រួលក្នុងការតម្រង់ទិសសិស្សចាប់ពីការបង្កើតគំនិត រហូតដល់ការអនុវត្តគម្រោងជាក់ស្តែង។ ទន្ទឹមនឹងការទទួលបាននូវជំនាញបច្ចេកវិទ្យា និងសហគ្រិនភាពបន្ថែម វគ្គនេះក៏ជាវេទិកាសម្រាប់ផ្លាស់ប្តូរបទពិសោធន៍រវាងគ្រូបង្គោល និងចូលរួមចំណែកយ៉ាងសកម្មក្នុងការកសាងមូលដ្ឋានគ្រឹះអក្ខរកម្មឌីជីថលសម្រាប់សិស្សានុសិស្សកម្ពុជា។ការចូលរួមរបស់លោកគ្រូ អ្នកគ្រូ គឺជាកម្លាំងចលករក្នុងការជំរុញការប្រើប្រាស់បច្ចេកវិទ្យា និងនវានុវត្តន៍ សម្រាប់បង្កើតការផ្លាស់ប្តូរវិជ្ជមានដល់សង្គមជាតិ និងសកលលោក។