សហព័ន្ធនិស្សិតកម្ពុជានៅបរទេស និងសហការជាមួយ ក្រសួងអប់រំ យុវជន និងកីឡា និងសហគមន៍អ្នកស្ម័គ្រចិត្តខេមអេក៍ និងក្រុមហ៊ុនសាលាតិច ក្នុងការរៀបចំ «វេទិកាឧត្តមសិក្សាកម្ពុជា និងការសិក្សានៅបរទេស ឆ្នាំ២០២៦»

«វេទិកាឧត្តមសិក្សាកម្ពុជា និងការសិក្សានៅបរទេស ឆ្នាំ២០២៦» ត្រូវបានរៀបចំឡើងក្នុងគោលបំណងលើកទឹកចិត្ត តម្រង់ទិស និងផ្តល់អនុសាសន៍ដល់សិស្សានុសិស្សដែលកំពុងសិក្សាថ្នាក់មធ្យមសិក្សា កំពុងត្រៀមប្រឡង និងទើបបញ្ចប់ការប្រឡងសញ្ញាបត្រមធ្យមសិក្សាទុតិយភូមិ ឱ្យទទួលបានបទពិសោធន៍ និងព័ត៌មានគ្រប់គ្រាន់ ក្នុងការសម្រេចចិត្តប្រកបដោយភាពជឿជាក់លើការបន្តការសិក្សាថ្នាក់ឧត្តមសិក្សា ការទទួលបានអាហារូបករណ៍ក្នុងស្រុក និងបរទេស និងការជ្រើសរើសអាជីពនាពេលអនាគត។

លើសពីនេះទៅទៀត កម្មវិធីនេះនឹងផ្តល់ឱកាសដល់មន្ត្រីអប់រំជំនាញ តំណាងគ្រឹះស្ថានឧត្តមសិក្សា និងអ្នកពាក់ព័ន្ធក្នុងវិស័យអប់រំនិងការងារ ក្នុងការផ្តល់ព័ត៌មានត្រឹមត្រូវដល់សិស្សានុសិស្ស ក្នុងការជ្រើសរើសមុខជំនាញសិក្សាក្នុងគ្រឹះស្ថានសិក្សារបស់ខ្លួន ព្រមទាំងព័ត៌មាន និងគន្លឹះទទួលបានអាហារូបករណ៍ទាំងក្នុងស្រុកនិងក្រៅប្រទេស។

ព័ត៌មានកម្មវិធី៖

កាលបរិច្ឆេទ៖ ថ្ងៃទី ២៣-២៤ ខែឧសភា ឆ្នាំ ២០២៦

ទីកន្លែង៖ វិទ្យាស្ថានបច្ចេកវិទ្យាកម្ពុជា (សាលាតិចណូ)

ពេលវេលា៖ ០៨:០០ ព្រឹក ដល់ ១៦:០០ ល្ងាច

ការចូលរួម៖ ឥតគិតថ្លៃ