តោះចូលរួមទាំងអស់គ្នា សម្រាប់អ្នកដែលចូលចិត្តផ្នែក បច្ចេកវិទ្យា គំនិតច្នៃប្រឌិត និស្សិត និងអ្នកដែលមានចក្ខុវិស័យថ្មីៗនាពេលអនាគត!
ឱកាសក្នុងការបង្កើតទំនាក់ទំនង បំផុសគំនិត និងរៀនសូត្រជាមួយគ្នានៅក្នុងកម្មវិធី «ពិព័រណ៍វិទ្យាសាស្រ្តលើកទី ១៥» នៅសាលាតិចណូ ដែលនឹងខិតជិតមកដល់ក្នុងពេលឆាប់ៗនេះ!
ពិព័រណ៍វិទ្យាសាស្រ្តនាឆ្នាំ ២០២៦ នេះ នឹងផ្តល់ឱកាសជូនសាធារណជនទាំងអស់ រួមទាំងប្អូនៗវិទ្យាល័យអញ្ជើញចូលរួម ដើម្បីរៀនសូត្រ និងស្វែងយល់អំពីចំណេះដឹងថ្មីៗទាក់ទងទៅនឹង វិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យា តាមរយៈ វេទិកាពិភាក្សា ទស្សនកិច្ចមន្ទីរពិសោធន៍ ការតាំងពិពរណ៌វិទ្យាសាស្រ្ត និងបច្ចេកវិទ្យា វគ្គចែករំលែកចំណេះដឹងបច្ចេកទេស និងសកម្មភាពចំណេះដឹងសប្បាយៗ ផ្សេងៗទៀត។
កាលបរិច្ឆេទ៖ ថ្ងៃទី ០៤-០៥ ខែមិថុនា ឆ្នាំ ២០២៦ រយៈពេល ២ ថ្ងៃពេញ
ពេលវេលា៖ ចាប់ផ្ដើមពីម៉ោង ៧: ៣០ នាទីព្រឹកតទៅ
ទីតាំង៖ នៅក្នុងបរិវេណ វិទ្យាស្ថានបច្ចេកវិទ្យាកម្ពុជា (ITC)
