កម្មវិធី K-POP as Global Cultural Industry របស់ Korea Development Institute (KDI)នៅសាធារណរដ្ឋកូរ៉េ សម្រាប់ឆ្នាំ២០២៦

ក្រសួងអប់រំ យុវជន និងកីឡា សូមជូនដំណឹងដល់សាធារណជនទាំងពីរភេទ ជ្រាបថា Korea Development Institute (KDI) នៃសាធារណរដ្ឋកូរ៉េ នឹងរៀបចំកម្មវិធី K-POP as a Global Cultural Industry នាថ្ងៃទី២២ ដល់ថ្ងៃទី ២៤ ខែមិថុនា ឆ្នាំ២០២៦ នៅសាធារណរដ្ឋកូរ៉េ ដើម្បីផ្តល់នូវចំណេះដឹងទាក់ទងនឹងគោលនយោបាយស្ថាប័ន និង អាជីវកម្ម ដល់អ្នករៀបចំគោលនយោបាយ អ្នកស្រាវជ្រាវ និងភាគីពាក់ព័ន្ធក្នុងវិស័យវប្បធម៌។ ភាគីកូរ៉េ នឹងទទួល បន្ទុកលើការធ្វើដំណើរក្នុងស្រុក ការហូបចុក និងការបកប្រែ រីឯការស្នាក់នៅ (មានផ្តល់ការបញ្ចុះតម្លៃលើសណ្ឋាគារ) សំបុត្រយន្តហោះទៅ-មក និងការស្នើសុំទិដ្ឋាការ ជាបន្ទុករបស់អ្នកចូលរួម ដោយភាគីរៀបចំនឹងជ្រើសរើសបេក្ខភាព ចំនួនប្រមាណ ២០រូប មកពីតំបន់ និងស្ថាប័នខុសៗគ្នា។
សាធារណជនទាំងពីរភេទ ដែលមានចំណាប់អារម្មណ៍ចំពោះកម្មវិធីខាងលើ សូមទាក់ទង និងបំពេញបែបបទ តាមរយៈគេហទំព័រ https://www.gkedc.go.kr/en ឬ https://www.kdi.re.kr/eng/ និងតាមរយៈអ៊ីម៉ែល kdi.kpop@gmail.com ចាប់ពីថ្ងៃផ្សាយដំណឹងនេះតទៅ។